نهايه قصه مروة ورامي

جغرافى نشيط

تذكير بمساهمة فاتح الموضوع :

بسم الله الرحمن الرحيم

فى البدايه دى قصه تميل واقع الحياة اللى احنا عيشنها بدايه من اعجاب وحب وغيرة وكدب وخيانه ونكد وفراق
يعنى كل اللى نفسكم فيه موجود فى القصه

بدايه
الابطال هما
مروة بنت جميله حساسه دمها خفيف واجتماعيه
رامى شاب جذاب دمه خفيف طموح ومجتهد

تعالو بقا نبدا مع اول فصل فى القصه
الفصل الاول
مروة : يوووووووه مافيش اى طرحه هاتليق على الطقم ده ولا ايه بقا انا تعبت من اللف الكتير النهارده

سحر صاحبتها : انتى يابنتى اساسا اللى مش مريحه نفسك وشكلك كده مش عايزة تشترى حاجه

مروة: يعنى انتى عايزنى اشترى اى حاجه وخلاص بقولك ايه بصى بصى فى محل هناك اهوه تعالى تعالى نشوف عنده كده

سحر: اووووووووووف اللهم طولك ياروح تعالى ياستى لما نشوف اخرتها معاكى

دخلت مروة وسحر الى المحل ووجدو شابا وسيما طويل جدا ويبتسم لهم ابسامه رقيقه

مروة : السلام عليكم ورحمه الله وبركاته

البائع : وعليكم السلام ورحمه الله وبركاته اتفضلو

مروة : بص من غير كلام كتير وفرجه بقا وهرى وفرك انا عايزة طرحه تليق على الطقم ده يااحمد

او يامحمد

البائع: نظر اليها نظرة غريبه كانه عايز يقولها مالها البت المجنونه دى هو حد جه جمبها

فرد قائلا:طب براحه براحه انتى محسسانى ان فى حد غصبك تدخلى هنا ثم انا اسمى رامى مش احمد او محمد

مروة: شعرت انها كانت انسانه رخمه موت فى كلامها واسلوبها فردت قائله

انا اسفه بس بجد انا تعبت من كتر اللف ثم تشرفت باسمك يارامى

رامى : ع العموم اتفضلى شوفى اللى انتى عايزاه

سحر:بصى بصى يامروة الطرحه دى حلوة ودى كمان حلوة

مروة: لا مش عجبنى خااااااالص

سحر: بصى اللى اسمه رامى ده بيبصلك ازاى بقا كل اللى موجود ده مش عاجبك ولا انتى عجبتك

الواقفه والكلام معاه

مروة : اتلمى ياسحر ثم انا يعنى بقوله ايه دا هو بيسالنى انتى بتدرسى ايه وقولتله انى فى

كليه تجارة بس المفاجاة بقا ان هو

طلع لسه بيدرس تخيلى بيدرس فى هندسه وبيشتغل كمان بجد
شكله انسان مجتهد اوى

سحر: طب خلصى انا زهقت وهو كمان شكله كده هايطردنا

وهنا دخل شاب اخر عليهم المحل ووقف يتحدث الى رامى ومن خلال
حديثهم عرفو ان اسمه عمرو

وانه ايضا يدرس فى كليه تجارة

واخيرا وقع اختيار مروة على طرحه معينه

مروة : انا هاخد دى يارامى

رامى: الحمدلله اخيييييييييرا

مروة: ياسلام للدرجه دى زهقتك طب ماشى كتر خيرك ياسيدى

رامى : نظر اليها نظرة كلها استغراب لحديث مروة العفوى معه وكانها تعرفه من زمن طويل فرد

عليها مبتسما
مازهقتنيش ولا حاجه انتى طلعتى عينى بس

مروة: ضحكت مروة ثم سالته طب ياسيدى بكام بقا الطرحه خلينى امشى عشان اريحك من الصداع اللى

جبتهولك

رامى:40جنيه

مروة : اوك اتفضل بس على فكرة انت مغلوانى مووووووووتفلوس

رامى: استنى استنى يعنى ايه مغلوانى دى

مروة: هههههههه ابدا يعنى زى مابنقول على بتوع الفاكهه فكهانيه وعلى بتوع الحلويات حلوانيه

انت بقا بقا عشان غالى قولتلك مغلوانى

رامى : ههههههههه نورتى المحكمه قصدى نورتى المحل ههههههههه

وهنا تدخلت سحر

سحر: يلا بقا احنا اتاخرنا اوي يلا انتى متسمرة فى الارض كده ليه

مروة : سلام يامغلوانى

رامى : ههههههههه سلام ياغلباويه

وهنا خرجيت مروة وسحر وفضلت مروة طول الطريق سرحانه

سحر: ايييييييييييييه روحتى فين ده كله
يا سلام

مروة : ايه يابنتى الواحد ميعرفش يسرحله شويه يعنى

سحر: لاء بس اصلى كنت حاسه انك مزودها حبتييين مع اللى اسمه رامى ده وبتتكلمى معاه كانك

عارفاه من سنين

مروة : بصراحه شخصيته عجبتنى اوى وخصوصا لما عرفت انه فى هندسه وبيشتغل فى نفس الوقت

سحر :يعنى ايه مش فاهمه

مروة : وانتى من امته بتفهمى هههههههههه

سحر : بقا كده

مروة : ياستى بهزر ايه بلاش اهزر ثم قفلى بقا خلينا نوقف تاكسى

تاكسيييييييييييييييييييييييييييييييييييييييييييييي يييي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
بعد مرور اسبوع

مروة : الدرس النهارده كان رخم اوييييييييييي ومافهمتش اى حاجه ملل

سحر: وانا كمان دماغى كانت مصدعه موووووت

مروة : ايه ده بصى مين واقف هناك ؟

سحر:مين ؟
مروة : ده رامى مش فاكراه رامى بتاع الطرح تعالى تعالى نسلم عليه

سحر: انتى مجنونه يابت انتى رامى ده يطلع مين عشان نروح نسلم عليه

مروة:رامى بتاع الطرح بصى لو مش عايزة خليكى انا هراوح اسلم عليه

سحر: خدى خدى يامجنونه طب على الله يكسفك ويطلع مش فاكرك

خدى تعالييييييييييييييييييييي

مروة : ازيك عامل ايه

رامى : وقد ظهر عليه علامات الاندهاش والاستغراب

مستغربة

اهلا الحمدلله

مروة وقد شعرت انه لم يتذكرها

مروة : طب الحمدلله انك بخير يامغلوانى

ذكرت كلمه مغلوانى لعله يتذكرها وبالفعل تذكرها

رامى : اهلا اهلا معلش الزهايمر بقا يابنتى وحكم السن بيخلو الواحد ينسا اسمه

مروة: ههه ولا يهمك

رامى : انتى بتعملى ايه هنا

مروة : انا باخد درس هنا

رامى : طب كويس دانتى جمب المحل علطول ابقى فوتى عليه لما تيجى الدرس تانى

مروة : ان شاء الله

فى هذه اللحظه تدخلت سحر

سحر: ازيك يارامى يلا بقا يامروة احنا اتاخرنا

مروة : طب سلام يارامى

رامى : سلام بس ماتنسيش ابقى فوتى عليه فى المحل

مروة : ان شاء الله

سحر: وده عايز منك ايه ان شاء الله

مروة: يعنى هايعوذ ايه عادى يعنى

سحر : مانا مش عارفه عشان كده بسالك ثم يعنى ايه عادى

مروة : بقولك ايه ريحك نفسك منى بقا شويه

سحر : ماشى ياست مروة هاريح نفسى منك
.................................................. ............
القصه طبعا لسه ليها فصول كتيييييييييييييييييير
لو لقيت رد فعل وحد بيشاركنى هاكملها
ها حد هيشارك .

تــم الثبيت بوآسطـة الادآرة I love you

جغرافى نشيط

على الجانب الاخر تخرج رامى من كليه الهندسه وقد

حصل على تقدير جيد جدا وبحث كثيرا عن عمل مناسب وبالفعل لقد وجد عملا اينعم لم يناسب

طموحاته ولكنه كان يريد الخبرة فقط اولا حتى يستطيع الالتحاق بعمل افضل من هذا وبما ان

هذا العمل كان لايناسب طموحات رامى لكنه وجد به بعض الممزرات مثل قربه من منزله حيث

كان يحب ان يظل قريبا من منزله فقد بدا يشعر رامى انه بالفعل رجل البيت خصوصا بعد

وفاة والده اثر حادث فارامى الان يعتبر نفسه زوج لامه واب لاخواته رغم انهم ليسو بصغار

الى هذا الحد ولكن انه بالفعل يشعر بذلك الاحساس احساس الاب

مروة : بجد انا مبسوطه مووووووووووووووت النهاردة مش عارفه ليه مبسوطه اوى كده

سحر: ياسلام كل ده عشان خرجنا النهاردة

مروة : لا بلعكس يافالحة انا مبسوطه لحاجه انا مش فهماها حاسه انى مبسوطه وخلاص

علياء: طب ياستى ربنا يبسطك كدا علطول بس صحيح مقولتلناش انتى ايه اللى راجعك بيتكو

مش كنتى استقريتى عند جديتك

مروة : مش عارفه اهى طلعت فى دماغى بقولكو ايه انا عايزة اشترى ميك اب

نظرت سحر وعلياء بعضهما لبعضم واستغربا بشدة موقف مروة الغير مبرر فهى منذ فترة

كبيرة لم تشترى ميك اب

مروة : ايه بلمتم كده ليه

سحر : لاء مافيش بس انتى مش تعبانه ولا حاجه يامروة

مروة :هههههههههههههههههههههههه ماتقلقوش انا سليمه ولله الحمد بس حاسه انى عايزة ارجع

زى زمان اضحك واهزر والعب وانبسط

علياء : ايه ده كله ايه ده كله براحه براحه حصل ايه للتغير ده كله

مروة : ههههههههه لاحول ولاقوة الابالله يعنى لاكده عاجبه ولا كده عاجبه خلاص خليكو انا

رايحه لوحدى

سحر: رايحه لوحدك ده ايه رجلينا على رجلك

علياء : ربنا يهديكى يلى فى بالى

وبلفعل اشترت مروة ميك اب وكله بالوان الربيع والوان الروز بدرجاتها فكانت تشعر

بسعادة غريبه تغمر قلبها ولكنها لاتعلم ماسر هذه السعادة الغريبه التى قد نساتها منذ

سنوات

مروة : بصو بصو ايه على الارض

سحر: ايه فى ايه

مروة: حرف الــ R

علياء : طب وايه يعنى

وظلت مروة واقفه امام هذا الحرف كثيرا وكثير ا وكثيرا

سحر: اييييييييييييييييييه هاتفضلى واقفه كده كتيييييييييير يلا عايزين نروح ورانا

بكرة كليه ياحجه

مروة : يلا ياسحر يلا

سحر: بقولك ايه صحيح بما انك رجعتى بيتكو وانتى رايحه الكليه بكرا فوتى عليه عشان

نروح سواء انا برضه عندى المحاضرة الاولى بكرة

مروة : خلاص ماشى وانتى ياعلياء افوت عليكى

علياء : لا انا هاروح متاخرة اصل ايمان جايه بكرة ومعها ناس اقريبها فعشان ادخلهم

معاها يعنى

مروة : خلاص ماشى يلا بقا بيتك بيتك ياامورة منك ليها
.................................................. .................................................. .................................................. ....................

وفى الصباح استيقظت مروة مبكرة ولكنها مستيقظة سعيدة جدا جدا لما راته فى الحلم

وذهبت مسرعة الى سحر حتى تيقظها وتحكى لها الحلم التى سعدت برويته

مروة : بت ياسحر قومى بقا قومى ياخوم النوم انتى اقومى عايزة احكيلك على حاجة

سحر: ايه ايه فى ايه يابنتى ايه الزن ده

مروة : قومى مش هاتيجى الكليه

سحر : لاء روحى انتى وسبينى بقا عايزة انام

مروة : طب قومى بس

سحر: ياستى مالك ومالى مش قولتلك انى مش رايحه الكليه سبينى بقا انام

مروة : طب قومى بس احكيلك الحلم ده

سحر : ياربى انا كنت عملت ايه فى دنيتى بس

ها قولى ياستى ادينى صحيت اهوه

مروة : بصى ياستى حلمت خير اللهم اجعله خير انى خرجت من وراء بابا وكنت خايفة اروح

عشان بابا هايزعق لى

سحر: ها وبعدين يارب نخلص

مروة : استنى بس المهم ياستى وكان فى شبين واحد عايزنى افضل قاعده معاه ومش همه ان

بابا يزعقلى وفى واحد تانى اطول منه بس كان خايف عليه موووووووت وخدنى عشان يروحنى

والشاب الطويل اوى ده كان شكله بيحبنى مش قادر يقولى وفضل معايا لحد مااروح

سحر: ها وبعدين كملى ياشهرزاد

مروة : بس خلاص بس بصراحه انا مبسوطه اوى بالحلم ده

سحر: طب ياستى ربنا يسعدك سبينى انام بقا

مروة : قومى بس تفتكرى ايه معناه الحلم ده

سحر: مش عارفه والله ياست سعاد حسنى على العموم ربنا يكرمك بالاخ حسين فهمى فى طريقك

واهوه يبقا حلم على طريقه فيلم خلى بالك من زوزو سبينى انام بقا

مروة : غوررى نامى انا غلطانه انى جتلك

سحر: مهى هى دى اخرتها غورى كتر خيرك يامؤدبه

مروة : سلام باق اتاخرت

سحر : سلام ياختى

جغرافى نشيط

يالا مستني رأيكم

جغرافى فعال

كمل بقي بجد قصة جميلة اووو ووو ووووووي ************استمرررررررررررررررررررررررررررررررررررر lol!

مشرف

انجز يا وحش

جغرافى نشيط

ماشي يا عم

جغرافى نشيط

وتركت مروة وذهبت الى كليتها وكانها قد نست رامى

حتى عندما مرت بمنزل رامى والشارع الذى دايما كان مكان تقابلهم لكنها لم تتذكره حتى

ولو لثانيه وقضت يوم جميل بالكليه وكانها قد عادت لما كانت عليه فى السابق من ضحك

وهزار وتريقه على كل زملائها بقصد الضحك واندهش الجميع لما هى عليه فقد تغيرت تماما

عما سبق فلم يروها هكذا منذ زمن بعيد ولكنهم فرحو جدا لرجوعها على ماكانت عليه فى

سابق عهدها وفى نهايه اليوم تجمعو جميعا حتى يتناولو وجبه الغداء جميعا فى احدى

المطاعم

عبده : ياجميل عامله ايه

مروة : صباح الخييييييييييييييييير انت لسه شايفنى ولا ايه مانا قعده معاك من الصبح

عبده : مش اول مرة اشوفك بس بجد مستغربك اوى

مروة : ليييييييييييييه

عبده : يعنى من زمان ماشوفتكيش بتضحكى كده

مروة :هههههههههههههههههههههه ودى بقا حاجه كويسه ولا وحشه

عبده:بالعكس ياماروو انتى عارفه انك اختى وبقا مبسوط انك مبسوطه والله

وهنا تضايقت مروة من عبده ولكنها لم تظهر له هذا حيث نادها باسم ماررو هذا الاسم الذى

كان رامى يناديها بيه عندما يكون فى حالة من حالات الروقان

عبده: ايه بلمتى ليه

مروة : لا ابدا بقولك ايه تعالا واحنا قعدين كده نرخم على العيال دى اللى عملين لنا

فيها حبيبه

عبده : قصدك مين فيهم علياء وعبدالمهيمن ولا ايمان ومحمد

مروة : اى حد اهوه نضحك وخلاص

وظل عبده ومروة يتبادلو الضحكات على اصدقائهم ثم ذهبو جميعا استعداد للذهاب لبيوتهم

ايمان : تعالو نمشى من الشارع ده

مروة : لا انا هامشى من هنا

ايمان : وليه هو حاورينى ياكيكه

مروة : انا مش هامشى غير من هنا

علياء : خلاص سبيها ياايمان

تحدثت ايمان لعلياء بصوت خافت

ايمان : مش ده برضه الشارع اللى كانت بتقالبل فيه رامى

علياء : اه هو بس سبيها تمشى منه خليها تحس انه شارع زى اى شارع تانى

وبالفعل ذهبو جميعا من هذا الشارع ولكنهم كانو يمشون خلف بعضهم البعض وليس بجانب بعض

وهنا حدث الشئ الذى لم يكن متوقع رات مروة رامى ولاول مرة منذ سنتين فكان يمشى

بجانبها ولكنه لم يراها بل ظلت تنظر له دون ان تستطيع ان تنطق ول

و بكلمه واحده

جغرافى نشيط

يا مستني ردودكم

مشرف

دة كتير يا عم انجز بقى

جغرافى فعال

ياعم انجز بقي ولا انت حالف متخلصه الا ما الدراسة تبداء*****استمررررررررررررررررر lol!

جغرافى نشيط

اوك بس القصه كبيرة شويه لان دي قصه حب عظيمه وكبيرة ولا انتو ايه رأيكم

جغرافى نشيط

عندما رات مروة رامى لم تصدق نفسها هل مايحدث

حقيقه ام خيال هل هذا بالفعل رامى ام انه وهم ولكنها تاكدت بالفعل انه هو رامى

بشحمه ولحمه راته على بعد 5امتار ولمتستطع ان تفعل اى شئ سوا النظر اليه وان تتامله

جيدا ولكن للاسف لم يراها فقد مرا بجانبها ولم يراها

امما مروة فظلت متسمرة فى مكانها وياللعجب انه نفس المكان اللى كان ملتقاهم من قبل

ظلت مروة تنظر له حتى مر بجانبها بل ظلت تنظر وراها وهويمشى ولم تستطع ان تلفظ لفظ

واحد

وفى هذه الاثناء شعر رامى ان احدا ما ينظر اليه فالتفت ورائه ليجدها تنظر ليجد مروة

دون ان تتحدث لا تفعل شئ سوا ان تنظر له وكانها لم تصدق ما يحدث

رامى : مروووووووووووووووووووة

مروة: رامى

رامى : انا بجد مش مصدق انى شوفتك

مروة :ــــــــــــــــــــــــــــــــــــــــ

رامى : يعنى لو ماكنتش بصيت ورايا ماكنتيش ندهتيلى

مروة :ـــــــــــــــــــــــــــــــــــــــــــــــــ ـــ

رامى :مروة

لم تستطع مروة تصديق مايحدث وظلت صامته لبضع دقائق وتكتفى ان تنظر لرامى فقط دون ان

تتحدث ولكنها حاولت تجميع نفسها

مروة : ازيك يارامى عامل ايه

رامى : الحمدلله انتى فين اختفيتى ورحتى فين

مروة : اهوه بالدنيا

لم تصدق علياء وايمان مايحدث فهل كانت مروة تعرف انها سترا رامى لذلك صممت ان تسير

فى هذا الاتجاه ام انها كانت تشعر به ام كانت صدفه

رامى :دورت عليكى كتيير اوى يامروة ومقلتكيش

مروة : بجد يارامى دورت عليه

رامى :اه والله حتى النمرة بتاعت جدتك كانت فى الورقه اللى كنت كتباها فى البنطلون

وفضلت ادور عليها كتييييييييييييير مالقتهاش

ومعرفتش اوصلك داحتى جتلى الكليه

مروة :جيت الكليه عشانى

رامى : جيت ودوارت عليكى انا وعمرو بس ماشوفنكيش خالص

وهنا تدخلت علياء وايمان حيث انهم يعلمو لو استمر رامى ومروة فى الحديث فانهم لن

ينتهو من الحديث

ايمان : يلا بقا يامروة احنا اتاخرنا

مروة: استنى بس ياايمان

رامى : خلاص يامروة روحى معاهم انتى معاكى موبيل

مروة : كان معايا واتسرق

رامى : طب خدى ده رقم موبيلى كلمينى ضرورى يامروة هاستناكى

مروة : حاضر هاكلمك

ذهبت مروة مع صديقتها ولكنها كانت تشعر انها لاتمشى على الارض مثل الجميع بل كانت تشعر

انها عصفور له جناحان يطييييييييييير حيث السماء الواسعه كانت فرحتها تشبه فرحه

الطفل الصغير كانت تشعر انه لايوجد فى العالم احد شعر بمثل هذه الفرحه من قبل وظلت

تحكى لايمان منذ بدايه معرفتها برامى ولكن الغريب انها كانت تحكى عن فرقهم بفرحه فمنذ

ان رات رامى نست كل ماحدث لها

جغرافى نشيط

يا جماعه انا مش بنزل اي جزء الا اذا حد رد اوك

جغرافى نشيط

لو واحد بس رد

جغرافى نشيط

جغرافى نشيط

ايه شباب مش عاوزني اكمل ولا ايه

جغرافى نشيط

ازاى بقى لا طبعا كمل

جغرافى نشيط

اكمل بس مفيش حد بيرد

جغرافى نشيط

كــــــــــــمـــــــــل

جغرافى نشيط

اثناء حديث مروة مع ايمان وهى تحكى لها قصتها مع رامى شعرت بشئ غريب بداخلها ولاحظت

ايمان ان ملامح مروة قد تغيرت بعض شئ فسالتها

ايمان : ايه يابنتى ماكنا كويسين شكلك قلب كده ليه

مروة : ايمان رامى ابوه مات

ايمان : ايه مات مات امته

مروة : مش عارفه

ايمان : مش عارفه ايه هو رامى قالك مات بس ماقلكيش امته

مروة : رامى ماقليش حاجه بس انا حسه بكده

ايمان : ياشيخه حرامى عليكى انتى هاتفولى على الراجل

مروة : مش عارفه ياايمان بس حسيت فى نظرة عين رامى باليتم مش عارفه ليه

وهنا تدخلت علياء فى الحديث

علياء : مش هانخلص انا عارفه هانفضل طول الطريق رامى وابوه اللى احتمال انه مات

ايمان : صحيح يامروة انتى كنت عارفه انك هاتشوفيه النهاردة

مروة : والله العظيم ابدا انتى ايه اللى خلاكى تقولى كده

ايمان : يعنى التغير اللى حصلك مروة واحدة كده من ميك اب وضحك وهزار

مروة : بقولك والله ابدا ده انا يمكن كنت مبسوطه صحيح النهاردة حبتين عشان الحلم

علياء : صحيح يابت يامروة ليكونش ده عم حسين فهمى ياست سعاد حسنى

ضحكو جميعا على تلك الجملة وظلو يردد اغنيه خلى بالك من زوزو ثم ذهبت كلا منهم الى

بيتها ولم تستطيع مروة اخفاء مشاعرها حتى لاحظ الجميع تغيرها المفاجئ ثم انتهزت

الفرصه لتتصل برامى حبيب قلبها

مروة : الوووو

رامى : الووو مين معايا

مروة : واحدة لسه مديها نمرتك

رامى : مروة بجد وحشتينى عاملة ايه يامروة

مروة : الحمدلله وانت اخبارك ايه

رامى : ياااااااه دانا اخبارى كتير وكتير اوى

مروة : رامى ممكن اسالك سؤال

رامى : اتفضلى

مروة : والدك توفى

استغرب جدا رامى لسؤال مروة

رامى : اه توفى بس انتى مين قالك

مروة : محدش بس انا حسيت بكده اول ماشوفتك

رامى : انا بتكلم بجد مين قالك

مروة : والله وانا كمان بتكلم بجد انا فعلا حسيت كده اول ماشوفتك مش عارفه ليه

رامى : يااااه يامروة انتى لسه زى زمان انا فعلا بابا توفى بس بحادثه كان بيعدى

الطريق فمات فى حادثة

مروة : انا اسفه يارامى والبقاء لله

رامى : ولا يهمك انتى بقا الدنيا عاملة معاكى ايه وارتبطى ولا لسه

مروة : الحمدلله وماارتبطش ولا حاجه

رامى : يابنتى دانتى قمر

مروة : ربنا يخليك يارافع معنوياتى

رامى : انتى عايزة تفهمينى ان مافيش حد بيقولك كلام حلو

فهمت مروة مغزا سؤال رامى

مروة : اذا كان على اللى بيقولو كلام حلو فهما كتير بس المهم انا اسمح لمين انه يقولى

رامى : يعنى ماسمحتيش لحد يامروة

مروه : معنديش استعداد ارتبط بحد يارامى ويرجع يقولى انا مش هاننفع مع البعض عشان الظروف
فهم رامى ان الكلام له هو لما فعله معها من قبل

رامى : انا ماكنتش عايزك تبعدى يامروة انا قولتك استنى معايا لحد الظروف ماتتغير بس

ماقتكيش

مروة : مين فينا اللى ملاقاش التانى يارامى انا كنت كل لحظه بدعى ربنا انى اشوفك او

حتى تتصل بيا

رامى : والله يامروة انا جيت عندك كتير الكليه عشان اشوفك بس للاسف ماشفتكيش حتى عمرو

كنت دايما بساله عليكى ويقولى مش بشوفها

مروة : خلاص يارامى مالوش لزوم العتاب

رامى : خلينا نبدا يامروة من تانى بس نمشيها واحدة واحدة احنا بعدنا سنين واكيد كل

واحد فينا اتغير خليكى جمبى يمكن ربنا رايد لنا الخير

مروة : حاضر يارامى حاضر

رامى : انا مضطر ااقفل دلوقت عشان بكلم من الشغل يامروة بس هاستنى منك تليفون بكرة

العصر اكون صحيت من النوم اصلى شيف بالليل

مروة : حاضر يارامى سلام

رامى : مروة لا اله الا الله

مروة : سيدنا محمد رسول الله

رامى : استودعك الله الذى لاتضيع ودائعه

فرحت مروة كثيرا عندما سمعت رامى يردد هذا الدعاء

مروة : استودعك الله الذى لاتضيع ودائعه

لم تنم مروة فى هذه الليله من شده سعادتها وظلت تتذكر الايام الجميله التى جمعتها

برامى وظلت تحلم بالاجمل الذى سياتى بعد فقد كانت على امل ان تجد السعادة مع رامى

جغرافى نشيط

عشان عيونك بس يا اميرة انتي والبرنسيسه

جغرافى فعال

المهم اية الا حصل بعد كده استمرررررررررررررررررر

جغرافى نشيط

هكلمل علشان خاطر عيونك

جغرافى نشيط

وفى اليوم التالى ذهبت مروة الى الكليه وكلها امل

وتفاؤل حتى وجهها كانه طاقه من النور بدر مشرق شمسا دافئه تنظر لجميع من

تعرفهم ومن لاتعرفهم بحب وود شديد وتمنت ان تاخذهم جميعا بالاحضان

علياء : ياسيدى على التفاؤل ياسيدى ده ايه الاشراق ده كله

مروة : مش عايزة تريقه لو سمحتى انا مبسوطه ومش عايزة تريقه

علياء : والله مش تريقه بس لو اعرف ان حالك كان هايتبدل كده كنت زمانى روحت دورتلك انا
عليه

مروة : هههههههه ياشيخه يعنى كنتى روحتى جبتيه هههههههه طب ايه رايك تروحى تجبهولى
دلوقت

علياء : هههههه لا خفيفه يابت المهم احكيلى كلمتيه امبارح

مروة : اه كلمته

علياء : طب احكى احكى بسرعة قالك ايه وقولتيله ايه

مروة : ابدا

علياء : نعم وحياة امك ابدا ازاى يعنى انتى هاتخبى من اولها ولا ايه

مروة : اخبى ايه بس دانا نفسى احكى للعالم كله

علياء : طب بدل ماتقولى للعالم كله ادينى اهوه واحدة من العالم اللى عايزة تحكيله

مروة : ابدا احنا اتكلم اننا ليه بعدنا واننا نفضل مع بعض ونشوف اذا كان ينفع نرجع

لبعض تانى

علياء : ها وايه كمان

مروة : وان ابوه مات

علياء : بتكلمى بجد ابوه مات يعنى طلع زى ماقولتلى لا بجد بركاتك ياحجه مروة

مروة :هههههههههههههههههههههه لا بركات ولا حاجه سيبك انتى ده احساس يامعدومه الاحساس

علياء: ههههه مقبوله منك لحد ماتكملى الحكايه بس طب ايه

مروة : هو ايه اللى ايه

علياء : يعنى اتفقتو على ايه هاتشوفو بعض ولا هاتقضوها تليفونات

مروة : لا شكلنا هانقضيها تليفونات ههههههههههه ثم ياستى احنا كنا فين وبقينا في

ثم جاء الميعاد المحدد بين مروة ورامى لكى تتصل به مروة على حسب اتفاقهما

مروة : الوووو

رد رامى وهونائما

رامى : الووو ايو مين

مروة : صحى النوم صحيح ناس هيصا وناس ليصه انت نايم واحنا هنا فى الكليه

رامى : ازيك يامروة عاملة ايه

مروة : الحمدلله انت اللى عامل ايه

رامى : الحمدلله بس بتتصلى ليه

صمتت مروة ولم تستطع الرد فكلمات رامى نزلت عليها كالصاعقه ثم لملمت بعض الكلمات لكى

ترد بها

مروة : انا اسفه يارمى الظاهر انى اتصلت فى وقت غلط بس انت اللى قولتلى اتصلى

رامى : ههههههههههههه ياحمارة انا قصدى بتتصلى ليه على الموبيل انا فى البيت كلمينى

على البيت

حدثت مروة نفسها وهى تقول نعممممممممممم احنا هانرجع تانى لموال الست الوالدة بقا ولا

ايه

رامى : ايه يابنتى رحتى فين

مروة : انا معاك اهوه بس بصراحه انا مش عايزة ازعج طنط

ضحك رامى حينما عرف مقصد مروة

رامى : ههههههههههههههههه لا ياستى مش هاتعضك قصدى مش هاتزعجيها اقفلى يلا وانا جمب

التليفون اهوه

مروة : حاضر

شعرت مروة انها ساتعود لها الايام الجميله وسالت نفسها هل بالفعل ستعود هذه الايام

الجميله ام انه حلم ثم تذكرت رامى الذى

ينتظرها بجانب الهاتف

رامى : ايه انتى كنتى بتخترعى تليفون عشان تكلمينى منه

مروة : هههههههه لا ماتقلقش مافيش اكتر من كباين منتل ورنجو والنيل

رامى : ههههههههههههههههه ماشى ياعم الكارت ها عاملة ايه

مروة ايه حكيته ده هانقضيها سلامات ولا ايه

مروة : الحمدلله

رامى : انتى هاتروحى امته

مروة : يعنى كمان نص ساعه

رامى : هى اساسا الساعه كام

مروة :دلوقتى الساعه 4.5

رامى : طب انا هاستناكى الساعة 5 فى شارعنا

مروة : شارعنا !!!!!!!!!!!

رامى : اه شارعنا اللى طول عمرنا كنا بنتقابل فيه ويوم مااتقابلنا بعد فراق اتقابلنا

برده فيه ولاانتى نسيتيه خلاص

مروة : انا عمرى مانسيتك او نسيته يارامى الساعه 5 هاتلاقينى هناك

جغرافى فعال

استمررررررررررررررررررررررررر flower

جغرافى نشيط

لعيونك الجزء 18

» نهايه شاب قرر انه يتجوز في 2009
» فيلم اخر ايام الارض عن نهايه العالم
» انفلونزا الخنازير من علامات الساعه الكبرى
» الاكتشافات الجغرافيه من القرن الخامس عشر الي نهايه القرن التاسع عشر