علي اسم مصر كلمات الشاعر صلاح جاهين

جغرافى نشيط

علي اسم مصر
علي اسم مصر التاريخ يقدر يقول ما شاء
أنا مصر عندي احب واجمل الأشيـــــــــــــاء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلي استحياء
وأكرها وألعن أبوها بعشق زي الداء
وأسيبها وأطفش في درب وتبقي هي فالدرب
وتلتفت تلاقيني جنبها في الكرب
والنبض ينبض في عروقي بألف نغمة وضرب
علي اسم مصر
مصر النسيم في الليالي وبياعين الفل
ومراية بهتانة ع القهوة..أزورها ..واطل
ألقي النديم طل من مطرح ماأنا طليت
والقاها برواز معلق عندنا في البيت
فيه القمر مصطفي كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جوليت
ولما جيت بعد روميو بربع قرن بكيت
ومسحت دموعي في كمي
ومن ساعتها وعيت
علي اسم مصر
مصر السما الفزدقي وعصافير معدية
والقلة مملية ع الشباك.. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه أكثر كلمة مقرية
قريتها من قبل ما أكتب اسمي بإديا
ورسمتها في الخيال علي أبدع الأشكال
ونزلت أيام الصبايا طفت كل مجال
زي المنادي وفؤادي يرتجف بجلال
علي اسم مصر

كلمات الشاعر صلاح جاهين

جغرافى فعال

جااااااااااااااامد ياعم صلاح ياجاهين

المدير العام

من اكتر الناس اللى بحب شعرهم قوي
عمي صلالاح جا هين
بحس ان مصر هيا اللى بتتكلم مش هو
تسلم ايدك يا باشا

مشرف

جميل اوي
تسلم ايدك
صلاح جاهين بجد مالوش حل
تقبل مروري