انا جوايا واحد تاني

زائر

انا جوايا واحد تاني
كل خطوة لقدام يقولي .....
يا انهزامي يا انهزامي
اعمل نفسي ف وادي
وفي كل وادي يطلعلي تاني
واحدة واحدة يشدني يرجعني
شيب شعري ووقع سناني
انت فاكر نفسك ايه....!!!
انت يابني واحد تاني
اصدع وادمع ابرء
يقولي كداب غلس و اناني
مش بتحبك دي بتحب واحد تاني
مسترخماك لانك ببساطة بهلواني
مش راكز كده ولا عاقل
يابني انت تقف علي اي طريق
واستنا يدوسك روماني
ولو فاتك حاول تاني
طريقك مسدود مسدود
ولونه بتنجاني
ماضيك خيطان وعينكبوت
عماني
وكدبة كدبة كل فرحة واي اماني
اصرخ ف وشو واقوم انشو
يرجعلي تاني
بشكل تاني
يا انهزامي يا انهزامي
يارب ارحمني خدو م ادامي
يمشي ويرجع كل ثواني
يفضل يقولي يا انهزامي
قولت خلاص انا هقف مع نفسي
واقفة
وبصيت لنفسي
قالت
موافقة
قولت تمام
وقمت اوام
عملت جدول دا عنواني
ويدوبك كده خلصتو
لقيتني راجع للجدول تاني
قولت اعدل فيه غلطة
لا اتنين

تلاته
.
.
لقيتو بين السطور بيصفر
ويقولي يا انهزامي يا انهزاني
بيأهأه اوي بضحكة شيطاني
كرهت الجدول
ومعتش معدل
قولت ابدل
كتبت علي دهري انا واحد تاني
كل الي يشوفني ينده عليا
يقولي يا اهبل انت فلان
اقوله فلان مااااات انا واحد تاني
يقولي هههه انت اتجننت
اقوله عقلت
يبصلي ثواني
ويمشي يخبط كف بكف علي حالي
وابدء افكر من تاني
في كلامه وكلامي
هو انا اهبل يقولي لالا انت انهزامي
يا انهزامي يا انهزامي
عقدلي حياتي وخلاني
مش طايق نفسي وطرش وداني
بصيت في المرايه
بقول لنفسي عاجبك كده؟؟؟
تايه في نفسك ياضعيف
عايز تبقي واحد تاني
هتفضل دايما كده سخيف
ولا هتاخد وصفه موروتاني
انت ممكن تبقي انت نفسك
ونفسك تبقي عشاني
ناقصك شوية ثقة وايمان
وتبقي زي فلان الفلاني
بدءت اصدق وحاولت اكون هو
اتاريني معرفش عنه
الا صورة حاببها قدامي
والي خفا عني
كرهني ف نفسي من تاني
ورجع الي جوا يضحك اوى
يا انهزامي يا انهزامي
قررت خلاص ابقا نفسي
ومش هعرف غيرها تاني
قررت ان فشلي نجاحي
واحب الفشل يبقا عشاني
اتغيرت
كل حاجة اعملها بقيت منها واثق
والثفة بقت عمياني
وكأن خلاص مفيش غيري
يعرف يعمل اعمالي
مرة واحدة مسكني غرور
والناس تشوفني تقولي غوووور
روحت البيت عملت شاي
ووقفت في شباكي جنب الناي
بيعزف لوحدو ويقولي هاي
احاول اسكته يقولي جاي جاي
كسرته من غلبي
ووقع الشاي
معرفش ايه خلاني
ما احبش يكون ادامي
مع انه من صغري حافظ ألحاني
وملي الصمت كل المكان
وفضل الصوت يعلي يعلي
يا انهزامي يا انهزامي
فضلت اسد وداني
واصرخ اصرخ
اقول اةةةةة ياني يااااااااني
فضل ماسكني مالكني
لحد ماروحت عالم الاخرة
وكتبو علي قبري
هنا يرقد واحد تاني
وجه الي جوا هو هو
وكتب دا حبيبي
(الانهزامي)

جغرافي اصيل

لا حول ولا قوه الا بالله يعنى مشربتش الشاى
والله موضوع حميل جدااااااااااا

» السلام عليكم طلب لو سمحت
» كلام رومانسي "حب من طرف واحد".......
» كان مرة واحد( نكت)
» واحد فااااااااااااااااااشل.............................
» واحد ....اتنين.... الجيش العربي فين