المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات


الجغرافيا للجميع
 
الرئيسيةالبوابةس .و .جبحـثالتسجيلدخول

شاطر | 
 

 ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
MOLAZMEN 2013
مراقب عام
مراقب عام
avatar


مُساهمةموضوع: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الثلاثاء 16 مارس 2010, 1:16 am

تذكير بمساهمة فاتح الموضوع :













[center]يوميات المواطن حنفي





السلام عليكم ورحمه الله وبركاته ,,

[center]*******************


النهاردة جايبلوكوا يوميات جديدة ( المواطن حنفى ) بجد
كلها افهات جامده اوى



وانـ شاء الله تعجبكم .. هتكون ع حلقات .. زى
المسلسل العربى كده


المطلوب انكم تتخيلو
المووقف .. وتعيشو اللحظه


يعنى من الاخر كدا مع عبوووده مش هتقدر تغمض بوقك

ههههههههه


اصلى



ونبدأ بأول حلقتين
من اليوميـــات ..


*******************



::الحلقة
الاولى فى البيت ::



(حنفى نازل الشغل الصبح
بدرى )


الزوجة : انت
نازل الشغل ياحنفى ؟


حنفى : لا نازل ألعب كوره ياولية بطلى
الاسئلة المتخلفة دى


الزوجة : طب بس براحة عليا شوية ده احنا لسة
على الصبح يعنى


حنفى : هو انتى اللى شافك يبقى شاف صبح مش
عارف أنا كل يوم الواحد يصطبح بالخلقة دى


الزوجة :استغفر الله العظيم يارب ايه ياراجل
انت هو انت راكبك عفريت ولا ايه؟


حنفى : وهو برضه فى عفريت يطيق يقعد فى شقة
انتى قاعدة فيها؟


الزوجة : طيب ياسيدى أنا مش هرد عليك هات
مصروف الشهر عشان أنا نازلة السوق كمان شوية


حنفى : ليه ؟ هو النهاردة كام فى الشهر؟


الزوجة :النهاردة أول يوم فى الشهر ياحنفى و
مافيش ولا مليم فى البيت


حنفى : ياولية هو انتى منبه بيضرب أول كل شهر
؟ مافيش مرة كده تحصل معجزة وتنسى موضوع

المصروف ده؟


الزوجة : قصر ياحنفى وهات الفلوس عشان اشوف
اللى ورايا


حنفى : والله ياختى مهمة أوى سيادتك والحاجات
اللى وراكى مقطعة بعضها ومش لاقية وقت ياعينى


الزوجة : اللهم طولك ياروح ياراجل انت هو انت
مافيش يوم تعديه كده من غير خناقة


حنفى : وهو انت حد يشوف وشك ومايتخانقش طب
ايه رأيك بقى مافيش فلوس النهاردة ويبقى اتصرفى

انتى بقى ان شا الله تعملى الاكل زيت وملح


الزوجة :حنفى


حنفى : ياست بقى بلا حنفى بلا زفت أنا خافى
فى داهية الهى يارب أرجع الاقى الانبوبة فرقعت فى

وشك


(وبعدين يرزع الباب وينزل

)

*******************


الحلقة الثانية

[SIZE="5"][COLOR="#a0522d"]


[b]



(حنفى ماشى فى الشارع بسرعة فخبط ست معدية بكتفه )


الست : حاسب ياحمار


حنفى : ايه قلة الادب دى ؟ ايه حاسب دى ؟


الست : مش تفتح وانت ماشى بدل ما تخبط فى خلق الله كده


حنفى : ياست أنا حر أفتح أقفل عينى وانا حر فيها وبعدين هو حد قالك


تمشى فى الشارع مالتاكسيات مالية البلد أهى و لا هى طولة


لسان على الفاضى وبعدين ايه اللى حصل يعنى ؟ كسرتلك ايد


خلعلتلك رجل فقعتلك عين و لا هو دلع ومياصة وخلاص ؟


الست :على فكرة انت قليل الادب ومش محترم


حنفى : ياسلام ياختى محسسانى انك انتى اكتشفتى حاجة جديدة يعنى


الست : يعنى انت ترضى تعمل كده مع أختك



&&&&
حنفى : لا طبعا مارضاش ده لو أختى أنا كان زمانى رميتها تحت الاتوبيس اللى
جاى هناك ده


الست: لا , واضح انك مش عايز تجيبها لبر


حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة


الست : أنا مش هارد عليك لان مستواى وأخلاقى



&&&&
مايسمحوليش انى ارد على واحد زبالة كده زيك


حنفى : قولتلك بلاش قلة أدب ؟ ايه زيك دى ؟


الست : روح ياعم الله يهديك


حنفى : ماشى ياختى الله يسهلك الهى يارب


وانتى ماشية فى الشارع تعدى من


تحت بيتنا تقوم الانبوبة اللى هى هتفرقع فى مراتى


تفرقع فيكى انتى كمان ستات آخر زمن


(وبعدين يسيب الست ويكمل طريقه فى انتظار مشكلة أخرى )



استنونى ف الحلقات القادمه









[/center]




عدل سابقا من قبل sebha bezrofha في الأربعاء 17 مارس 2010, 4:19 pm عدل 1 مرات
الرجوع الى أعلى الصفحة اذهب الى الأسفل

كاتب الموضوعرسالة
MoHaMeD HuSseiN
المدير العام
المدير العام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 12:07 am

ابنكوا مات

وحيد ابنى فى العراق



كدا اعتقد ان المسدج وصلت


وربنا يستر عليك يا يونس



طة تربااااااااااااس

بس اية رايك فى الحلقة حلق نص والكهرباء قطعت


هما دول الكفحتية






سأصبر حـتـىآ يعجز الصبر عن صبرىآ .. وأصبر حـتـىآ يحكم الله في أمرىآ

Razz رفـقـآ بـقـلـبىآ آيتهآ آلآقــدآآر فان قـلـبـىآ ضـعيـفآ لآ يتحمل آلآخـطـآر Razz  
الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 12:14 am

هههههههههههههههههههههههههههههههههههههه


اصلى

يا برنس الليالى

طه حلق نص شعره والكهرباا اتقطعت

ويونس

لف البلد كلها ملقاش حد بالاسم دا


وربنااااااااااااااااا

اللى بنعمله فى الناس هيطلع علينا


تسملى ي ريس


الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 1:52 pm















[size=21]الحلقة السابعه : حنفى فى الاتوبيس


دا حنفى هياكل ضرب

اسيبكوا انا بقى






(المعلم حنفى بعد ماخلص الحوار المثير فى الامتحان , ونفد بجلده قبل ماكان
العيال

تتمطع وتهفه قلم ولا حاجة , حنفى حس انه تعب أوى النهاردة وقرر انه يرجع
البيت

حنفى بعد اللى حصله فى الميكروباص , فضَّل انه يركب الاتوبيس المرة دى ,
الاتوبيس

وصل وحنفى طلع يجرى وراه لحد ماعرف يركب )


الكمسرى : يلا يا أستاذ الاتوبيس فاضى اتفضل خش جوة , ماتقفش على الباب

حنفى : فاضى مين ياعم ,ده انت محمل الركاب على بعضهم

الكمسرى : يعنى يا أستاذ , أسيب الناس يعنى ماتروحش بيوتها , انا بعمل كده
والله

عشانكم , أنا ان كان عليا أنا ممكن أحمل قانونى ومش فارقة معايا يعنى

حنفى : إهئ إهئ إهئ , بس يابنى كفاية , حرام عليك قطعت قلبى , ايه ده يا
ولاد
,
ملاك واقف قدامى , للدرجة دى خايف على الناس وبتركبهم فوق بعض عشان يروحوا

بيوتهم , ربنا يكسر من أمثالك , انت هتشتغل نفسك ولا ايه , ياعم الحاج
مابلاش نضحك

على بعض .

الكمسرى : ماشى ياأستاذ , اتفضل بقى خش جوة عشان أركب الناس اللى على الارض
دى .


حنفى : طب مانا عندى اقتراح حلو , ماتبنوا دور فوق وتركبوا الناس فيه , ولا
أقولك

خليهم دورين , أهو برضه عشان الناس الغلابة اللى عايزين يروحوا بيوتهم

الكمسرى : والله ياأستاذ , شكلك فايق وانا مش فاضيلك , خلصنى بقى


(المهم حنفى استسلم للامر الواقع و وخصوصا انه كان هياكل علقة الصبح
من

الكمسرى بتاع الميكروباص , المهم حنفى دخل جوة , ولقى نفسه واقف جنب فيل ,
أو

بمعنى أدق واقف جنب ست على شكل فيل , أو بمعنى أدق أوى , اتفعص جنب ست

أضخم من الفيل شوية )

حنفى (بيتخنق) : هموت , حاسبى ياحاجة الله يباركلك , مش عارف اتنفس

الفيل : وانا أعملك ايه يعنى , مانت شايف الدنيا زحمة هو أنت لوحدك اللى
مذنوق

حنفى : أنا مش مذنوق , أنا مفعوص , الله يباركلك خطوة بس جنبك

الفيل : كان على عينى ياخويا , بس مافيش مكان جنبى أروح فين يعنى , استحمل
شوية كلها ساعة وهتوصل


حنفى : ياولية أنا فاضلى دقيقة , وأكون فى عداد المفقودين , أبوس ايدك وسعى
شوية

الفيل : والله يبقى اشتكينى للحكومة بقى و هو انا هموت نفسى يعنى

عمالة أقولك مافيش مكان جنبى , وانت مابتفهمش , أعملك ايه يعنى

(المهم حنفى وشه بدأ يزرق , واتخنق و ماعدش عارف يتنقفس , وحس انه خلاص

بيودع , بس الفرج جه من ربنا , حنفى لقى الراجل اللى قاعد على الكرسى بيقول

للكمسرى "على ايدك ياسطى " الراجل نزل , وحنفى قعد مكانه , وماكانش مصدق ان

ربنا نجاه , المهم الست الفيل ماسابتش حنفى فى حاله ودار بينهم الحوار ده )

الفيل : هه , والله رجالة آخر زمن , يبقوا قاعدين ومستريحين وسايبين الستات
الغلابة

اللى طافحة المر واقفة


حنفى : دلوقتوا بقيتوا غلابة ؟!, طب أنا عايزك تشهدى عيل ماشى فى الشارع ,
مين

الغلبان فينا ؟!, أنا ولا انتى؟!


الفيل : الله يرحم أيام زمان , كان الراجل يشوف الست واقفة , يقوم ويقعدها
مكانه , ان

شاء الله لو كان المشوار ست ساعات


حنفى : عليكى نور , أيام زمان بقى , هو مش انتوا اللى طالبتوا المساواة بين
الراجل

والست ,اشربوا بقى


الفيل : ياراجل اختشى , وخلى عندك دم , قوم وقعدنى مكانك ,أنا رجلية وجعتنى
من

الوقفة ,ده انا فى مقام أختك برضه

حنفى : والله رجليكى وجعتك , ايدك وجعتك , دماغك وجعتك , مش مشكلتى , أنا

مالى

الفيل : اما انت راجل ماعندكش دم صحيح

حنفى : المشكلة ان أنا مش عارف أقولك انك ست
ماعندهاش دم , لانك محسوبة

على الستات غلط أساسا

الفيل : ده انت بتقل أدبك كمان , طيب أنا هاوريك

حنفى : هههه , هتعملى ايه يعنى؟!

الفيل (بعلو صوتها ) : يالهوى , يا خرابى , الحقونى ياناس , الحقونى ياعالم
, الراجل

ده حرامى , لقيته حاطط ايده فى شنطتى وعايز يسرقنى , الحقونى ياهو

(الحقيقة الست ماكانتش محتاجة تقول كل الكلام ده , لانها بمجرد انها قالت
كلمة


يالهوى الاتوبيس كله , الرجالة والستات والعيال الصغيرة , كله اتلم على
حنفى , وعينك

ماتشوف الا النور , الرجالة بتضربوا بالبوانى والشلاليت والستات بتشد فى
شعره

والعيال الصغيرة دخلوا وسط الناس وراحوا مقلعين حنفى البنطلون , وسبحان
الله الناس

كانت بتضرب بذمة وكأن الست دى تقربلهم ولا حاجة , وكل اللى كان مضايق من
حاجة

كده ولا كده , فش غله فى حنفى , ياعينى , المهم بعد الضرب اللى مااضربوش
قبل

كده حمار فى مطلع , راح اتنين رجالة ماشاء الله يعنى بسطة فى الجسم شايلين

حنفى من قفاه وخدوه وطلعوا بيه على أقرب نقطة شرطة , واللى حصل فيها لحنفى
بلاوى , هقولهالكم فى الحلقة
الجاية ان شاء الله )

يلا عايز الردود تتشقلط قدامى

اصلى ولا لا













[/size]


الرجوع الى أعلى الصفحة اذهب الى الأسفل
memo_elrefaey
جغرافى نشيط
جغرافى نشيط
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:08 pm

لا اصلى
اصلى
تسلم ايدك
حنفى ده مش هيجبه الا اما ياخد اعدام ويرغم فى عزرائيل
اكيد طبعا الفيل هيقوله اتجوزنى وانا اتنازل عن المحضر ده
الرجوع الى أعلى الصفحة اذهب الى الأسفل
MoHaMeD HuSseiN
المدير العام
المدير العام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:11 pm

هههههههههههههه
اية الحلاوة دى

والله لتحبسنا

الفيل
الحمار الوحشى

انت كنت فى حديقة حبوان مش فى اتوبيس

محدش هيدحك على دى غير تربااااااااااااااااااس ان دخل فى التوبيك

حسين الجاسمى قاعد قدامنا






سأصبر حـتـىآ يعجز الصبر عن صبرىآ .. وأصبر حـتـىآ يحكم الله في أمرىآ

Razz رفـقـآ بـقـلـبىآ آيتهآ آلآقــدآآر فان قـلـبـىآ ضـعيـفآ لآ يتحمل آلآخـطـآر Razz  
الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:16 pm

moh_2030 كتب:
لا اصلى
اصلى
تسلم ايدك
حنفى ده مش هيجبه الا اما ياخد اعدام ويرغم فى عزرائيل
اكيد طبعا الفيل هيقوله اتجوزنى وانا اتنازل عن المحضر ده



تسلملى يا ريس

لا

مش هيتجوزهااااااااااااا


انا هطلع عين حنفى

تعالا كل يوم بقى


الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:24 pm

mohamed_tiger كتب:
هههههههههههههه
اية الحلاوة دى

والله لتحبسنا

الفيل
الحمار الوحشى

انت كنت فى حديقة حبوان مش فى اتوبيس

محدش هيدحك على دى غير تربااااااااااااااااااس ان دخل فى التوبيك

حسين الجاسمى قاعد قدامنا




ترباااااااااااااااس عامل فيها الللمبى يا عم

بس كاتب شويه كلام على الياهو عنب


القرد لسه بيطنطط ومازل البحث جااارى على النسناس

ههههههههههههههههههههههه



برنس يا تايجر


هرجبك مراجيح يااااااااااااااااااااااااد

متقلقش

وربنااااااااا

لرميك فى البحر اللى عندنا


الرجوع الى أعلى الصفحة اذهب الى الأسفل
MoHaMeD HuSseiN
المدير العام
المدير العام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:31 pm

ابنكوا ماااااااات


اصلى


العمود الخامس اتمسك
بجوار وقر بديعة






سأصبر حـتـىآ يعجز الصبر عن صبرىآ .. وأصبر حـتـىآ يحكم الله في أمرىآ

Razz رفـقـآ بـقـلـبىآ آيتهآ آلآقــدآآر فان قـلـبـىآ ضـعيـفآ لآ يتحمل آلآخـطـآر Razz  
الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   السبت 20 مارس 2010, 2:38 pm

يا بديعه يا مظبطه الطلبه

والخرجين كمان والنبى\\

اصلى


الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الأحد 21 مارس 2010, 10:53 pm


الحلقة الثامنه : حنفى فى قسم
الشرطة



حنفى هيتظبط فى الحلقه دى

وبرده بيرخم فى القسم

اسيبكوا بقا

بس متنسوش الردود

حنفى يزعل

هههههههههههه


(الاتنين الديناصورات شالوا حنفى من قفاه زى مايكونوا صايدين فار وماسكينه
من ديله , وطلعوا بيه على أقرب نقطة شرطة , ومعظم ركاب الاتوبيس راحوا
وراهم عشان يتفرجوا , والست الفيل كانت فى مقدمة الطليعة على أساس
انها محور المشكلة , المهم الاتنين الديناصورات والست الفيل هم اللى دخلوا
مع
حنفى للظابط , وبقية الناس فضلوا واقفين بره مستنيين , ولا كأنهم مستنيين
ست بتولد فى مستشفى ,لدرجة ان واحد منهم من غير ماياخد باله راح قايل
يارب ولد , راح واحد تانى قايل يارب بت , راح واحد شيخ كبير فى السن قايلهم
,
حرام الكلام ده يارجاله اللى يجيبه ربنا كويس , المهم الظابط بدأ يكلم مع
الديناصورات )



الظابط : ايه يابنى انت وهو الهيصة اللى انتوا عاملينها دى , أنا عايز واحد
فيكوا
بس اللى يتكلم ويقولى ايه المشكلة

أحد الديناصورات : الراجل الناقص ده يابيه ,حاول يسرق شنطة الست الغلبانة
دى

(الست الفيل راحت ضربة دمعتين على خدها من دموع التماسيح دى , وعملت
نفسها ياعينى محروقة ومظلومة )

الست الفيل : أيوه يابيه حاول يسرق شنطتى ومش كده وبس , ده حاول كمان
انه , انه , انه ........ اهئ اهئ

الظابط :انه ايه ياست انتى اكلمى

الست الفيل : حاول انه يمد ايده عليا يابيه

حنفى : يانهار مش معدى , آه ياولية يا كدابة , أنا حاولت انى ..

الظابط: انت تخرس خالص وماتفتحش بقك









الست الفيل : ربنا يخليك ليه ياحضرة الظابط , أصلك انت ماتعرفش الراجل ده
قليل الادب ازاى , تخيل يابيه بيقول ان الستات دول مالهمش لزمة فى الدنيا
وان
الحياة هتبقى أحسن من غيرهم

حنفى : وكتاب الله يابيه الولية دى كدابة

الظابط : قولتلك اخرس , ولو اكلمت تانى هاتلاقى القلم نازل على قفاك
وهخلى المخبر اللى وراك ده يروقك

حنفى :حاضر يابيه , أن هاخرس خالص أهو وهانكتم , بس كله الا القفا وحياة
والديك

الظابط : اتفضلى كملى ياست

الست الفيل : وبيقول كمان يابيه ان الظباط دول ناس وحشين , مع انكو يابيه
أجدع ناس والله







(الست الفيل بمجرد انها وصلت لنص الجملة الاخيرة دى , وحنفى حس ان
الظابط اللى قاعد قدامه بقى خمس ظباط فى بعض رجليهم لفوق ودماغهم
لتحت , وحس بنار قايدة فى قفاه , ومافهمش الا بعد كده ان ده كان أول قفا
ياكله من المخبر اللى كان واقف وراه )

حنفى :آآآآآآآآآآآآآآآآآآآآآآآآآآآآآآآآآآه , ايه ياباشا هو فى ايه ؟

الظابط : اخرس , وماسمعش نفسك , القفا اللى انت كلته حالا ده كان مجرد
تسخين , انت ماتعرفش القفا الحقيقى بتاع برعى عامل ازاى , فى حاجة تانية
ياست عايزة تقوليها

الست الفيل : أيوة يابيه





الظابط :اتفضلى

الست الفيل : أنا باطلب من سيادتك تنفيذ حكم الاعدام فى الجدع دع , لانه
خطر على الامن , وبعدين بينى وبينك ياباشا أهو تبقى عملت جميلة وريحت
العالم منه

الظابط : انتى عبيطة ياست انتى , اعدام ايه , وبعدين هو احنا فى محكمة
عشان تطلبى من سيادتنا تنفيذ الاعدام فيه , عندك تهمة تانية عايزة تقوليها ؟

الست الفيل: لا يابيه ,متشكرين ياسيد الرجالة

الظابط : طب ماسمعش صوتك بقى عشان نعرف نكمل التحقيق

الست الفيل : حاضر ياباشا

الظابط : انته يابنى آدم , الست دى اتهمت دلوقتى ب4 تهم , مجوعهم على
بعض ممكن يدخلك السجن 25 سنة , مؤبد يعنى

حنفى : يابيه والله الست دى كدابة ونصابة ومفترية كمان , أنا مظلوم يابيه
والله
الظابط : اخرس لحد ماكمل كلامى , التهم الاربعة هى السرقة و التحرش و
ونشر أفكار مناهضة للمرأة , والتحريض للانقلاب على نظام الحكم

حنفى : ياخراب بيتك ياحنفى , حكم ايه يابيه , ومناهضة إيه , أنا لوحدى عملت
الحاجات دى كلها فى العشر دقايق اللى قعدتهم فى الاتوبيس








الظابط : تحب تدافع عن نفسك , ولا تتصل بالمحامى بتاعك

حنفى : المحامى بتاعى والله يابيه مابيكلمنيش من يوم ماقلتله ان المحامين
دول شوية نصابين

الظابط : حلاوتك يامعلم , كده بقوا خمس تهم , آخرهم تهمة السب والقذف

حنفى : يابيه وحياة أبوك براحة عليا شوية , ده أنا راجل غلبان والله ,
وسيادتك
هتعرف حالا بنفسك ان أنا مظلوم والله

الظابط : طيب , نمسك تهمة تهمة , أول حاجة السرقة , الست دى بتقول انك
مديت ايديك فى شنطتها وحاولت تسرقها

حنفى : والمصحف الشريف يابيه , الهى يارب أنشل فى رجلى لو كنت باكدب ,
أنا ماعرف ان كانت الست دى يابيه معاها شنطة ولا معاهاش

الظابط : امال هى هتفترى عليك ليه يعنى ؟كنت جوز أمها مثلا

حنفى : يابيه هى اللى زى دى أمها تعرف تتجوز تانى من أساسه , يابيه
الحكاية كلها ان أنا مارديتش أقوم لها واحنا فى الاتوبيس , راحت مصوتة ولمة
الناس عليا , وقعدت تقول الكلام الاهبل ده كله

الظابط : يعنى انت مامديتش ايديك عليها وحاولت تتحرش بيها

حنفى : يابيه أنا عايز أطلب منك طلب صغير , وانت اللى هتدافع عنى بعديه ,
أنا
عايزك تبصلها بس يابيه , وتسأل نفسك سؤال صغير ؟ هو أنا ممكن أفكر انى
أفكر إنى أفكر أتحرش بيها
ههههههههههه


دى فيل يا عم الحاج

يلا


الردود تتشقلط قدامى كدا


انطلقواااااااااااااا







الرجوع الى أعلى الصفحة اذهب الى الأسفل
ЗṀŔ²̶̶̶̶º̶̶̶̶¹̶̶̶̶1
مشرف
مشرف
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الأحد 21 مارس 2010, 11:39 pm

هههههههههههههههه

حتى لمض فى القسم كمان


دى فيل يا سعادة البية

هههههههههه


اصلى



[flash][/flash]




No one can be 3aamr

because I am only one











الرجوع الى أعلى الصفحة اذهب الى الأسفل
MoHaMeD HuSseiN
المدير العام
المدير العام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الأحد 21 مارس 2010, 11:44 pm

اية حديقة الحيوان الى انتة فاتحها دى

احد الديناصورات



انطلق





اصلى



عبووووووودا


موعدنا الخميس بعد صلاه الجمعة


متنساش



وابنكوا مااات


وسيبنى اروح
بقى






سأصبر حـتـىآ يعجز الصبر عن صبرىآ .. وأصبر حـتـىآ يحكم الله في أمرىآ

Razz رفـقـآ بـقـلـبىآ آيتهآ آلآقــدآآر فان قـلـبـىآ ضـعيـفآ لآ يتحمل آلآخـطـآر Razz  
الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الإثنين 22 مارس 2010, 3:54 pm

اصلى يا صيااااااااااااااااااد

تسلملى يا قمر

موعدنا يا تايجر السبت لعد صلاه الجمعه

علشان مشغول يوم الاربع

اصلى

انطلقوا


الرجوع الى أعلى الصفحة اذهب الى الأسفل
memo_elrefaey
جغرافى نشيط
جغرافى نشيط
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الإثنين 22 مارس 2010, 7:10 pm

