مستنى ايه ادخل

جغرافى نشيط

بسم الله به نستعين وعليه نتوكل والصلاة والسلام علي رسول الله اللهم صلي عليه وعلي اله وصحبه وسلم
الي كل انسان لا يصلي .......كلمه لله
انت مبتصليش ليه؟؟؟؟؟؟
سؤال محتاج الي جواب ؟

يلا جاوب................

انت
ايوة انت
بتلفت نظرك ليه؟
ايوة انا بكلمك انت...........
انت ليه مش بتصلي
ممكن ترد علي ؟؟؟

بتقول ايه اصلي ليه...........

هقول لك بكل بساطة عشان خاطرر بنا مش انت بتحبه برضه؟؟؟

بتقول ايه مش فاضي..................

هقول لك مش فاضي ليه
وراك ايه بتشتغل يعني؟؟
ماله مش عيب برضه بس صلي
ماانت هتصلي يعني هتصلي...........

عارف ليه عشان لو مصلتش في الدنيا يا شاطر بمزاجك
هتصلي في الاخرة عصب عنك
بس مش هتعرف عارف ليه ؟؟؟؟
قال تعالي(يكشف عن ساق ويدعون الي السجود فلا يستطيعون خاشعة ابصارهم ترهقهم ذله وقد كانوا يدعون الي السجود وهم سالمون)
عشان ظهرك الي انت فرحان بيه في الدنيا وعلي طول مريحه باستمرار رغم انه مش عاجبه كده؟؟

هتقول لي ايه مش عاجبه ؟؟؟
اقول لك هو انت متعرفش ان كل حتة من جسمك بتعبد ربنا
مش جاحد زيك
هتقول ليه هو انا جاحد؟؟
هقول لك لاسف انت كده ومش تزعل مني
عارف ليه عشان لو انت فعلا مش جاحد كان زمانك شكرت ربنا علي كل نعمة اعطاها لك
انت عارف انك بتعصي ربنا باعضاء بتعبده
سبحان الله

هتقول يعني ايه؟
هقول لك يعني بتعصيه باعضاء عارفة ربنا كويس اكتر منك بس هم مامورين بطاعتك يا سيدي
وانت رئيسهم تتحكم فيهم كيفما تشاء يعني زي ما تقودهم هيكونوا معاك
بس اعرف برده ان ربنا قادر علي ان يحرمك منهم.........
في لحظة واحدة يلي بتطلق بصرك عمال علي بطال بتشوف دي وتتفرج علي ده
ربنا يعمي بصرك ....هتعمل ايه يا مسكين؟؟
ان الله تعالي اذا اراد شئ يقول للشئ كن فيكون
ولحظة واحدة يلي بتطلق سمعك برده عمال علي بطال بستمع بيهم اغاني ومنكر وغيبة ونميمة
في تانيه يصمك هتعمل ايه؟؟

وهكذا في باقي جسمك كل ده قادر الملك علي ان ياخذهم منك
وانت يا مسكين لا حول لك ولاقوة
قال تعالي(وخلق الانسان ضعيفا)
عشان كده اعرف ان كل معصيه لازم تتعذب بيها في الدنيا قبل الاخرة الا من تاب
واحذر ثم احذر
من عقاب ربنا

قال تعالي(ان بطش ربك لشديد)
والله انت مش قدر العذاب يا مسكين معلش انا طولت عليك بس لازم تعرف
ان الصلاة عماد الدين يعني من اقامها اقام الدين ومن تركها هدم الدين
يعني عايز تتكون ممن هم بيهدموا الدين
هتقولي لا امال مش بتصلي ليه؟؟
انت عارف ان اول ما تتحاسب عليها هي الصلاة اذا صلحت صلح العمل كله واذا فسدت فسد العمل كله

امال الي مش بيصلي هيعمل ايه؟؟؟؟
انت عارف ان من ترك صلاة العصر حبط عمله امال الي مش بيصلي هيعمل ايه؟؟؟؟
انت عارف ان الي مش بيصلي بيموت والاعوذ بالله علي سوء الخاتمه
وبيتعذبوا عذاب شديد لا احد مهما كان يتحمل حتي جزء منه
عايزة اقول لك اكتر من كده
كفايه العذاب عند طلوع الروح
انت ترضي ان يقول ملك الموت لروحك اخرجي ايتها الروح الخبيثة هل ستستحمل ذلك
انت عارف ان في القبر الي بياخر الصلاة فقط عن ميعادها بيتعذب عذاب شديد ويهوي الملك به الصخرةعلي راسه فيتهشم دماغه وتتكسر الصخرة
وهكذا بيتعذب باستمرار امال الي مش بيصلي هيحصله ايه؟؟؟؟
انت عارف ان الي مش بيصلي هيحشر مع هامان وفرعون وبيكونوا في الدرك الاسفل من النار والاعوذ بالله

