تصريحات دي ...!!! ولا حرقة دم ...

مراقب عام

[b]في استطلاع للحزب الوطني: مفيش أي زيادات في الأسعار والبطالة انخفضت و20% من الأسر مستوي معيشتها أرتفع

تصريح لنظيف:ارتفاع مستوى المعيشة المستمر للمواطنين؛ نتيجة زيادة تراخيص السيارات الملاكي

يعني الناس غلابه وساكتين ومحدش بينطق
لكن كمان بيتعمدوا يفرسونا

لما تطلع تصريحات بالشكلده

مش عرفه عايزين يجبولنا حرقة الدم ليــــه ...؟؟

بجد سؤال محيرني جدا

تصريحات زي دي الواحد ممكن يفقد النطق فيها ويجيله شلل رعاش

ساعات بحس انهم بيتكلموا علي بلد تانيه غير مصــــر
وغلطوا وقالوا مصر اكيد

ما يااما كده يا اما احنا هبل بقي او اتعمينا مش شايفين

بدل ما ينزلوا بتصريحات كده تحرق دم الناس

الاحسن اننا نشوف حل للمشاكل دي
مشكلة انخفاض مستوي المعيشه في ازدياد مستمر ومشكلة ارتفاع الاسعار الرهيب
ومشكلة البطاله

صبرنـــــــا يارب العالمين

[/b]

جغرافى نشيط

كله كويس ياريس والامن مستتب
ده العادي واللي احنا اتعودنا عليه
تصريحات كلها تدل علي ان البلد عال وميه ميه
الله اعلم العيب في مين
ربنا يسترها علينا

مشرف

ايه يا جماعه مهو مستوي المعيشه زي الفل
عشان تتاكد
انزل الصبح بدري عند اي فرن عيش وانت هتشوف ان الامن مستتب وكل شي عال العال
وسمعني سلام
ان مكنتش انت تدلعني مين هيدلعني