المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات
المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات
المنتدى الرسمى لطلاب قسم الجغرافيا جامعة طنطا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


الجغرافيا للجميع
 
الرئيسيةأحدث الصورالتسجيلدخول

 

 تعبان زهقان مش قادر تذاكر ...... جدد مذاكرتك معانا ....

اذهب الى الأسفل 
+4
♥™AhMeD SaM!R™♥
MoHaMeD HuSseiN
ABU 100
Captain_H
8 مشترك
كاتب الموضوعرسالة
Captain_H
مشرف
مشرف
Captain_H



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالإثنين 09 نوفمبر 2009, 12:24 pm


بسم الله الرحمن الرحيم
السلام عليكم ورحمة الله وبركاته
الإمتحانات ع الأبواب !!! خلاص الوقت أزف إيه يا عم إنت جاي تقلب لنا بطننا ؟؟ إحنا قلقانين لوحدنا لا لا أنا مش جاي أقلقك أبداً .. وإنما أنا جاي أقولك لسة في فرصــــة فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي ((الكلام ده مش كلامي .. ده كلام ناس كتير طلبة وطالبات)) إنهاردة جايين نقولك إن لسة في فرصـــــة تطلع الأول على دفعتك طبعا .. بس تعالى نشوف إزاى ؟؟ إعلم تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق .. بإرادتك هتتخطي كل الحواجز والصعاب .. أهم شئ يكون عندك هدف <<<<<<< هدف قوي جدااا تسعى لتحقيقه .. إيه هدفك؟؟ : التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما إيه الكلام الكبير ده ..؟؟ أنا مش قد كدة ؟؟ لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مزهلة بمعنى الكلمة .. لا تستبعد أبداً إنك تكون من الأوائل .. اعقلها وتوكل .. تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة **الوصفة السحرية لتنظيم الوقت** الصلاه على اوقاتها ..للبنت في اول الوقت وللشاب في المسجد ((بس تنزل تصلي وتطلع على طول)) والله هتلاقي بركة رهيبة في الوقت .. ومن الله التوفيق واذا شعرت بضيق .. ألا بذكر الله تطمئن القلوب طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز .. ************* إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى .. كفاااااااااية .. استنى هنا .. هو ده اللى مودينا ورااا .. الإيحائات السلبية .. ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية .. هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع .. ((العامل النفسي مهم جداااا )) ************** ركز معايا هنا جدااااا حدد هدفك كويس جدا واسعى ليه أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة .. وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل .. عموما في المذاكرة عامة حط في دماغك 3 حاجات اساسية 1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك 2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك 3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير) أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس )) اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح . ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك ((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى)) لا تنسوا نشر الموضوع .. لعل الله يوفقنا واياكم .. .. بالتوفيق ومنتظرين أكبر نتايج

فى نهايه الموضوع اتمنى التوفيق لى ولكم باذن الله
والســـــــــــــــــــــــلام عليكم ورحمه الله وبركاته
الرجوع الى أعلى الصفحة اذهب الى الأسفل
ABU 100
جغرافى نشيط
جغرافى نشيط
ABU 100



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالإثنين 09 نوفمبر 2009, 1:38 pm

شكرا ليك على الموضوع الحلو دا
و ربنا يوفقنا جميعا
الرجوع الى أعلى الصفحة اذهب الى الأسفل
MoHaMeD HuSseiN
المدير العام
المدير العام
MoHaMeD HuSseiN



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالإثنين 09 نوفمبر 2009, 10:15 pm

شكرا ليك يا مان على المعومات المفيدة دى
بس عايز اقولك على حاجة الكتب
كتاب واحد هو الى نزل حتى الان
الرجوع الى أعلى الصفحة اذهب الى الأسفل
♥™AhMeD SaM!R™♥
مراقب عام
مراقب عام
♥™AhMeD SaM!R™♥



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالإثنين 16 نوفمبر 2009, 1:48 am

مشكور يا هيما على الموضوع الجامد دة
وجزاك الله خيرا

الرجوع الى أعلى الصفحة اذهب الى الأسفل
lolycat
جغرافى فعال
جغرافى فعال
lolycat



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالأربعاء 25 نوفمبر 2009, 8:11 pm

ميرسى ليك..
توبيك جميل
الرجوع الى أعلى الصفحة اذهب الى الأسفل
MяҢũ$$Ĭ3N²̶̶̶̶º̶̶̶̶¹̶̶̶̶º
جغرافي خبير
جغرافي خبير
MяҢũ$$Ĭ3N²̶̶̶̶º̶̶̶̶¹̶̶̶̶º



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالأربعاء 25 نوفمبر 2009, 10:39 pm

تنميه بشريه هههههههههههههههه nice ya man !!1
الرجوع الى أعلى الصفحة اذهب الى الأسفل
βrėǻκ ρǒίńт
جغرافى نشيط
جغرافى نشيط
βrėǻκ ρǒίńт



تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالجمعة 27 نوفمبر 2009, 9:17 pm

كلام جميل اوي
ومن توكل علي الله فهوا حسبه فعلا
تسلم ايدك عالكلام المفيد ده
وربنا يكرمنا جميعا الفتره الي جايه
الرجوع الى أعلى الصفحة اذهب الى الأسفل
سلمى عمر
جغرافى جديد
جغرافى جديد




تعبان زهقان مش قادر تذاكر ...... جدد مذاكرتك معانا .... Empty
مُساهمةموضوع: رد: تعبان زهقان مش قادر تذاكر ...... جدد مذاكرتك معانا ....   تعبان زهقان مش قادر تذاكر ...... جدد مذاكرتك معانا .... Emptyالأحد 29 نوفمبر 2009, 8:52 am

ربنا معانا الفتره اللى جايه ونقدر ننجز اكتر
الرجوع الى أعلى الصفحة اذهب الى الأسفل
 
تعبان زهقان مش قادر تذاكر ...... جدد مذاكرتك معانا ....
الرجوع الى أعلى الصفحة 
صفحة 1 من اصل 1
 مواضيع مماثلة
-
» عاشق تعبان
» لو زهقان ادخل
» أبو كونيه: الزمالك قادر على تعويض نقطتى الحرس
» ميئات الالاف من المصريين يتسابقون على تذاكر السودان
» شارك معانا

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: المنتديات العامة :: التنمية اليشرية-
انتقل الى: