السلفيين الوحشين الشريرين --::::::::::::::◄

مراقب عام

عذرا !!!!!!!!!!!!!

.....السلفيون يمتنعون .....
:@
....
.
.

(سلفيين.. يقطعوا أذن واحد فى قنا ..)

(سلفيين.. يحرقوا بيت سيدة فى المنوفية..)

(سلفيين ..فى _مش عارف فين_ يحرقوا ضريح ..)

(سلفيين.. هيخطفوا البنات المش محجبات..)

(سلفيين.. هاجموا البرادعى ....)

(السلفيين
) الوحشين الشريرين ...عملوا كل المحرمات اللى ممكن تتخيلوها...قتلوا
وحرقوا وبلطجوا وسرقوا وهيخطفوا وبيشتموا و,,,,,و ,,,,,,...

وهما السبب فى عدوان القذافى على ليبيا...

ومش بعيد يكونوا هم السبب فى عدوان الناتو على أفغانستان وليبيا....

وعلى فكرة هما كمان السبب فى هزيمة مصر من جنوب أفريقيا ...

تحذير!!!!!!!!!! ...

السلفيون (الغزو القادم) ,,, احذروهم !!!!!!!

هتخرجوا الشارع تلاقوا (سلفيين) ,,هتدخلوا البيوت هتلاقوا شبح (السلفيين) ...

هتناموا هتحلموا (بالسلفيين)...

هتفتحوا التلاجة هتلاقوة (سلفيين)...هتفتحوا الحنفية (بردو هتلاقوا سلفيين:))

ولما تيجوا تخوفوا ولادكم ,,مش محتاجين للخرافات القديمة بتاعة (أبو رجل مسلوخة)

والحاجات دى ..قولوا لهم بس (لو ماسمعتوش الكلام هنجيب لكم السلفيين)...

ولو ماشربوش اللبن وروهم أى حد (ملتحِ ) أو أى واحدة (منتقبة) وقولوا لهم (اللى مايشربش اللبن بيكون شكله كدة

^_^

والله ,,شر البلية ما يضحك ...

ماعنديش تعليق غير حديث النبى عليه الصلاة والسلام:

"إنها
ستأتي على الناس سنون خداعة يصدق فيها الكاذب ويكذب فيها الصادق ويؤتمن
فيها الخائن ويخون فيها الأمين وينطق فيها الرويبضة قيل وما الرويبضة قال
السفيه يتكلم في أمر العامة "

ملحوظة : اللى مش هيعجبوا الموضوع ده هوديه للسلفيين وهم يتصرفوا معاه
واللى هيعجبوا الموضوع هنعرف أنه سلفى عميل

................................................

وفــىآ النهـآيـة آحب بس آوجـه كلمـتين علـىآ المــآشــىآ

آزبل صحـآفــة بالفعــل هيا الصحــآفــة المصــريــة مع احترآمـىآ للقلـة الصـآدقيين

الموضوع طبعـآ مش محتاج تفسيــر

كل دىآ تشويه للتيارآت الاسلاميــة فـىآ مصــر

الغرض منها ترويــع الناس من التيارات الاسلاميـة

والسبب كـآن وآضح خـآصـآ فـىآ الاستفتاء علـىآ الدستور

مع انىآ قـولت لاء بـس آكيــد احترمت رآي الاغلبيــة

ولكــن بعض الآحزآب والقوى السياسية الناصرية والليبراليين طبعــآ اللـىآ قـآلـوآ لاء لاغرآض آخـرىآ

لمـآ لقـوآ ان استفتائهم 4 مليون فقــط فقعـدوآ وعملـوآ قعـدة عرب علـىآ المسطبـة بتاعتهم

وقــآلك احنا لازم نجيب التيارات الاسلاميـة دىآ الارض وملقوش غير الطريقـة الزبالة اللى زيهـم دىآ

ويشوه صورة التيارات الاسلاميــة

وطبعــآ التشويـه دة مش هيخص السلفيين لوحدة بل هيبقا بالاخص فـىآ نظر الدول الغربية تشويه للاســلآم ذآته

لانهم اصلا لا يعرفوآ سلفية ولا اخـوآن

دآ فـىآ نظرهم الاســلآم

وحسبـىآ الله ونعم الوكيل Evil or Very Mad

جغرافى نشيط

حسبنا الله ونعم الوكيل في كل واحد عايز يشوة صورة الاسلام والمسلمين جزيت خيرا واكيد كل واحد بيكرة الاسلام ونفسة تحصل فتنة ما بينا هيشوة صورة الاسلام والسلفيين
وحسبي الله ونعم الوكيل

مشرف

حسبى الله ونعم الوكيل
بس انا شايف ان الاسلام جاى وبقوة ان شاء الله

مشرف

مفيش حد يعرف الحقيقه بس اللى احب اقوله انى فعلا حضرت للسلفين واخر مؤتمرين فى طنطا اللى فى فجر الاسلام حضر محمد حسان ومحمد حسين يعقوب وياسر برهامى ومحمد فريد واصل وناس فعلا قمه فى الاحترام وبعد فتره فى عواره حضر ياسر برهامى ومعاه ناس محترمه جدا وعمرهم ما يكلموا الى فى الحدود ازاى يبقى كلهم وحشين احتمال فيه ناس بتشوه صورتهم بس السلف اسمه سلف لانه السلف الصالح للنبى صلى الله عليه وسلم يبقى ازاى هيعملوا كده ع العموم ديه وجهه نظرى المتوضعه واكيد الحقيقه هى اللى هتتعرف قريب بس ياريت نفكر مليون مره مين اللى ليه اهميه فى كده ؟؟ مش معناه دلوقتى السلفين بقووووووووووووووا كده مش معناه دلوقتى ما المنصوره واسكندريه اكنر قوه سلفيه وعمرنا ما شفنا ان فيه حاجه حصلت منهم سورى للتطويل بس انا بقول اللى اعرفه وربنا يستر ع اللى جاى

مشرف

وطبعــآ التشويـه دة مش هيخص السلفيين لوحدة بل هيبقا بالاخص فـىآ نظر الدول الغربية تشويه للاســلآم ذآته

جمله جميله جدااااااااااااااا فعلا يا احمد الكل هيتفرج علينا اننا مسلمين مش ع ان ده حزب وده حزب او ده جماعه وده جماعه ع العموم ربنا يستر

جغرافى نشيط

آزبل صحـآفــة بالفعــل هيا الصحــآفــة المصــريــة

اتفق معاك تماما ف النقطه دى الصحافه المصريه للاسف بقت حاجه تقرف

صحافه متطرفه الاراء يا اما تطبيل لدرجه تأليه البشر يا اما تجريح وقله ادب

_ لو تقصد بالناصريه (الناصريين)فأنا مختلف معاك------ الناصريين اجدع ناس lol!

مراقب عام

جـــزآكــم آلله خيـرآ علــىآ المــرور

وآتمنــىآ آن الكــل يشــآركنــآ برآيــه

مشرف

اكيد كل واحد يشارك برايه لان المفروض يبقى ليك كيان ووجود واهميه وصوتك يوصل مهما كان رايك المهم اقول ومش تخاف والله الموفق وبأذن الله الراى الصح هو اللى يطبق علينا كلنا

مشرف

( يمكرون ويمكر الله والله خير الماكرين)
ويأبى الله الا أن يتم نوره وبعدين نحن لا نعمل الا لوجه الله تبارك وتعالى
شاء من شاء وأبى من أبى

جغرافى فعال

انا من رأى انهم عملوا كده ضد السلفيين بسبب قيام السلفيين بعمل مظاهرات لخروج كاميليا شحاته فهما عايزين يغطوا على ده فتقلبوا عليهم وده روتين الاعلام والصحافه المصريه .اه على فكره السلفيين هما السبب فى زلزال امبارح

مراقب عام

هههههههههههههههههههه

فعلا السلفين ورآء زلزآل البارح

نسيت اضفهــــآ

الله المستعان

مشرف

واحنا كنا عيال فى الحضانه كانت الابله بتعلمنا واحنا نقول وراها
"بنى الاسلام على خمس :شهادة ان لا اله الا الله وان محمد رسول الله ؛واقامه الصلاة ؛وايتاء الذكاة ؛وصوم رمضان ؛وحج البيت من استطاع اليه سبيلا" هو انا لو اتربيت على الاركان دى وعملتها وعملت الفروض الى جانب مكارم الاخلاق التى بعث بها الرسول الكريم ليتممها والصدق والاحترام والتصدق والعطف والمعامله الحسنه باختصار اخلاق النبى وكتاب الله وسنه رسوله ليه بقى اطلع على نفسى اتجاة او جماعه

ياجدعان حرام والله دا اى واحد بيروح يصلى الفجر فى جماعه او بيدخل المسجد الوقت بوقته بيقولوا عليه اخوان ولو قاعد فى اتوبيس وواحد مشغل اغانى شعبيه وقاله لو سمحت وطى او اطفى يفكر او ممكن يوقله انت اخوان والكلام بردة عن السلفيه زى ميكون الناس دى مسلمين واحنا والعياذ بالله كدة

ليه كدة انا خايف كترة الاحزاب والجماعات دى تخلى البلد تكتب لكل واحد فى طاقته بين قوسين "سلفى او اخوان او شيعى او سنى او....."

انا مش مع الاخوان او ضدهم او مع السلفيين او ضدهم ولكنى معتدل ومسلم بنذ شرع ربنا بقدر الامكان وبغلط وبتوب والحمد لله عايز اكون احسن بس بعيد عن الجماعات او الاحزاب

الاخوان لو كلهم ناس وحشه ومشتتين فيهم ناس محترمه جدا
السلفيين لو كلهم حلوين فيهم ناس وحشه جدا ومتشددة جدا ..

تقبلوا تحياتى؛؛؛؛

جغرافى فعال

كلامك جميل جدا وصحيح جدا

مراقب عام

خبر عــآجل

الحكم اللىآ كان فـىآ مبارة الزمالك والافريقــىآ كـآن سلفــىآ

بالاضــآفــة الــىآ ان الجماهير اللـىآ بزظوآ الدنيا سلفيين

آمـآ عن الرآجـل ابو جلبيــة

فــدة زعيم التنظيم السلفــىآ Very Happy

المصـدر: اخبار اهرام جمهوريــة آىآ جريدة مصرية حكوميـة

مشرف

ههههههههههههههههههههههههههه
حلوة والله يا احمد

طب خد دى

"اجتمعت القوى السلفيه لبحث قرار الغاء الدورى العام هذا العام وفى انتظار نهايه الاجتماع"

مشرف

تنبيه عاجل: أعلنت الدعوة السلفية بانها غير مسئولة عما حدث من شغب فى مبارة الزمالك وذلك بعد ظهور رجل بجلباب فى أرض المبارة

هههههههههههههههههههههه

مشرف

بجد علشان الكلام الكتير ممنوش فايده وده يقول وده يعترض وده يزعل وده ينكت ويهزر (بدون زعل )
انتم ناس كبار فى السن والمقام
وبتعرفوا تميزو بين الصح والغلط وكمان بتعرفوا تطلبوابحقكم
فالكل مسؤل أمام الله تبارك وتعالى فى يوم لاينفع فيه الندم
(خير الهدى هدى محمد صلى الله عليه وسلم)
كل خير فى اتباع من سلف وكل شر فى ابتداع من خلف
ما لم يكن يؤمئذ بدين فليس اليوم بدين
اللهم ارزقنا الأخلاص فى القول والعمل
أحبكم فى الله

جغرافى جديد

السلام عليكم صحيح انا اول مره اكتب رد او اساهم معاكم بس انا بقول ان السلفين هما اكتر ناس محترمه وكفايه انهم يتبعون هدي وسنه حبيبنا سيدنا محمد صلي الله عليه وسلم اللي معظمنا تركها اونساهاوان فيهم ناس متعصبه بس السلفين هما خير مابقي لنا والله المستعان

مشرف

جزاكى الله كل خير
ياريت كل الأراء زيك
الله المستعان

مشرف

خلاصه القول انا لسه سامع شيخ فاضل بيقول اننا كلنا سلفيه طالما التزمنا بدين الله وهدى محمد صلى الله عليه وسلم

مراقب عام

آلحمــد لله علـىآ نعمــة الآســلآم وكفـىآ بهـآ نعمــة

مشرف

هو ده اللى احنا بنقولوا السلفيه تمسك بكتاب وسنه