المنتدى الرسمى لطلاب قسم الجغرافيا جامعة طنطا
عزيزى الزائر ان كنت مسجل لدينا برجاء تسجيل الدخول وان كانت هذة هى زيارتك الاولى للمنتدى يسرنا بان تكون عضوا معنا معنا حتى تتمتع بكامل الصلاحيات


الجغرافيا للجميع
 
الرئيسيةالبوابةس .و .جبحـثالتسجيلدخول

شاطر | 
 

  نهايه قصه مروة ورامي

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7  الصفحة التالية
كاتب الموضوعرسالة
ساهر الليالي
جغرافى نشيط
جغرافى نشيط
avatar


مُساهمةموضوع: نهايه قصه مروة ورامي   الأحد 13 فبراير 2011, 10:07 am

بسم الله الرحمن الرحيم

فى البدايه دى قصه تميل واقع الحياة اللى احنا عيشنها بدايه من اعجاب وحب وغيرة وكدب وخيانه ونكد وفراق
يعنى كل اللى نفسكم فيه موجود فى القصه

بدايه
الابطال هما
مروة بنت جميله حساسه دمها خفيف واجتماعيه
رامى شاب جذاب دمه خفيف طموح ومجتهد

تعالو بقا نبدا مع اول فصل فى القصه
الفصل الاول
مروة : يوووووووه مافيش اى طرحه هاتليق على الطقم ده ولا ايه بقا انا تعبت من اللف الكتير النهارده


سحر صاحبتها : انتى يابنتى اساسا اللى مش مريحه نفسك وشكلك كده مش عايزة تشترى حاجه



مروة: يعنى انتى عايزنى اشترى اى حاجه وخلاص بقولك ايه بصى بصى فى محل هناك اهوه تعالى تعالى نشوف عنده كده

سحر: اووووووووووف اللهم طولك ياروح تعالى ياستى لما نشوف اخرتها معاكى


دخلت مروة وسحر الى المحل ووجدو شابا وسيما طويل جدا ويبتسم لهم ابسامه رقيقه

مروة : السلام عليكم ورحمه الله وبركاته

البائع : وعليكم السلام ورحمه الله وبركاته اتفضلو


مروة : بص من غير كلام كتير وفرجه بقا وهرى وفرك انا عايزة طرحه تليق على الطقم ده يااحمد

او يامحمد

البائع: نظر اليها نظرة غريبه كانه عايز يقولها مالها البت المجنونه دى هو حد جه جمبها



فرد قائلا:طب براحه براحه انتى محسسانى ان فى حد غصبك تدخلى هنا ثم انا اسمى رامى مش احمد او محمد

مروة: شعرت انها كانت انسانه رخمه موت فى كلامها واسلوبها فردت قائله

انا اسفه بس بجد انا تعبت من كتر اللف ثم تشرفت باسمك يارامى


رامى : ع العموم اتفضلى شوفى اللى انتى عايزاه

سحر:بصى بصى يامروة الطرحه دى حلوة ودى كمان حلوة


مروة: لا مش عجبنى خااااااالص

سحر: بصى اللى اسمه رامى ده بيبصلك ازاى بقا كل اللى موجود ده مش عاجبك ولا انتى عجبتك

الواقفه والكلام معاه

مروة : اتلمى ياسحر ثم انا يعنى بقوله ايه دا هو بيسالنى انتى بتدرسى ايه وقولتله انى فى

كليه تجارة بس المفاجاة بقا ان هو

طلع لسه بيدرس تخيلى بيدرس فى هندسه وبيشتغل كمان بجد
شكله انسان مجتهد اوى

سحر: طب خلصى انا زهقت وهو كمان شكله كده هايطردنا

وهنا دخل شاب اخر عليهم المحل ووقف يتحدث الى رامى ومن خلال
حديثهم عرفو ان اسمه عمرو

وانه ايضا يدرس فى كليه تجارة

واخيرا وقع اختيار مروة على طرحه معينه

مروة : انا هاخد دى يارامى

رامى: الحمدلله اخيييييييييرا

مروة: ياسلام للدرجه دى زهقتك طب ماشى كتر خيرك ياسيدى

رامى : نظر اليها نظرة كلها استغراب لحديث مروة العفوى معه وكانها تعرفه من زمن طويل فرد

عليها مبتسما
مازهقتنيش ولا حاجه انتى طلعتى عينى بس

مروة: ضحكت مروة ثم سالته طب ياسيدى بكام بقا الطرحه خلينى امشى عشان اريحك من الصداع اللى

جبتهولك

رامى:40جنيه

مروة : اوك اتفضل بس على فكرة انت مغلوانى مووووووووتفلوس

رامى: استنى استنى يعنى ايه مغلوانى دى

مروة: هههههههه ابدا يعنى زى مابنقول على بتوع الفاكهه فكهانيه وعلى بتوع الحلويات حلوانيه

انت بقا بقا عشان غالى قولتلك مغلوانى

رامى : ههههههههه نورتى المحكمه قصدى نورتى المحل ههههههههه

وهنا تدخلت سحر

سحر: يلا بقا احنا اتاخرنا اوي يلا انتى متسمرة فى الارض كده ليه

مروة : سلام يامغلوانى

رامى : ههههههههه سلام ياغلباويه

وهنا خرجيت مروة وسحر وفضلت مروة طول الطريق سرحانه

سحر: ايييييييييييييه روحتى فين ده كله
يا سلام

مروة : ايه يابنتى الواحد ميعرفش يسرحله شويه يعنى

سحر: لاء بس اصلى كنت حاسه انك مزودها حبتييين مع اللى اسمه رامى ده وبتتكلمى معاه كانك

عارفاه من سنين

مروة : بصراحه شخصيته عجبتنى اوى وخصوصا لما عرفت انه فى هندسه وبيشتغل فى نفس الوقت

سحر :يعنى ايه مش فاهمه

مروة : وانتى من امته بتفهمى هههههههههه

سحر : بقا كده

مروة : ياستى بهزر ايه بلاش اهزر ثم قفلى بقا خلينا نوقف تاكسى

تاكسيييييييييييييييييييييييييييييييييييييييييييييي يييي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
بعد مرور اسبوع

مروة : الدرس النهارده كان رخم اوييييييييييي ومافهمتش اى حاجه ملل

سحر: وانا كمان دماغى كانت مصدعه موووووت

مروة : ايه ده بصى مين واقف هناك ؟

سحر:مين ؟
مروة : ده رامى مش فاكراه رامى بتاع الطرح تعالى تعالى نسلم عليه

سحر: انتى مجنونه يابت انتى رامى ده يطلع مين عشان نروح نسلم عليه

مروة:رامى بتاع الطرح بصى لو مش عايزة خليكى انا هراوح اسلم عليه

سحر: خدى خدى يامجنونه طب على الله يكسفك ويطلع مش فاكرك

خدى تعالييييييييييييييييييييي

مروة : ازيك عامل ايه

رامى : وقد ظهر عليه علامات الاندهاش والاستغراب

مستغربة

اهلا الحمدلله

مروة وقد شعرت انه لم يتذكرها

مروة : طب الحمدلله انك بخير يامغلوانى

ذكرت كلمه مغلوانى لعله يتذكرها وبالفعل تذكرها

رامى : اهلا اهلا معلش الزهايمر بقا يابنتى وحكم السن بيخلو الواحد ينسا اسمه

مروة: ههه ولا يهمك

رامى : انتى بتعملى ايه هنا

مروة : انا باخد درس هنا

رامى : طب كويس دانتى جمب المحل علطول ابقى فوتى عليه لما تيجى الدرس تانى

مروة : ان شاء الله

فى هذه اللحظه تدخلت سحر

سحر: ازيك يارامى يلا بقا يامروة احنا اتاخرنا

مروة : طب سلام يارامى

رامى : سلام بس ماتنسيش ابقى فوتى عليه فى المحل

مروة : ان شاء الله

سحر: وده عايز منك ايه ان شاء الله

مروة: يعنى هايعوذ ايه عادى يعنى

سحر : مانا مش عارفه عشان كده بسالك ثم يعنى ايه عادى

مروة : بقولك ايه ريحك نفسك منى بقا شويه

سحر : ماشى ياست مروة هاريح نفسى منك
.................................................. ............
القصه طبعا لسه ليها فصول كتيييييييييييييييييير
لو لقيت رد فعل وحد بيشاركنى هاكملها
ها حد هيشارك .


تــم الثبيت بوآسطـة الادآرة I love you


عدل سابقا من قبل ساهر الليالي في الثلاثاء 08 مارس 2011, 8:12 am عدل 1 مرات
الرجوع الى أعلى الصفحة اذهب الى الأسفل
جغرافيا 123
جغرافى فعال
جغرافى فعال
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 10:39 am

انته علقتنا اكمل 
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 10:43 am

لما الاقي ردود
الرجوع الى أعلى الصفحة اذهب الى الأسفل
ميمو صلاح مصطفي
جغرافى فعال
جغرافى فعال
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 11:33 am

ياريت تكمل حلوة كتيررررر استمررررررر
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 2:28 pm

لعيونك بس هنزل الجزء الثاني
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: الجزء التاني   الأحد 13 فبراير 2011, 2:37 pm

...................................................
بعد مرور يومان

مروة: ازيك يامغلوانى عامل ايه



رامى : اهلا اهلا يامراحب


مروة : ادينى جيت زى ماوعدتك

رامى : جيتى نورتى

وفى هذه اللحظه دخل عمرو

عمرو : رامى انا وديت البضاعه للمحل التانى انا هروح بقا عشان تعبان شويه



رامى : ايه يابنى طب سلامو عليكم ازيكم اى حاجه ثم تعالا انا عايز اعرفك بمروة

مروة : اهلا ازيك ياعمرو

عمرو : سورى انا اصلا مش شايف قدامى ازيك يامروة

في نص هدومي

رامى : على فكرة مروة فى تجارة ياعمرو زيك

عمرو : بجد طب كويس والله شكلى كده هالقى ليا سند فى الكليه اخد منه المحاضر

مروة : ههههههههه ياسيدى على الاستغلال على العموم ياسيدى مافيش مشاكل انا تحت امرك

عمرو : مرسى يامروة يلا بقا هاقولكم سلام

مروة : سلام وفرصه سعيدة ياعمرو

رامى : سلام ياسيدى ماخدناش منك غير الصداع

ثم نظر رامى لمروة

رامى: ها ياستى وانتى عاملة ايه بقا فى المذاكرة

مروة : الحمدلله تمام ادينا اهوه بنذاكر لعل وعسى
نفلح

لمحت مروة فى عين رامى كلمات لا يستطيع ان يتحدث بها

مروة : مش عارفه ليه عندى احساس انك عايز تقول حاجه

رامى : بصراحه اه

مروة : خير فى ايه

رامى : مش عارف بس حاسس انك جميله اوى عن اول مرة شوفتك فيها


شعرت مروة بكسوف شديد فردت قائله


مروة: ميرسى ااقولك سلام بقا

رامى : ايه علطول كده اكيد كلامى زعلك

مروة : لاء بس اتاخرت

رامى : طب هاتيجى تانى

مروة : ان شاء الله
...............................................
وتعددت اللقاءات بينهم كثير جدا لدرجه ان مروة كانت بتحجج بموضوع الدرس عشان

تشوفه وفى يوم راحت له بعد الدرس

مروة : ازيـــــــــــــــــــــــــــــــــــــك

رامى: اهلا جيتى فى وقتك

مروة : خير اللهم اجعله خــــــــــــــــيـــــــــــــــــــــــــــــر


رامى : اصلى كنت بفكر فيكى

مروة : بتفكر فيه ؟ ليه يعنى؟

رامى: مروة انا عايز اتكلم معاكى

مروة : اتفضل ياسيدى قول شكلك عامل مصيبه

رامى : مصيبه هههههههههه هى فعلا ممكن تبقا مصيبه بصى مش هاينفع الكلام هنا تعالى

اوصلك ونتكلم فى الطريق

مروة : بسسسسسسسسسس


رامى : بس ايه بقولك حاجه مهمه جدا

مروة : حاضر وامرى لله تعالى ياسيدى وصلنى وقولى فى ايه

وخرجت مروة ورامى وقد وصلو لنص الطريق ورامى لم يقل شئ


مروة : وحدووووووووووه ايه انت كنت عايز تسمعنى سكوتك خير يابنى ايه الموضوع

المهم اللى كنت عايزنى فيه

رامى : اولا بلاش القفش فى الكلام كده وشغل البوابين ده انا مش بكلم واحد صحبى ثانيا

انا مش ابنك ياحاجه

مروة : ههههههه ماشى بس بجد بقا فى ايه انا بدات اقلق

رامى: مروة طبعا انتى عارفه انى فى 3 هندسه بس فى حاجات تانيه فى حياتى بصراحه
عايز احكيهالك

مروة : اتكلم يارامى انا سمعاك

رامى : بصى يامروة اولا انا مش عارف ايه اللى مخلينى عايز اتكلم معاكى فى الموضوع ده

مروة : رامى انا بدات اقلق فى ايه

رامى : لا ماتقلقيش انا كنت بس عايز افضفض معاكى بصى يامروة انا كبير اخواتى وعندى

اخين تانين وماما موظفه وبابا فى السعوديه بس بيتنا دائما كله مشاكل عمرى ماحسيت

ان فى هدوء فى بيتنا وخصوصا لما يكون بابا هنا دائما خناق وطبعا ده بسبب ان

بابا اخ وحيد على 4بنات ودائما اخواته البنات ضحكين عليه ووخدين فلوسه وطبعا ده

بينرفز ماما عارفه لما تبقى مش حاسه باستقرار وانتى بيتك ده اللى انا حسه بلظبط

وياريت متسالنيش انا ليه حكيتلك لانى مش اساسا ايه اللى خلانى احكيلك

مروة : انا مش هسالك لانى كان نفسى اسمع منك ولسه نفسى اسمع منك اكتر واكتر


قالت مروة هكذا وهى تحدث نفسها وتقول امال لوتعرف الحياة اللى انا عيشاها اب بعيد

عننا رغم انه فى نفس البيت وام وخدها دوامه الحياة واخين كل منهم فى طريق وكله

شايل همه على كتفه وماشى

رامى : ايه ضايقتك

مروة : بالعكس ليه بتقول كده

رامى : اصلك سرحتى كده مرة واحدة

مروة : لا ابدا انا بس كنت بفكر فى الكلام اللى كنت بتقوله رامى معلش انا لازم اروح

دلوقت عشان اتاخرت اوى

رامى : طب هاشوفك بكرة

مروة : ان شاء الله اكيد

وبعد ما مروة قالتله كده كل واحد فيهم مشى فى طريقه

مروة لطريقها الى المنزل ورامى الى المحل
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 2:38 pm

يالا مستني مشاركتم هناك اجزاء اخري
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 2:41 pm

اذا شاركتم في الردود سوف استمر في تكمله القصه
الرجوع الى أعلى الصفحة اذهب الى الأسفل
ميمو صلاح مصطفي
جغرافى فعال
جغرافى فعال
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 3:56 pm

كمل نفسي اعرف اية الا هيحصل *************************استمررررررررررر***********ياريت flower
الرجوع الى أعلى الصفحة اذهب الى الأسفل
aly
مشرف
مشرف
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 4:17 pm

كتير حلوة
بس انت بتعلقنى ولى اية


التجاهل اقسى من الرفض! فالرفض قرار واضح المعالم مفهوم المغزى ومقبول النتائج أما التجاهل فألم وشعور بالموت بين الاحياء!




إذا همت نفسك بالمعصية فذكرها بالله ،

فإذا لم ترجع فذكرها بأخلاق الرجال ،

فإذا لم ترتدع فذكرها بالفضيحة إذا علم بها الناس ،
...
فإذا لم ترجع فاعلم أنك في تلك الساعة

انقلبت إلى حيوان


الرجوع الى أعلى الصفحة اذهب الى الأسفل
منعم
مشرف
مشرف
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 4:55 pm


قصه جميله شكرا ليك

الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 6:20 pm

علشان خاطركم بس هكمل انا ليه حد غيركم
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: الجزء الثالث   الأحد 13 فبراير 2011, 6:26 pm



سحر: انت اتجننتى يابنتى ازاى يوصلك يعنى


مروة : ايه يابنتى مكبرة الموضوع اوى كده ليه هو انا بقولك خدنى فى حته ضلمه
وشربنى حاجه صفرا دانا بقولك وصلنى

ثم انا عماله احكيلك على ظروفه و حكيته وانتى سبتيى ده كله ومش فاكرة غير انه

وصلنى

سحر: ماهو عشان استغربتك يامروة انتى عمرك ماكنتى كده

مروة : هو فى ايه يابنتى تصدقى بقا انا غلطانه انى قولت اجى احكيلك من قبل مااروح انا هامشى

سحر: طب خلاص خلاص بس انا خوفت بس ان حد من الدرس يشوفك هايقول ايه بقا ساعتها طب

ياستى كملى وقالك ايه تانى

مروة : ااقولك على حاجه انا كان نفسى يقولى بحبك

سحر: لالالالالالالا دانتى وصلتى لمرحلة الجنان الرسمى


مروة : عشان نفسى احب وتحب

سحر : لا عشان لسه عرفاه من كام يوم وعايزاه يقولك بحبك وتحبى وتتحبى بذمتك مش ده

برضه اسمه جنان

مروة : ااقولك حاجه هو فعلا اسمه جنان بس مش عشان اللى نفسى فيه لا لكن عشان اتهفيت

فى عقلى وقولت احكيلك بقولك ايه

انا غلطانه وندمانه عشان جيتلك وعشان اصلح غلطى ده

انا ماشيه


سحر: يامجنونه خدى يابنتى خدى
.................................................. ..............................................
عمرو : اهلا انت كنت فين

رامى : كنت فين ؟؟؟ وانت مالك ثم مش انت قولت عايز تتخمد ومروح اللى جابك تانى

عمرو: ابدا روحت مالقيتش حد فى البيت وطبعا كالعادة ناسى مفتاحى جوه وقولت ارجع تانى ثم ماتوهش انت كنت في

رامى : ...............................
عمرو : يابنى رد ااااااه شكلك وقعت يامعلم وكنت مع مروة انا كان قلبى حاسس ان الموضوع ده مش طبيعى

رامى : اه كنت بوصلها استريحت

عمرو : طبعا ياحبيبى استرحيت هو انا كنت احلم انه يجى اليوم اللى افرح فيك قصدى بيك ياغالى

رامى : وحياة ابوك مش ناقصه تريقتك

عمرو : ليه دى حتى شكلها لذيذ اوعا تكون قالتلك خلينا اصحاب احسن

رامى : لا ياخفيف بس الموضوع مش زى مانت متخيل

عمرو: طب فهمنى

رامى: لوقولتلك انا نفسى مش فاهم بحس انى عايز اكلمها علطول واقعد معاها واشوفها

ولما تكون قصادى بحس انى عايز احكلها على كل حاجه فى حياتى

عمرو : هو ده الف مبروك لا بجد الف مبروك الاخ حامل قصدى بيحب

رامى : والا العمليه مش نقصاك وابعد عنى وسبنى فى حالى


عمرو : لاء وعلى ايه المشرحه مش ناقصه قتاله بس اول مرة اشوف واحد بيحب متنرفز اوى

كده دانت ولا اللى كانك بتحبها تخليص حق يابنى


رامى : لازم اتخنق ياذكى مانت عارف الدنيا عندى عامله ايه وانا لسه فى 3هندسه

وياعالم اخبار الجيش هاتبقا ايه

وبصراحه هى تستاهل كل خير


عمرو: ايه ده ايه ده مالك كده داخل بتقلك اوى ثم بقولك ايه انت مضايق نفسك على

الفاضى ثم مروة لسه يادوب فى 2تجارة ومحدش عارف بكرة هايحصل فيه ايه

رامى : على رايك ياعالم بكرة اللى هايحصل فيه
.
الرجوع الى أعلى الصفحة اذهب الى الأسفل
princess_A
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 10:31 pm

قصه جميله جدا منتظرين الجزء الرابع
الرجوع الى أعلى الصفحة اذهب الى الأسفل
ميمو صلاح مصطفي
جغرافى فعال
جغرافى فعال
avatar


مُساهمةموضوع: رد: نهايه قصه مروة ورامي   الأحد 13 فبراير 2011, 11:31 pm

في انتظار الباقي********************* santa
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 1:49 pm

هل تريدون الجزء الرابع
الرجوع الى أعلى الصفحة اذهب الى الأسفل
ميمو صلاح مصطفي
جغرافى فعال
جغرافى فعال
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:01 pm

نعم **نريده : lol!
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:03 pm

بس مفيش حد بيشارك انا عرضت القصه دي منتدي اخذت حوالي 40 صفحه
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:05 pm

ميمو صلاح مصطفي كتب:
نعم **نريده : lol!

لو عاوزة تعرفي الجزء الرابع ممكن ابعته ليكي علي الاميل
الرجوع الى أعلى الصفحة اذهب الى الأسفل
منعم
مشرف
مشرف
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:33 pm


هههههههه

استغلالى
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:39 pm

منعم كتب:

هههههههه

استغلالى

خلاص كملها انت

انا مش شايف حد بيشارك علشان انزل الجزء الرابع
القصه لسه فيها كتير كلها 30 جزء
الرجوع الى أعلى الصفحة اذهب الى الأسفل
منعم
مشرف
مشرف
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:42 pm


يا سيدى ولا اكمل ولا غيره هو لازم يعنى كل المنتدى يشارك برأيه فيها مش كفايه اللى بيرد علىك .
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:44 pm

علشان خاطرك بس يا منعم انت و ميمو هنزل الجزء الرابع
الرجوع الى أعلى الصفحة اذهب الى الأسفل
منعم
مشرف
مشرف
avatar


مُساهمةموضوع: رد: نهايه قصه مروة ورامي   الإثنين 14 فبراير 2011, 2:49 pm

شكرا يا برنس
الرجوع الى أعلى الصفحة اذهب الى الأسفل
ساهر الليالي
جغرافى نشيط
جغرافى نشيط
avatar


مُساهمةموضوع: الجزء الرابع   الإثنين 14 فبراير 2011, 2:51 pm


مروة : السلامو عليكو ازيك يارامى ازيك ياعمرو

عمرو : ازيك يامروة عامله ايه

رامى : اهلا

وراء عمرو ان رامى به شئ ما غريب فافضل الخروج حتى يتركهم يتحدثو سويا

مروة : فى حد يرد السلام بكلمه اهلا

مش فاهمة هو ايه اللي حصل

رامى : الساعه فى ايدك كام

مروة : الساعه 5.30 ليه

رامى : ليه ؟؟!!!!! لا ابدا اصلى ملاحظ ان سياتك بقالك نص ساعه زيادة فوق مع المدرس

على الرغم انى شوفت اتنين من اللى

معاكى فى الدرس خرجو من بدرى

مروة : ابدا كنت بساله على حاجه فيها ايه يعنى ثم انت اول مرة تعاملنى بااسلوب ده

وهنا تحدث رامى ولكن بصوت هامس حين راء ملامح الزعل على وجه مروة

رامى: عشان خايف عليكى

اقشعرت مروة لكلمات رامى

الهامسه لكنها فضلت الصمت عن الكلام

رامى : مروة عشان خاطرى متخلنيش اقلق عليكى انتى متعرفيش انتى ايه بالنسبه لى

مروة : طب انا ايه بالنسبه لك

وهنا دخل احد الزبائن فانقطع الحديث

مروة وهى تحدث نفسها الله يخرب بيت الشيطان حبكت يعنى تيجو تشترو دلوقت دا الواد كان

هاينطق خلاص

وانتظرت مروة الى ان ينتهى رامى من الزبائن

رامى : اتاخرت عليكى

مروة:لا ابدا

تحدث نفسها : اتاخرت دانت يادوب بقالك ساعه بس

رامى: وحشتينى

مروة:ـــــــــــــــــــــــ

رامى : وحشتينى

مروة : انت قولت ايه؟؟؟؟

رامى : انتى سمعتى انا قولت ايه

مروة : لامسمعتش انت كنت بتقول ايه

رامى : كنت بقولك منورة

مروة : لا انت قولت وحشتينى

رامى : ههههههههه طب مانتى سمعتى اهوه

مروة : اه سمعت بس كنت عايزة اتاكد

رامى : مروة بجد انا مش عارف ايه اللى بيحصلى بس كل اللى هقدر ااقولهولك انى عايزك

دايما جنبى فياريت ماتبعديش عنى

مروة : حاضر

رامى : طب ايه مش عايزة تقوليلى حاجه

فى هذه اللحظه نظرت اليه مروة بكل حنيه وكانت عينها هى التى تتحدث عن مدى احتياجها له

وقد شعر رامى بما تريد ان تقوله مروة فلم يعاود السؤال ثانية

رامى : مروة

مروة : نعم

رامى :خدى بالك من نفسك اوى

مروة : حاضر

انا هامشى عشان اتاخرت يارامى

رامى : خلاص اوك روحى عشان فعلا انتى اتاخرتى

توجهت مروة للباب المحل وقبل ان تخرج نده رامى عليها

رامى : مروة

مروة : نعم

رامى : بحبك

تسمرت مروة ولم تستطيع حتى التظاهر بعدم سماع الكلمه

فدخل عمرو
عمرو : ايه مالك واقفه كده ماتخشى

رامى : سبها ياعمرو مروة اساسا مروحه

لم تدرك مروة ماذا تفعل او تقول غير كلمه سلاااااااااااااااااااااااااااااااااااام
الرجوع الى أعلى الصفحة اذهب الى الأسفل
 
نهايه قصه مروة ورامي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 7انتقل الى الصفحة : 1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لطلاب قسم الجغرافيا جامعة طنطا :: المنتديات العامة :: المنتدى الادبى-
انتقل الى: