الاسس العلمية للغش في الامتحان

جغرافى نشيط

..........*****الاسس العمليه للغش في الامتحانات*****.............

1-اولا
الاعتماد على النفس بمعنى انك ماتكونش عامل حسابك ان حد حيغششك يعنى تظبط
نفسك برشام المنهج كله او الحاجات التقيلة منه (لو سيادتك مذاكر حاجة) تمام

2-بعدين لازم تكون مصاحب 3/4 اللجنة عشان الزنقة وطبعا اللى قدامك واللى وراك خصوصا

4-تكون متفق مع الاتنين على معاد معين اول مايجى تبدل مع واحد فيهم ورق الاسئلة

ايوة
ماتستغربش ورق الاسئلة هى دى المرحلة الاولى عشان بتعلموا فيها على
الاسئلة اللى انتوا مش عارفينها بعديها بفترة معينة ترجعوا ورق الاسئلة
لبعض بعد ماتكونوا حلتوا المطلوب

بلاش انانية لما يديك ورقة الاسئلة جاوبلوا سؤالين تلاتة من اى حد او لو ماعرفتش حورلوا فى واحد وقولوا ماعرفتش الاتنين التانيين

5-احسن واضمن طريقة (الهجوم خير وسيلة للدفاع) والله ماحتصدق حط البرشام قدامك على الديسك فوق ورقة الاسئلة ولا حد حايسالك ايه ده

لان كل المراقبين بيركزوا على نقل الورق واللى تحت الديسكات

ولو فرضنا ان حد سالك قوللوا انك كتبتها بعد الامتحان مابدا وانت حاتتها فوق يعنى مش خايف من حاجة

6-طبعا
لازم الطرق التقليدية زى انك تحط الورق فى الحمام وتدخل الحمام بعد ماتجمع
الاسئلة اللى انت محتاجها بس اللى مش تقليدى انك تحطها فى حمام الدكاتره(
بالنسبه لطلبه حاسبات في حمام بتاع الموظفين في معهد الاحصاء طبعا بالنسبه
للبنات اللي بيمتحنوا في المدرجات بتاعه المعهد ) لو قريب من اللجنة وساعة
الامتحان ماحدش حايقولك ماتدخلش ده بتاع الدكاتره بس وطبعا عمر ماحد يشك
ان فى حد ممكن يحط حاجة فى حمام الدكاتره

7-واهم حاجة انك قبل اللجنة تتصاحب على المراقبين عشان اى مشكلة ولا حاجة حصلت ماتتبهدلش جامد

نسيت
اهم حاجة لو وقعت اياك تسيح على حد مهما كان لازم تكون معاهم للنهاية انت
خلاص هما لسه يعني بلاش نظام يا نعيش عيشه فل يا نقع احنا الكل

وحانحط دلوقت الموضوع على شكل قواعد

.................*****قواعد الغش نرجو الالتزام بها*****..................

1-كلنا اخوات فى اللجنة من اول يوم امتحانات لاخر يوم بعد كدة اتخانق مع اللى انت عايزه

2-اياك تبخل على حد بحاجة انت عارفها(طبعا لو قريت الموضوع ده يبقى انت ولا تعرف الالف من كوز الدرة)

3-لو اللجنة سايبة لازم 3 حاجات السرعة والدقة والصمت دول حاينجحوا اللجنة كلها بجد

4-لو اللجنة سايبة ماتخدش من حد حاجة طلع برشامك عالصريح كدة وخد منه الى انت عايزة بعدين غشش الناس

5-لازم
قبل اللجنة المراقبين يفتكروا انك عايد اولى تلات مرات وتانية تلات مرات
وتحاول تصعب عليهم بالقوى عشان يعملوا نفسهم مش شايفينك اثناء اللجنة

واخيرا انا بقول اهو انا لو اتمسكت هقول على كل واحد قرا الموضوع ده

و انتوا لو اتمسكتوا بلاش نداله و تبلغوا عني

يلا يا رجاله ربنا يوفقكم

جغرافي اصيل

انت قدام ااووووووووووووووووى الجديد فى الغشل يا جماعه

حديــث الــرٍســول صلىآ اللـه عليـه وسلم
( من غشنــآ فليــس منــآإ )

فالغش كما يقول ابن عرفة: في حدوده: إبداء البائع ما يوهم كمالا في مبيعه كاذباً أو كتم عيبه. وقال في لسان العرب: الغش نقيض النصح.
والغش له صور كثيرة منها غش الراعي لرعيته، قال النبي صلى الله عليه وسلم: ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة. متفق عليه، واللفظ لمسلم.
ومنها الغش في البيوع والمعاملات، ومنها الغش في النصيحة، والغش في الصناعة، والغش في النكاح، بأن تصل المرأة شعرها بشعر غيرها، أو تدعي أنها بكر ونحو ذلك،.
وأما قوله صلى الله عليه وسلم: "فليس منا"، أي ليس على طريقتنا ولا منهاجنا، قال النووي رحمه الله في شرح مسلم: ومعناه عند أهل العلم أنه ليس ممن اهتدى بهدينا، واقتدى بعلمنا وعملنا وحسن طريقتنا... وهكذا القول في كل الأحاديث الواردة بنحو هذا القول، كقوله صلى الله عليه وسلم من غش فليس منا وأشباهه. انتهى.
والله أعلم.

موضوعك جاااااااااااااااااااااااااااامد تسلم ايدك

جغرافى نشيط

هههههههههههه
انا بهزر في الموضوع دة مش بجد يعني
والله انا عمري مابرشمت ولا عملت حاجة من الكلام دة
دة هزار

جغرافي خبير

تسلم ايديكوا

جغرافى نشيط

ايه الجمال ده
بسم الله ماشاء الله عليك

جغرافى نشيط

ههههههههههههههه
منورين يا جماعة
دانا بعلمكو بس اصول الغش

جغرافي اصيل

خير ان شاء الله
ربنا يوفقك

مشرف

ههههههههههههههههه

طب بلاش فضايح خليها فى سرنا

لا الدكاترة يشوفوها ولا حاجة

جغرافى فعال

ههههههههههههههههههههههههه عل رايك نخلينا فى حالنا