المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات


الجغرافيا للجميع
 
الرئيسيةالبوابةس .و .جبحـثالتسجيلدخول

شاطر | 
 

 تاهيل خريجى شعبة المساحة والخرائط او الشـعبة العااامة والدورات اللازم اخدهااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
™Mr/KarThA
جغرافى نشيط
جغرافى نشيط



مُساهمةموضوع: تاهيل خريجى شعبة المساحة والخرائط او الشـعبة العااامة والدورات اللازم اخدهااا   الإثنين 12 أكتوبر 2009, 1:59 pm

بسم الله الرحمن الرحيم
احب الاول اعرفكم بنفسى يا جماعة

الاسم/احمد صلاح القاضى
مشرف/الفرق الدراسية

هنتكلم فى موضوع الدورات بس الاول هنوضح شوية اساسيــات

دخول الانسان لشعبة المساحة ليس منحة الحق فى تاهيل الانسـان للشغل كمساح ولكن دخول الانسان الشعبة منحة شهادة كويسة وحلوة عن اى قسم فى اداب وهوة المساح والخرائط مين دلوقتى يقدر يستغنى عن المساح فى الشغل وكمان فى توكيل شركات مثل جارمن وترمبل بتطلب رسامين خرائط وبالذات اخصائى ليصمم وينتج الخرائط الرقمية والكلام دة من المعيد ضياء ان الكلية ما عليهااا غير انها بتديك شهادة وخـلاص

انتة لسة فى الفرقة الاولى او الفرقة التانية او الفرقة التالتة توكل على الله وابدا خد دورة اسمها i c d l ودى فى منحة وزارة الاتصالات بتدفع فيهااا 120 جنية ولما بتاخد الدورة وتمتحن وتنجح فيهااا بتاخد ال 120 جنية دول تانى تمام كدة دى اول حاجة لو مش عايز تاخدها منحة خدها فى اى مركز تانى عادى خالص وهيبقى سعرهاااا 450 جنية دى بالنسبة لاول دورة يا شباب

النقطة التالتة بقى انتة دخلت مساحة ما عليك غير انك تعمل حاجة وهية بسيطة انزل ادرب فى اى شركة مثل المقاولون والطرق والكبارى وطلعت مصطفى واكيد الباشا احمد يونس رفع موضوع عن اماكن التدريب يعنى مش ناقص غير انتة تنزل وتشوف شغل الموقع ومش تخاف هما هناك هيعلموك علشان انا عارف انكم كلكم هتقولوا الكلية مش هتعلمنى حاجة لان فعلا انا فى رابعة اهة والكلية مش علمتنى حتة اقف على جهاز واتعلمتة فى التدريب بـــس
النقطة الرابعة بقى يا جماعة انك تاخد حاجة فى الكمبيوتر اللى هوة دراسة برنامج اوتوكاد ومكانة فى نقابة المهندسين اللى فى طنطا اللى هيــة عند شركة الكهرباء مش فاكر والله اعلم مكانها بالظبط بس قيمة الكورس 110 جنية وهيتاخد فى 3 اسابيع كل اسبوع هتاخد فية 3 ايام كل يوم من ال3 ايام هتروح ساعتين وفى الاخر بتاخد شهادة حلوة من النقابة والكل عارف طبعا يعنى اية نقابة مهندسين
النقطة الخامسة ومش تتعمل غير لما تكون فى الفرقة الرابعة فى الترم الاول انك تروح يا باشا تاخد حاجة اسمها الدورة المهنية او ليها مسمى تانية الدبلومة المهنية ماشى فى بقى مكانين اعرفهم كويسين بس انا برجح مكان حلو فيهم اوى اوى اوى وهو مركز الهادى للاستشارات المساحية ودة يا جماعة فى الزقازيق بس الله ام صلى على النبى راجل كفاااءة استشارى مساحة بهيئة المساحة وبيدى دورة ميزان وتوتل واوتوكاد وسيرفر طبعا هتقولى انتة قولت خد اوتوكاد فى النقابة واخدتة هقولك النقابة شرحت لك شرح اكاديمى يعنى شرح بدون خبرة عملية انما فى المكتب دة هتاخد البيانات اللى طالعة من التوتل وتحطها عالاوتوكاد يعنى بيعلمك تستخدمة فى اية؟ واهى تبقى مراجة

المكان التانى وهي رابطة خريجى المساحة والخرائط بالجامعات المصرية ودى فى الاسكندرية ولكن هية هتفتح فرع بعد العيد الكبير فى طنطا علشان تخدم طلبة طنطا وبردك بتقدم نفس الدورة باالحاجات اللى ذكرتها سابقااا

سعر الدورة فى مكتب الزقازيق 600 جنية
سعر الدورة فى رابطة المساحة والخرائط 750 جنية
النقطة السادسة بقى انتة كدة بقيت راجل محترم بمعنى معاك اى سى دى ال ادربت فى شركة بتعرف اوتوكاد معاك دورة مهنية هيجيلك فى ا لترم التانى فى الفرقة الرابعة مهندسين بقى يدربوك علشان مشروع التخرج ان شاء الله هتكون عندك خبرة زيهم وتطلع المشروع وهترجع ملك علشان انتة فاهم اللى عملتة طول السنين بتاعت الكلية مش هيروح على فكرة انا عملت كدة وربنا يا جماعة بس لسة الدورة المهنية بس يا جماعة والله والله والله كل شهادة من الشهادات دى بتنفع
النقطة السابعة ان بعد اما تتخرج باذن الله تروح المحافظة توثق الشهادات دة من الخارجية المحافظة اللى فى طنطا هتوثق كل شهادة ب 22 جنية يعنى انتة كدة بقى جاهز للسفر خارج مصــر وللشغل فى مصـر يعنى انتة كدة مؤهل نفسك للعمل
بعد بقى اما تتخرجوا هرفع ليك هنا شركات بتحتاج مساحين حديث التخرج ومساحين ذو خبرة والاخ صديق عمرى احمد عيسى متعامل مع شركة سفربتحتاج مساحين حديثى التخرج للسعودية وبتدفع هنا مبلغ قليل جدا وينفع تقسطة بس كلنا ناهل نفسنااا الاول



اللهم صغـــرنى فى نـــظر نفـــــــسى وكبــــرنى فى نـــظر النـــــــــــــــــــــــاس
الرجوع الى أعلى الصفحة اذهب الى الأسفل
ABU 100
جغرافى نشيط
جغرافى نشيط



مُساهمةموضوع: رد: تاهيل خريجى شعبة المساحة والخرائط او الشـعبة العااامة والدورات اللازم اخدهااا   الخميس 22 أكتوبر 2009, 10:43 pm

ربنا يوفئك يا احمد
بجد موضوع مفيد جدا
الرجوع الى أعلى الصفحة اذهب الى الأسفل
mohamed
جغرافى نشيط
جغرافى نشيط



مُساهمةموضوع: رد: تاهيل خريجى شعبة المساحة والخرائط او الشـعبة العااامة والدورات اللازم اخدهااا   الخميس 22 أكتوبر 2009, 11:01 pm

يااااااا ده المشوار ده طويل بشكل الصراحه انا مش عارف اقولك ايه لانك انت رصتلى شويه حاجات كده تدوخ عارف انا هركز فى اول نقطه واما اخلصها ابقا اشوف الباقى بس بجد ربنا يوفقك
الرجوع الى أعلى الصفحة اذهب الى الأسفل
ramyyyy
جغرافى جديد
جغرافى جديد



مُساهمةموضوع: رد: تاهيل خريجى شعبة المساحة والخرائط او الشـعبة العااامة والدورات اللازم اخدهااا   الإثنين 04 يناير 2010, 12:16 pm

عنوان الدورة اللى فى الزقازيق بتاع مركز الهادى لاستشارات المساحيه ياباشا مهندس احمد
الرجوع الى أعلى الصفحة اذهب الى الأسفل
م/جمال خيرى
جغرافى فعال
جغرافى فعال



مُساهمةموضوع: رد: تاهيل خريجى شعبة المساحة والخرائط او الشـعبة العااامة والدورات اللازم اخدهااا   الإثنين 04 يناير 2010, 7:46 pm

موضوع جميل جدا جدا يا باشمهندس احمد ومفيد جدا للى مش عارف بس فيه دورات ارخص من كده بكتييييير بالنسبه للتوتال او البرامج ومنهم فيه دورة دلوقتى فى الرابطه توتال وميزان وتديوليت وبرنامج السيرفر والاوتوكاد واللينك والبرولنك ب 250 جنيه وشهاده موثقه للعايز ياخدها والمنحه الكنديه فى الرابطه ببلاش خالص فى الرابطه توتال بس هتبقى ان شاء الله فى نص السنه بعد الامتحانات ان شاء الله
الرجوع الى أعلى الصفحة اذهب الى الأسفل
 
تاهيل خريجى شعبة المساحة والخرائط او الشـعبة العااامة والدورات اللازم اخدهااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: ملتقى طلاب قسم جغرافيا :: ملتقى طلاب قسم جغرافيا-
انتقل الى: