أبلـــيس .. ترـرك مصــر ...!!

جغرافى نشيط

ابليس عايز يسيب مصـــــــر
.......................................

على باب سفارة كندا..

لمحت ابليس و ف ايده استماره

بقول له على فين..

قاللي بص .. يا هجره يا اعاره..

يا عم زهقت.. كفرت ..

الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين ..

مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل ..

و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ ..

ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث ..

و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه ..

خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه

......... مفيش فايده

جغرافى نشيط

مفيش فايدة طول ما احنا بنهتم بكل حاجة فيها فساد وحرام وعمرنا ما بنهتم بشؤنا الدينة مفيش فايدة فعلا
دي عالم مجرمين.. عندكوا فائض ف الفساد..

في كل البلاد..

ومش محتاجين شياطين ..
عندة حق الشعب غلب الشيطان في الفساد
اسفة للاطالة
مليش عيش ف دي البلاد..

مشرف

الله عليكى يا مصر
يا ام الدنيا يا مصر

جغرافى نشيط

فــــعلا رغــم كـُل دـآ .. فـ مصر هى ام الدونيآ

تسلموـولى لـردودكم الجميله

جغرافي اصيل

رغمنى مو مصرية ولا بعرفها بس بجد منكم حبتها اوى ونفسي اشوفها
نااااااااااااااااااااااااايس

جغرافى نشيط

بإذَن الرحمـَن هـآتشوفيهـآ يا بنت غزة ..

المدير العام

الحمد لله غيرنا مش لاقيين شربة الماية
احنا احسن من غيرنا كتير

جغرافى نشيط

الـحـــمًَد لله ع كُل شئِ .. نٌورَت التوـُوبيـِك يا أحـمد

» خريطــة مصــر الجيــولوجيــة --:::::::::::::::::::::::::◄
» هذه مصــر - أروع صور ممــكن تشوفها عن مصر