المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات


الجغرافيا للجميع
 
الرئيسيةالبوابةس .و .جبحـثالتسجيلدخول

شاطر | 
 

 اعترافات قلب مجروح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smsma
جغرافى نشيط
جغرافى نشيط



مُساهمةموضوع: اعترافات قلب مجروح   الثلاثاء 17 أغسطس 2010, 8:43 pm

الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوز اشيل ذنب حد
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادر اصدق الحكاية دي
لكن اللي اعرفه و متأكد منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر




وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
طيب هاعيش ازاي ؟
مش لو اصلا كنت عايش؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده

***********************

آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة

دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....

وفي النهاية دي مجرد اعترافات لقلب مجروح

وده مجرد كلام نفس قلبي و قلب غيري يصرخ بيه

ويمكن مش قادرين نقوله و بنكتبه في ورق و نقطعه

انا مش استخدمت اللغة الفصحي لان دي مجرد تعبير عن احساس

و أسف اني طولت في الموضوع بقي

ويا رب مش يكون حد منكم زعل مني

وفي النهاية ده مجرد رأي او وصف لاحساس يمكن يكون غلط او صح
الرجوع الى أعلى الصفحة اذهب الى الأسفل
MR / MAHDY
مشرف
مشرف



مُساهمةموضوع: رد: اعترافات قلب مجروح   الثلاثاء 17 أغسطس 2010, 11:06 pm

انتي شكلك وخدا مقلب جااااااامد جدا
بس بجد ربنا معاكي يا اختي
تسلم ايدك
نايس توبك
تقبلي مروري


mody sharf al_dain
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
smsma
جغرافى نشيط
جغرافى نشيط



مُساهمةموضوع: رد: اعترافات قلب مجروح   الثلاثاء 17 أغسطس 2010, 11:17 pm

انا لا واخده مقلب ولا حاجه
بس حاسه بكل واحد انجرح من الانسان ال حبه
وميرسى جدا لمرورك يا عمدا
الرجوع الى أعلى الصفحة اذهب الى الأسفل
داعيه للسلام
جغرافى نشيط
جغرافى نشيط



مُساهمةموضوع: رد: اعترافات قلب مجروح   الثلاثاء 17 أغسطس 2010, 11:33 pm

[size=24][/بجد توبك جميل جدا وفعلا دة اللى موجود فى الحياة مش شرط فعلا انك تكونى واخدا مقلب تسلم ايدك يا سمسمةsize]
الرجوع الى أعلى الصفحة اذهب الى الأسفل
el menshawy
جغرافى نشيط
جغرافى نشيط



مُساهمةموضوع: رد: اعترافات قلب مجروح   الأربعاء 18 أغسطس 2010, 12:02 am

نايس توبيك يا سمسمه

بس فعلا كانك بتنتكلمى عليا

عادى يا مهدى كلنا معرضين لده ننجرح من اللى بنحبه ونجرح اللى بيحبونا

ده العادى اللى بيحصل


بس ده بيحصل لان العيب فينا احنا

استعجال.............
الرجوع الى أعلى الصفحة اذهب الى الأسفل
MR / MAHDY
مشرف
مشرف



مُساهمةموضوع: رد: اعترافات قلب مجروح   الأربعاء 18 أغسطس 2010, 1:57 am

ايه يا جماعه انا بهزر
وكلام سمسمه كلو صح
وفعلا يا منشاوي مشكلتنا هي الاستعجال


mody sharf al_dain
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
MoHaMeD HuSseiN
المدير العام
المدير العام



مُساهمةموضوع: رد: اعترافات قلب مجروح   الأربعاء 18 أغسطس 2010, 6:28 pm

الله عليكى ياسمسمه
هو كدا بالظبط
عبرتى بكلامك عن كتير من الى جوايا
تسلمىآ
فى انتظار جديدك




[ندعوك للتسجيل في المنتدى أو التعريف بنفسك لمعاينة هذا الرابط]

سأصبر حـتـىآ يعجز الصبر عن صبرىآ .. وأصبر حـتـىآ يحكم الله في أمرىآ

Razz رفـقـآ بـقـلـبىآ آيتهآ آلآقــدآآر فان قـلـبـىآ ضـعيـفآ لآ يتحمل آلآخـطـآر Razz  
الرجوع الى أعلى الصفحة اذهب الى الأسفل
MR / MAHDY
مشرف
مشرف



مُساهمةموضوع: رد: اعترافات قلب مجروح   الأربعاء 18 أغسطس 2010, 8:55 pm

ايه الحلاوه دي ياعم الرومنسي


mody sharf al_dain
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
smsma
جغرافى نشيط
جغرافى نشيط



مُساهمةموضوع: رد: اعترافات قلب مجروح   الأربعاء 18 أغسطس 2010, 9:15 pm

ميرسى جدا لمروركم
نورتم التوبيك
الرجوع الى أعلى الصفحة اذهب الى الأسفل
smsma
جغرافى نشيط
جغرافى نشيط



مُساهمةموضوع: رد: اعترافات قلب مجروح   الإثنين 23 أغسطس 2010, 2:54 am

بس انا من رايى ان المفروض يعنى ان الانسان او الانسانه اللى يحبوا بجد عمرهم ميقدروايجرحوا بعض انما كل ده اى ولد يجرح بنت او بنت تجرح ولد ده من الاول مش اسمه حب ده اسمه كذب وتسليه
الرجوع الى أعلى الصفحة اذهب الى الأسفل
MR / MAHDY
مشرف
مشرف



مُساهمةموضوع: رد: اعترافات قلب مجروح   الإثنين 23 أغسطس 2010, 2:59 am

ياعني علي الحكم
ايه الكلام الجامد ده


mody sharf al_dain
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
البرنسيسة
جغرافى فعال
جغرافى فعال



مُساهمةموضوع: رد: اعترافات قلب مجروح   الجمعة 27 أغسطس 2010, 2:55 am

توبيك جامد اخر حاجه
تسلم ايدك سمسمه
الرجوع الى أعلى الصفحة اذهب الى الأسفل
smsma
جغرافى نشيط
جغرافى نشيط



مُساهمةموضوع: رد: اعترافات قلب مجروح   الأحد 29 أغسطس 2010, 2:27 am


ميرسى جدا لمروركم
الرجوع الى أعلى الصفحة اذهب الى الأسفل
محمدعبدالمنعم
جغرافى نشيط
جغرافى نشيط



مُساهمةموضوع: رد: اعترافات قلب مجروح   الأحد 29 أغسطس 2010, 10:27 am

عارفه احلى حاجه فيكى ايه انك بتبقى عارفه المشكله وحلها وفعلا اللى يحب ميجرحش واللى يجرح مبيحبش
الرجوع الى أعلى الصفحة اذهب الى الأسفل
princess_A
جغرافى نشيط
جغرافى نشيط



مُساهمةموضوع: رد: اعترافات قلب مجروح   الأحد 29 أغسطس 2010, 11:00 am

تسلم ايدك ياسمسمه بجد موضوع جميل جدا لان الكلام ده كله هو اللى موجود الايام دى مفيش حاجه الوقتى اسمها حب الكل بيحب يتسلى وخلاص ودى اكتر حاجه تجرح لما تلاقى الانسان اللى انتى حبتيه بجد طلع بيتسلى بيكى
الرجوع الى أعلى الصفحة اذهب الى الأسفل
 
اعترافات قلب مجروح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: المنتديات العامة :: القسم العام-
انتقل الى: