عودت عيني على رؤياك

زائر

عودت عيني على رؤياك
و قلبي سلملك أمري
أشوف هان علي
بنظرتك لي
و ابقى نعيم قلبي
يوم ماالتقيك جنبي

و إن مر يوم من غير رؤياك
ما ينحسبش من عمري
قربك نعيم الروح و العين
و نظرتك سحر و إلهاااام
و بسمتك فرحة قلبين
عايشين على الأمل البسام
و إن غبت يوم عني
أفظل أنا و ظني
بيقربك مني
و يبعدك عني
و احتار في أمري معاه و معاك

و إن مر يوم من غير رؤياك
ما ينحسبش من عمري
لو كنت خذت على بعادك
كنت أقدر أصبر و استنى
و أسهر على ضي معادك
لما الزمان يجمع منا
أبات على نجواك
و أصبح على ذكراك
و أسرح و فكري معاك
لكن غالبني الشوق في هواك

و إن مر يوم من غير رؤياك
ما ينحسبشي من عمري
زرعت في ظل ودادي
غصن الأمل و إنت رويتو
و كل شيئ في الدنيا دي
وافق هواك ، أنا حبيتو
و مهما شفت جمال
و زار خيالي خيال
إنت اللي شاغل البال
و إنت اللي روحي و قلبي معاك

و إن مر يوم من غير رؤياك
ما ينحسبشي من عمري
يوم ما تسعدني بقربك
ألاقي كل الناس أحباب
و يفيض علي نور حبك
و أقول ما فيش في الحب عذاب
الحب كله نعيم
لا فيه عزول بيلوم
و لا فيه حبيب محروم
يا رب يدوم للقلب صفاه
و اقضي طول العمر معاك

و إن مر يوم من غير رؤياك
ما ينحسبشي من عمري

» ×?°][رفعت عيني بعد ما دمعت][×?°
» أضحك ودمعي حايرٍ وسط عيني ))
» رسائل حزينه..........ادمعت عيني
» يا عيني علي ذكاء الطلبة واجوبتهم المنطقية