المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات


الجغرافيا للجميع
 
الرئيسيةالبوابةس .و .جبحـثالتسجيلدخول

شاطر | 
 

 الحشكبوولــلى الصغيــر *_*

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
YE!HMAK F! 2EH
جغرافى نشيط
جغرافى نشيط



مُساهمةموضوع: الحشكبوولــلى الصغيــر *_*   الثلاثاء 13 يوليو 2010, 4:23 pm



فى يوم من الايام اللى مطلعتلهاش شمس دخلت سما وكانت زى القمر مطعم شيك ومحترم وكان معاها شنطة صغيرة فيها علبة صغيرة
دخلت و قعدت .... و قعدت تنده على المتر
بس بس بس انت يا متر -

ميموز
المتر جالها و هو راجل محترم ابن ناس كدة زيكوا بس الزمن جار عليه و اشتغل
متر بعد ماعيلته فلست و باع عربيته و متجوزش البت شلبية اللى كان بيحبها
المهم مش دة موضوعنا

قاللها : تحت امرك
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب و فرختين

ميموز عينيه و سعت و قال بس هنعمل شغل النهاردة .. اهو طول عمره كده

و قالها : بس كل ده كتير .. حضرتك مستنية حد ؟

قالتله : لا الكباب و الحمام و الفراخ للحشكبوللى الصغير

الراجل بص للسقف وقال حشكبوللي؟!!!

المهم قالها تحت امرك


*****


ميموز مشى وعمال يفكر مين الحشكبوللي الصغير ده انا مش شايف معاها حد

جاب الطلبات و مشى و قعد مستنى يشوف مين الحشكبوللي الصغير ده

الست قعدت تاكل فى الاسكلوب و السلطة و سابت الباقى لحد ما تخلص

ميموز قال اكيد لسه الحشكبوللى موصلش !!

المهم الست خلصت و طلعت العلبة الصغيرة و قعدت تدخل الاكل جوة العلبة .. وميموز قاعد يتفرج ودماغه هتشت

سما تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص

المهم الاكل خلص

خدوا بالكوا 3 كيلو كباب و 2 جوز حمام و فرختين

قالتله
بس بس بس انت يا متر -

ميموز راحلها بعد ما عينيه احوّلت وقالها : تحت امرك

قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو كباب و 2 جوز حمام و فرختين

ميموز قالها : انا تحت امرك ...و مشى وهو بيعرج و جاب الاكل و حصل نفس اللى حصل و الست تتدخل الاكل فى العلبة و الاكل يخلص

راحت ندهتة تانى و راح ميموز قالها : اكيد الحشكبوللى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة .. هاتلى 2 دستة جاتوة و فرووت سلات و 3 ام على علشان الحشكبوللى الصغير عايز يحلّي


*****


الراجل
مشى و هو بيدعى على نفسه و يلعن اليوم اللى اتولد فيه وقال عليّا الطلاق
من البت شلبية اللى ماتجوزتهاش ما انتى ماشية قبل ماعرف العلبة دي فيها ايه

و جاب الحاجة وسما طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى

ميموز ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما سما راحت الحمام راح يفتح العلبة

بيفتــــــــــــح العلبة و بص فيها
..
..
..
..
..

..
..
..
..
..
..
..
..
..
..
..
..
..
..
..

لقى حشكبوللــــــــــــــي صغيّر .....

Very Happy Very Happy Very Happy Very Happy
هههههههههه


تعيشوا وتاخدوا غيرها

انا عارف ان الموضوع ده مش هايعدى على خير
Razz
الرجوع الى أعلى الصفحة اذهب الى الأسفل
 
الحشكبوولــلى الصغيــر *_*
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: المنتديات العامة :: القسم العام-
انتقل الى: