اخبار الاهلى

جغرافى نشيط

الاهلى كبير وهيفضل كبير

جغرافى نشيط

المعتصم سالم فى الاهلى وعفرتو سوف يحسم جوزيه موقفه منه وكذالك سعيود وشبانه ربنا يسترعلى الاهلى الايام القادمة

جغرافى فعال

يارااااااااااااااااجل

تصدق فجئتني والله

جغرافى جديد

مين مبيحبش الاهلى.مصر كلها اهلى Question

زائر

مصر بتتجمع عشان العصيان المدنى يوم 25 يناير ونحاول نعمل زى تونس ماعملت وانتو لسه بتتكلمو عالاهلى يااااه دة ايه الثقافه دى انتو كدة بتحققو اللى الطغةه عايزينه ياريت ننسى حكاية الكورة دى ونهتم شويه ببلدنا ونشارك فى العصيان https://www.facebook.com/group.php?gid=9973986703

جغرافى فعال

ليه ده ياروجاعصيان عشان خاطرايه اللي حصل ف تونس ده ميصحش ولا ينفع يحصل ف مصرلان مصرربناذكرهابالأمن ف القرءان(وادخلوهابسلام آمنيين)

جغرافى فعال

اماعن الأهلي ف ده حبيب قلبي ده اهلي وأهل كل الناس (بحبك ياأهلي مهماضاق بك الطريق ولكل جوادكبوه )

زائر

ههههههههه ياانسه مارى انا قلت عصيان مقلتش مظاهرات وضرب وخبط يعنى مش هتعملى اى حاجه غير انك هتنزلى الشارع مع الناس اللى هتنزل ان شاء الله وتطالبى بمغدرة مبارك للحكم ولا انتى مبارك على قلبك زى العسل وبعدين امن وامان ايه اللى بتتكلمى عنهم واحنا غرقانين فى الظلم والفقر والجهل ولو استمرينا كدة مش هتلاقى غير واحد يهودى بيطردك من بيتك ويخدة غصب عنك وطبعا عينك ماتشوف الا النور عن الباقى وياريت نعرف نعمل زى ما التوانسه عملوا ودة اللنك لو حبيتى تحررى بلدك https://www.facebook.com/group.php?gid=9973986703

مشرف

طبعا كل الناس بتحب الأهلى وده الطبيعى .

جغرافى فعال

والله ياانسة روجا اعذورني مش هقدرانزل يوم 25عشان عندي امتحان يوم 26وبعدين بلاش نعمل زي العراق وبعدين ماحبكتش يعني انتخابات الرئاسةع الابواب وده هدفه زعزعة الاستقرارف مصرواظن انك بسب مبارك قارده تنامي وانتي مرتاحة ومطمنةف بيتك رغم ان فيه جهل وظلم وفقرولوكان عايزيدخل حدبلدناكان دخلهم ايام احداث اسكندرية ومكنش وقف قصادهم وهاتيلي دوله عربية اتعدل حالهابعدماغيرت حاكمهاواظن مفيش فعلادوله عربيةمستقره زي مصر وانصحك متنزليش يوم ٢٥عشان مش كل الناس محترمين وكويسين زيك ومتعرفيش ايه اللي ممكن يحصل وركزي ف مذاكرتك كده هتفيدي بلدك ودينك اكتر ومتهيقلي ف مشاكل اكبرمننا

مشرف

اهدوا يا جماعه انتوا هتتخانقوا ولا ايه ما تتحرق البلد على اللى فيها بس معلش يا روجا انا مع مارى خليل فى رأيها مبارك احسن من غيره على الاقل مفيش حرب حصلت من يوم ما مسك الحكم لحد الان والله أعلم اللى هيمسك الحكم بعده هيكون شكله ايه ما كل اللى بيمسك الحكم دلوقت لازم يسرق وينهب ويمص دم الشعب علشان يأمن مستقبله ومستقبل اولاده على الاقل مبارك ظبط نفسه فى بداية حكمه بس دلوقت شبع من كتر اللى انتوا فاهمين بقى فيعتبر احسن من غيره المهم سيبكوا بقى انتوا مالكم ومال السياسه .............. .

نصيحه أخويه سيبكوا من الموضوع ده وارجو منكم التركيز فى المذاكره مش باقى غير مادتين وبعد كده اعملوا اللى انتوا عايزينه
بالتوفيق للجميع ياااااااااا رب .

جغرافى نشيط

الاختلاف فى الرأى لايفسد للود قضيه
___________

وهاتيلي دوله عربية اتعدل حالهابعدماغيرت حاكمها(غريبه الجمله دى)

_______

هاتلى انتى دوله عربيه غيرت حاكمهااصلا (غير التغيير الربانى _يموت يعنى)

جغرافى فعال

اهدي كدة ياماري انتي وروجا
اسالو مجرب
انا عن نفسي مش حسيب دراستي وشغلي واتكلم في السياسة
وانزل اعمل احنجاج مع الناس في ابريل

علي فكرة ياروجا انا مش معني كدة اني بختلف معاكي في رايك
ولا موافق ماري في رايها

بس لوانتي جربتي او اي حد جرب ونزل في احتجاج
زي ما انا جربت والكلام ده كان من حوالي خمس سنين
ايام تعديل الدستور

المحامين والقضاه كانو نظمو احتجاج والكلام دا كان في شارع رمسيس في القاهرة اما القضاء الاداري
وانا ايامها كنت في الكلية في القاهرة وواحد صاحبي اخدني معاه

بعد دقايق من الاحتجاج فجاة شارع رمسيس ده اصبح سكنة عسكرية
زي ما اسرائيل بتعمل في الفلسطينيين عربيات مصفحة دبابات والاهم الامن المركزي
انتي عارفة يعني ايه الاول قاضي او مشتشار يعني اعلي من حسني مبارك او بمعني اصح حسني مبارك ملهوش سلطة عليه

والله العظيم انا شفت عسكري امن مركزي بيضرب مستشار بالجزمة في الاحتجاج دة وكله في اليوم ده اتكيف ماعدا انا طبعا حتي انا يعني بس مش ضرب لاني كنت بجري

وفيه طلبة في كليات طب ازهر والقاهرة وعيين شمس اعتقلوهم

انتي بقي عايزة تعملي ايه اما القضاه والمستشارين والمحامين ينضربو احنا بقي حيتعمل فينا ايه
ولو عايزة تتفرجي ع الحاجات دي صوت وصورة اجيبهالك واما تتفرجي عليها عارفة حيحصلك ايه والله العظيم عمرك ماتتخيلي انك في مصر.

علشان كدة انا عمري مافكر انزل في اي حاجة ضد الحكومة تاني
ممكن اكون جبان بس انا داخل الجاامعة علشان اخلص تعليمي
وكفاية بس اللي حيتمسك في اي حاجة من الحاجات دي مستقبله حيضيع .
معلش طولت عليكم

جغرافى فعال

علي فكرة راي جمييييييل وواقعي ودا ميعتبرش جبن هو خوف علي مستقبلك ودا من حق حضرتك تقبل مروري

مراقب عام

من الاخر مصر محدش يعرف يعمل حاجه فيها

اولا

شعب بتاع كلام وخلاص

ثانيا حكومه وجيش مصر ماسكين البلد

اللى يفكر يعمل حاجه هو اللى هبنضرر مش حد تانى

انا عارف ان حال البلد فى الضياع بس هتعمل ايه

دا نصيبك

وانتا احسن من غيرك

جغرافى فعال

شكرا علي رايك الجميل يا ميمو

جغرافى فعال

هو ده الكلام الصح اللى عبده بيقوله الله ينور عليه ومن الاخر مصر ده بلدخربانه يعنى مافيش سياسه ولا حكم

جغرافى فعال

صراحه الاهلي طول عمره كبيير من الخطيب لبيبو لبشير وكفايه كدا علشان مزعلشي حد

مراقب عام

يــآ ريــت آلآعضـــآء بتــوعنــآ آلكــرآم

ميخبطــوش فـىآ آلحلل كتيــر علشــآن آلمــوضوع مش مستــآهل آن حـد يزعل من رآىآ آلتــآنىآ

ويــآريت آلموضوع يتقفــل وآلنــآس ترجـع تــآنىآ لصلب التوبيــك

آللـىآ هوآ ريــآضــىآ

ويــآريت آللـىآ ناســىآ قــوآنين آلمنتدىآ بدخــل بسرعــة يرآجعهــآ

آفضــل ميفــوق علـىآ آلحظر ودة مـش حلــوـو

وبيرجـع يـزعـل آلنـآس وتقـول مكنـآش معــرف

رجـــآء قفل آىآ موضوع مش يخص التوبيــك

مشرف

ايوه يا جماعه زى ما شيتوس قال الموضوع رياضى وانتوا قلبتوها سياسه خلينا فى الاهلى والدورى ومبروك لمصر لقب حوض النيل .

جغرافى نشيط

ماشى يا منعم شكرا لمرورك الاهلى فى القلوب

» فوز الاهلى بالتلاته
» الاهلى والزمالك
» رونالدينهو فى الاهلى المصرى
» تى شيرت الاهلى 2011
» اخبار هامه جدا