ههههههههههههههههههههههههههههههه

بس هو مش ناوى يجباها لبر ليه كده



حتى اللاماضه فى القسم مش بس فى الشارع والاتوبيس


بس حلوة



انطلق



اصلى

ههههههههههه


اما ابنكو مات ده بقى الله يرحمه
الرجوع الى أعلى الصفحة اذهب الى الأسفل
talia
جغرافى فعال
جغرافى فعال
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الإثنين 22 مارس 2010, 9:52 pm

هههههههههههههههههههههههه
جامد يا عبوده
الرجوع الى أعلى الصفحة اذهب الى الأسفل
MOLAZMEN 2013
مراقب عام
مراقب عام
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الخميس 06 مايو 2010, 3:27 am

رجعنا تانى ليوميااااااااات حنفى الرزل

بناء على طلب الاعضاااااااااااااااااااااااااء


دا رزل انا مبقبلوش خالص

حنفى دا

الحلقة التاسعة ..


حنفى ياجماعه تعب جدا وكان هيعيط
من المصيبه دى


بس نشوف مع بعض الاحداث هتبقى ازاى


(الظابط بص لللست , وراحت الست مبتسمة له ابتسامة عريضة , راح الظابط باصص


لصاحب المحضر , وأقوله اكتب "تسقط التهمة الثانية لعدم موضوعيتها ")






الظابط : طب وبالنسبة لموضوع انك بتكره الستات , وعايزهم يختفوا من الدنيا


حنفى : بصراحة يابيه , انا فعلا بكره الستات , بس أنا بالعقل كده أقدر أقول
كلمة زى


دى لواحدة زى الست دى فى الاتوبيس وهى واقفة و انا قاعد , يعنى ممكن تريح
عليا


حبتين تقتلنى فى ثانية




(الظابط راح باصص تانى للست , راحت الست فاتحة بقها زى الهبلة وحاولت تضحك


ضحكة نجوم السينما , راح الظابط باصص لكاتب المحضر , واقوله اكتب " تسقط
التهمة


الثالثة لعدم منطقية حدوثها ")حته قانون بقى


الظابط : وموضوع ان الظباط دول ناس وحشين




حنفى : والله يابيه ماقلت حاجة زى كده , وعمرى فى حياتى الكلمة دى ماطلعت
من


بقى ,أنا صحيح يابيه لسانى طويل ودمى واقف , وطوب الارض بيكرهنى , بس أنا
عارف


نفسى وعارف ان أنا جبان أوى , يابيه ده الناس كلها بتمشى جنب الحيط الا أنا
, دخلت


جوة الحيط من زمان , والولية دى زى ماقلتلك يابيه نصابة , وزى ماكدبت قبل
كده يبقى


ممكن تبقى كدابة دلوقتى , صح يابيه ولا ايه




(الظابط بدأ يتعاطف مع حنفى , وخصوصا بعد ماخد باله من الشوارع والنوادى
والمواقف


اللى الركاب رسموها على وش حنفى بالبوانى والشلاليت , فقرر انه يسقط التهمة


الرابعة عنه ")




الظابط : كده انت عديت من الاربع تهم اللى فاتوا , لكن الخامسة ياحلو مش
هتقدر


تفلت منها , لانى سمعتها منك بودانى , ايه ردك على التهمة




حنفى : والله يابيه أنا ماقصدت الكلام ده , بس هو الموضوع ان أنا أهلاوى
والمحامى


بتاعى زملكاوى , وكنا إصحاب أوى , فكنت قاعد انا وهو بنتفرج على ماتش
الاهلى


والزمالك فالاهلى غلب فى الماتش ده , فراح المحامى قايم وضربنى وقالى هو
انتوا


كل شوية تغلبونا , ايه ياجدع , فقمت قايله الكلتين دول , عشان أرد عليه بس ,
وهو ده


الموضوع كله ياباشا




(الظابط لما عرف ان حنفى أهلاوى , تعاطف معاه أوى , أوى , وقرر انه يطلعه
براءة من


الليلة دى , وخصوصا ان التهم كلها ضعيفة جدا واتأكد ان الست دى كدابة , بس
فضل


تهمة واحد بس وهى السرقة , فالظابط حب يتأكد منها تانى )




الظابط :انتى ياست انتى بتقولى ان الراجل ده حاول يسرق شنطتك , مظبوط




الست الفيل: أيوة يابيه , ولولا ستر ربنا كان زمانه خدها منى , أوعى تسيبه
يابيه , ده


بيضحك عليك




الظابط : فين شنطتك دى ياست ؟




(الظابط لما سأل الست السؤال ده كأنه بالظبط دلق عليها جردل مية ساقعة)




الست الفيل : الشنطة؟! آه , شنطة ايه ؟ الشنطة بتاعتى ؟ ماهى ... أصل...
القطة


كلتها وأنا جاية لسيادتك , أصل القطط دايما بتاكل الشنط بتاعتى




الظابط : القطة كلتها ! اكتب يابنى " يتم الافراج عن المتهم لعدم صحة التهم
, كما يتم


حبس المتهمة 4 أيام بتهمة الادعاء الكاذب و إزعاج السلطات "




الست الفيل : ياخرابى , حبس ايه يابيه , هو انا اللى سرقت الشنطة , طب على
الاقل


لو مش هتحبسو الجدع ده , احبسوا القطة , انما تحبسونى أنا ليه ؟




الظابط : اكتب يابنى , يتم الافراج عن المتهمة وعرضها على طبيب أمراض عقلية


للاشتباه فى عدم صحة قواها العقلية




حنفى : ربنا يخليك لينا ياباشا , يحيا العدل , أنا كنت عارف ان حضرتك مش
هتظلمنى


أبدا , ربنا يكتر من أمثالك




الظابط :هات بطاقتك بقى عشان نقفل المحضر




حنفى : اممممممممم !!! ماعييش بطاقة والله يابيه , بس أنا إسمى حنفى لو
حضرتك


عايز تعرفه يعنى




الظابط : اكتب يابنى , يتم حبس المدعو حنفى يوم واحد لعدم حمله اثبات شخصية
.




(حنفى أغمى عليه لما سمع الكلمتين دول , لانه ماصدق انه خلاص هاينفد بجلده ,
والى لقاء آخرمع حنفى فى التخشيبه




الرجوع الى أعلى الصفحة اذهب الى الأسفل
memo_elrefaey
جغرافى نشيط
جغرافى نشيط
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الجمعة 07 مايو 2010, 1:23 am

هههههههههههههههههه

حمد الله على السلامه ياحنفى

قصدى ياعبوده

تسلم الايادى

كان فين ده من زمان

ههههههههههههههههه

اكيد هيرزل على المساجين كا العاده


فى انتظار المزيد
الرجوع الى أعلى الصفحة اذهب الى الأسفل
Gelnar
جغرافي اصيل
جغرافي اصيل
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الجمعة 07 مايو 2010, 1:20 pm

هههههههههههههههههه جنان والله شو هالحلاوة هاى كلها يسلمو
الرجوع الى أعلى الصفحة اذهب الى الأسفل
MR / MAHDY
مشرف
مشرف
avatar


مُساهمةموضوع: رد: ۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝   الأحد 15 أغسطس 2010, 5:01 am

هههههههههههههههههههههههههه
انا عارف ان الموضوع قديم
بس انا والله اول مره اشوفو
كمل بقي الحلقات خلينا نتسلي عليها في الصيام
وكل سنه وانت طيب


mody sharf al_dain
الرجوع الى أعلى الصفحة اذهب الى الأسفل
 
۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3
 مواضيع مماثلة
-
» •|`•.¸¸.أصدق حـب واقــوى حب احببتك .¸¸.•|`•
» *•~-.¸¸,.-~* لم نفسك قليلاً *•~-.¸¸,.-~*
» *·~-.¸¸,.-~*جغرافية منتدانا جروح نابضة *·~-.¸¸,.-~*
» ¸¸.·¯ مـــعــــنــــى اســـــمـــــكـــ `·.¸¸
» ...*•~-.¸¸,.-~*هـــــمـــــســـــــات قـــــلـــــب...*•~-.¸¸,.-~*

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: المنتديات العامة :: المنتدى الادبى-
انتقل الى: