لقاء مع طالب ثانوى!!!!!!!! مسخره

مراقب عام

اعزائى
المشاهدين والمشاهدات
لقائنا اليوم عجيب غريب مع احدى الشخصيات التى سمعنا عن مشاكلهم والذين هم امل المستقبل وبنائه .....مع طالب ثانوى..

المذيع :ونقوووول سلام عليكم

الطالب:هاى ازيك ياعمو.

المذيع : نحب نتعرف عليك

الطالب:انا الشااب الروش الكوووول على طووووووووول ..

المذيع : لالالا انت فهمتنى غلط انا عاوز الحكومى ..

الطالب:ااااااااااه افتكرتك عاوزنى فى فيلم او فيديو كليب قولت اديك
الروش....انا ياعمو اسمى ...اسامه

المذيع : ازيك ياكابتن اسامه...

الطالب:كابتن هه!!!!!اوك أأمر يا برنس

المذيع : كنا عاوزين نعمل معاك حوار بعد امتحان اليوم..

الطالب:اوى اوى اوك تحب نتكلم فى ايه

المذيع : ايه اخبار الامتحان؟؟

الطالب:والله امتحان موووووز موووووز موووووز..

المذيع : طيب واخبار اللجان؟؟

الطالب:لا والله بينى وبينك اللجان أفشه اوى..

المذيع : طيب سمسم بتذاكر كام ساعه فى اليوووم؟؟

الطالب:نعممممممممممم كاااااااام ساعه!!هى ساعه ونص كل يوم وكده يبقى عنب
اوى

المذيع : ساعه ونص !!هى مش دى مدرسه ثانويه برضه ولا انا غلطت؟؟

الطالب:اه ياعمو مدرسة ثانويه وشباب جامده كمان انت بتكلم فيفى ولا ايه!!

المذيع : اومال يعنى ايه ساعه ونص اومال باقى الوقت بتعمل ايه؟؟

الطالب :باقى الوقت ازاى؟؟

المذيع : يعنى ساعة ونص مذاكره باقى الوقت بيروووح فين؟؟

الطالب:اييييه ياعمممو بالراحه شويه دى مامى مبتكلمنيش كده..

الطالب :بص ياعمو مش فى وقت للاكل ووقت للشرب ووقت اكلم الحتة وطبعا وقت
للنوم

المذيع : طيب الاكل والشرب دووول فهمناهم لكن ايه القطعه اللى قولت عليها
دى ....

الطالب:عمو انت مضطر تحرجنى هقولك بعدين..

المذيع : باقى الوقت بيروح فين..

الطالب:ياعموو بنام عشان اعرف اذاكر..

المذيع : اااااه فهمتك يالئيم يعنى بتنام 20 ساعه عشان تقدر تسهر الساعه
ونص وتدح مش تقول كده يارااااجل ولا انت من اللى بيخافوا الحسد..

الطالب:لازم يعنى تسيحلى ع الفضائيات والناس كلها تعرف الوقت اللى بذاكروا
اودى وشى فين من الاوائل دلوقتى..

المذيع : طيب احب اعرف لما انت مجتهد كده وساعه ونص وبتاع بتحل فى اللجنه
ازاى؟؟

الطالب:بص ياسيدى مش سمعت عن حاجه اسمها تعاون؟؟

المذيع : ااااااه بس ازاى؟؟

الطالب:اهوو احنا كده فى اللجنه اسرة مع بعشينا..

المذيع : طيب والمراقبين بيسمحوا بكده؟؟؟

الطالب:كده ايه يعنى انت شكلك فهمتنى غلط والله.

المذيع : طيب فهمنى؟؟

الطالب:ياعم كل واحد معاه كتابه ومصنفاته وبرشاماته ومع نفسه لكن بئا واحد
صحبه احتاج مثلا تسهيله يعنى يقولك السؤال ده الاقيه فى صفحه كاااااام
تقوله على الصفحه لكن غششششششش لالالالا حد الله اوعى تظن بيا غلط...

المذيع : ااااااااااااااه مش تقووول ده انت وقعت قلبى قولت بتغشوا من بعض..

----طيب تفتكر ايه انسب اساليب الغش فى الزمن احالى؟؟

الطالب:بص انا لا هقولك موبايل ولا نئعد نتودود فى اللجنه ونغروش على
بعشينا لكن التعليم اتقدم اوى وعلى رأى المثل "موبايلك فى جيبك,,برشاماتك
فى الجيب التانى,, موسك فى بقك ,,اللى يقولك متغشش عوره"

المذيع : وره!!ايام المدرسه نقدر نعرف عدد المدرسين اللى عورتهم؟؟وهل الموس
لسه فى بقك دلوقتى!!

الطالب:ياعمو انا عورت كتيير كتيييير مااقولكش .

الطالب:حضرتك تعرف لوحة شرف المدرسه.

المذيع : اه طبعا بيكون فيها اسماء المميزين.

الطالب :عارف لو بصيت على الورقه من ورا هتلاقى اسمى فيها فى البلاك لست..

الطالب:بلا فخر اول سنه معور استاذين و3 مدرسات اما 2 بئه كانت واحده حامل
سقطلها المولود شكلها مكانش عاجبنى بس السنه دى بئه قولت لازم اشتهر وارد
فضل المدرسه عليا السنين دى كلها روحت اديت بشله للمدير والناظر كتذكار
يعنى على حبتين من العاهات المستديمه بئه..

المذيع : مقولتليش برضه بالنسبه للموووس لسه موجود؟؟

الطالب:لا متخافش ياعمو بشيله اول مبخرج من اللجنه..

المذيع : طيب بالنسبه لفلوس الدروس اللى سفلئتها من دادك يعنى حوالى؟؟
وعملت بيهم ايه

الطالب:كده بئه هتخرب بيتى لو دادى عرف بس مش مشكله هثبته بمعرفتى بص ياعمو
كنت كل شهر ليا دخل من الدروس اهووو معيشنى وبصرف على الحته واروشن نفسى
,معايا احدث عده بطقن احسن لبس وحظاظات بئه وبظاظات وروشنه يعنى يعنى تقدر
تقول مرتب بابا بياخده فى 5 شهور...

المذيع : بما انك متفوق جدا كده يااستاذ اسامه احب اقولك ايه رايك فى
التعليم ..

الطالب:والله حلو والكتب نضيفه والاسئله دايما من جوه الكتاب الخارجى
والملعب نضييف وحصص الالعاب كتيره اوى ومدرسة البنات اللى امامنا دى حلوه
اوى..

المذيع : سمسم ايه اهم المكيفات اللى بتساعدك ع المذاكره؟؟

الطالب: يونيون اير واكريير وانواع كتيرر..

المذيع : لالا مش قصدى اقصد مشروبات بتعرف تذاكر بيها القهوه مثلا..

الطالب:اااااااااه مكيفاااات انا بابا مش مخلينى محتاج حاجه كل المشروبات
عندنا بانجو وحشيش وجميع انواع المخدرات..ربنا يخليهولى,,

المذيع : فى نهاية البرنامج وبعد معطلنا استاذ اسامه على البيت....

الطالب:عمو بيت ايه انت عطلتنى على ماتش البلايستيشن..

المذيع : صحيح اسامه حلوه الساعه اللى فى ايدك دى..

الطالب:هههههههههه ساعه ياعمو دى حظاظه.

المذيع : يعنى ايه؟؟

الطالب:دى حظاظه هى اسمها كده اول البت لما تشوفك بيها تقول عليك سوبر
ماريو وتديك رقمها وياسلااااام لو لابس بندانا مقولكشششش..بييييييس
يامااااااان

اعزائى المشاهدين والمشاهدات عشان استاذ اسامه يلحق الماتش ونتمنى له الفوز
والانتصار كما كان منتصرا فى المدرسه
احييكم من امام مدرسة***** الثانويه والسلام عليكم ورحمة الله وبركاته

الموضوع اصلى رد

مش اصلى برده هترد

ويلا استنوااااااااا

اللقااااء الجديد مع

جعفر

تحياااااااتى

عبووووووووده

المدير العام

طلاب اخر زمن

اصلي

☻☻☻☻

جغرافي اصيل

ههههههههههههههه
شو هاد حلوة كتير بس مو كل طلاب الثانوبة هيك
بردوا احنا قلبنا علي التعليم
البنات غير طبعا
ناااااااااااااااااااايس

مراقب عام

ahmed youns كتب:

وخدينك قدوه ليهم

يا ابا يونس

حبيب قلبى

مش هنطلع راس البر ولا ايه

ولا نروح

اسنكريه

ايوا يا عم اسنكريه

مراقب عام

بنت غزة كتب:

ههههههههههههههه
شو هاد حلوة كتير بس مو كل طلاب الثانوبة هيك
بردوا احنا قلبنا علي التعليم
البنات غير طبعا
ناااااااااااااااااااايس

ولا هاد مرورك اللى كتير حلو

لا ما فى مو

كل الطلاب فى مصر هيك

ايه الكلام الغريب اللى بقوله داااااااااا

نورتى ياا قمر

وكويس انك مو بتعملى كدا

» الاعلانات بقت مسخره
» طالب مروق
» لقاء صحفى مع الحب
» طالب مسخرة
» دعاء طالب فاشل