هل هتستحمل كل دا امال بتعاند ليه؟؟؟؟
ليه يا جماعة قاطعين الصلة بنكم وبين ربنا ليه
هقول لك اخطر من ذلك
انت عارف ان حبيبنا المصطفي صلي الله عليه وسلم قال العهد الذي بيننا وبينهم الصلاة فمن تركها فقد كفر
عارف يعني ايه
لا فوق
وفوق

انت عارف ان وصيه النبي هي الصلاة
انت ليه مش بتنفذ وصيه الحبيب المصطفي صلي الله عليه وسلم دا لو ابوك وصاك بوصيه كان زمانك نفذتها امال دي وصيه الحبيب
الذي هو احب اليك من ابوك وامك
يلا بقي توب الي ربنا وصلي قبل فوات الاوان
متخفش لسه الفرصة ادامك والباب لسه مفتوح اقبل بقي ربنا
عشان انت عارف بتعمل ايه كويس وعارف النهايه هتكون ايه
بس لما توب هتكون النهايه الجنة ان شاء الله
قال تعالي(واني لغفار لمن تاب وامن وعمل صالحا ثم اهتدي)
يلا بقي قوم صلي ركعتين واستغفر ربنا
عشان هو بيحبك الي ذكرك بالكلام ده
يلا بقي بسرعة
قال تعالي(اقترب للناس حسابهم وهم في غفلة معرضون)
يلا بقي قبل فوات الاوان
وانا متاكده ان شاء الله هتوب
وللحديث بقيه
واسفة علي الاطاله في هذا الموضوع

وبارك الله فيكم
وانا هسيبكم عشان بقي الي كان مش بيصلي خالص يقوم ويصلي ركعتين
والي كان بيصلي علي خط ويسيب خط يقوم يتوب الي ربنا عشان لو قبض علي الخط التاني هيكون مصيره ايه
والي كان بياخر الصلاة لا ان شاء الله يصليها في ميعادها
قال تعالي(ان الصلاة كانت علي المؤمنين كتابا موقوتا)
يعني لها ميعاد لازم تتصلي فيه
وجزاااااااااااااكم الله خيرا وانتم خلاص هتوبوا صح ولا ايه

واسال الله العظيم رب العرش العظيم ان يتوب علي عصاه المسلمين
وان يهديهم الي طريق الحق والدين
والسلام عليكم ورحمة الله وبركاته

مشرف

ربنا يخليك هو ده الكلام ولا بلاش
جزاكى الله خيرا
انا الحمدلله بصلى من خمسه ابتدائى لغايه دلوقتى
اتودت ع الصلاه والصوام من صغرى
فمفيش عندى مشكله فى كده
بس للاسف بحب الرومانسيه والاغانى
وباذن الله هقل منها اوى الفتره اللى جايه

مشرف

بجد يا جماعه كل واحد يسال نفسه فى الاسئله اللى فاتت
علشان يرجع يعرف نفسه
بدل ما حد يعرفه نفسه
ويرجع يندم فى الاخر
بجد موضوع فوق الامتياز

جغرافي اصيل

بجد والله دا اجمل موضوع شوفته فى المنتدى
ربنا يخليكى يااااااارب ويجعله فى ميزان حسناتك

جغرافى نشيط

جغرافى نشيط

جزاكى اللة خيرا موضوع جميل اوى ياريت الى مبيصليش يصلى علشان ربنا عقابة محدش يستحملة رب اغفر لنا زنوبنا انك انت الغفور الرحيم

المدير العام

جزاكى اللة خيرا يامها
ياريت نداوم على الصلاة لانها عماد الدين وهى الى بتقربنا من ربنا

مشرف

بجد يا جماعه اهم حاجه فى الدنيا واول ما يحاسب عليه الانسان هو
الصلاه
فياريت كلنا نصلى نبدا الصلاه قبل رمضان علشان نخلص رمضان صلاه وصوام وربنا يغفرلنا
بأذن الله تعالى

مشرف