يوميات شاب معاصر....................

زائر

حكايتنا النهاردة حكاية ممكن تحصل لاي شاب اتخرج ومش لاقي شغل متيجوا نشوف الحكاية ودى
الحلقة الاولى

الكورنيش.......... شاب في مقتبل العمر.. مربي دقنه وحالته تصعب ع الكافر يا ولداه !!
وهو ماشي..... يشوف من بعيد حاجة بتلمع...........

* الله.. ايه ده؟؟.. خاتم؟؟.. وفالصو؟؟.. أحمدك ياااااااااارب !! هو قديم........ بس شيك !!
(ينظف الخاتم ووووووووووو)
** بواهاهاهاهاهاهاهاهاها....... شبيك لبيك عبدك وملك اديك .. تطلب ايه؟؟!!
* ييييييييييييييييمه..!.... انت مين؟؟
** أنا ملك ملوك الجان أحققلك أمانيك ف غمضة عين .. تطلب ايه؟؟!!
* أاااااااااانا؟؟ طلباتي؟؟
** أيوة .. انت اللي خرجتني من الخاتم ولازم أردلك جميلك!!
* ايييييييييييه.. والله أنا مش طالب من الدنيا غير وظيفة محترمة وشقة كويسة ألم فيها واحدة تكون بنت حلال .... وبس
** ايه ده؟؟ هي دي طلباتك؟؟
*اه والله بس.... هي دي بس..
**بس؟؟ طب الشقة ومقدور عليها ........ لكن الوظيفة ......... يا عم يفتح الله !!.. عن اذنك..! دانا قعدتي في الخاتم أحسن !!!
*حتى انت؟؟.......... استني بس.... استني...... ووووووووووو
(يسمع صوت)
*** أحممممممممممممممممد
* استني بس انت رايح فين وسايبني؟؟ (لسة بيحلم!!)
(يسمع الصوت تاني)
*** أحممممممممممممد.......... اصحي يابني الساعة بقت 2 الضهر
*مين؟؟ فين؟؟ ليه؟؟ ازاي؟؟!!............. صحتيني ليه يا ماما؟؟
*** قوم يا بشمهندس بقينا الضهر...
*بشمهندس؟؟!! ههههههههه.....انتي لسه فاكرة؟؟؟!!
طب هاتيلي الفطار بقي على بال ما اغسل وشي.. بس بسرعة والله!!!
*** حاضر
*فين الجرايد؟؟
*** عندك ع التربيزة.....
*طيب........ايييييييييييييييييه.....استعنا ع الشقا بالله !!! الكلمات المتقاطعة
كلمة من أربع حروف.. تطلق علي من لا وظيفة له..؟!!
هاهاها أربع حروف؟؟........تبقي أحمد.....اهيء اهيء اهيء......
.................................
::::::::::::
فى البيت .......أحمد مع والدته

زائر

*أنا؟؟......أنا يا ماما؟؟....أنا مهندس كمبيوتر بقالي 6 سنين مستني الوظيفة آجي ف الآخر أشتغل فى محل جزارة؟؟!! هشتغل ايه بقي؟؟ ...... موزة ولا كارع؟؟!!!
*** يابني ده حل مؤقت..يعني انت عاجبك قعدتك ف البيت؟؟!.. وبعدين أبوك بيقول ان صاحب الجزارة راجل طيب وكمان انت هتمسك الحسابات يعني هتقعد علي مكتب برضه......
* مكتب؟؟! ده أنا قعدتي ف الخاتم أحسن !!....قصدىىىىىى.. قعدتي ف البيت أحسن..!!
*** معلش هنجرب ولو معجبكش الحال خلاص...واسعي ياعبد وانا اسعي معاك..
*انتي شايفة كده؟؟
***ايوة........
* خلاص علي خيرة الله...... اهيء اهيء
ووووووووووووووو::: فى محل الجزارة
* سلام عليكم يا عم الحاج
** وعليكم السلاااااااااااااااااااااااااام ورحمة الله وبركاته
* أنا احمد يا حاج عارفني؟؟
** آمال.......أهلا أهلا يا بشمهندز!!.. اتفضل اتفضل
*......!!........ أهلا بيك يا حاج شكرا
** هاااااا قوللي بقي ... انت بشنهندز ف ايه؟؟؟!!
*مهندس كمبيوتر يا حاج
** كمبروتررررررر....!!....... يا مساء التكنولوبياااااا !!
* !!!!!!!!!!
** ان شاء الله تنبسط معانا ......
*ان شاء الله يا حاج......... أنا بقي ايه المطلوب مني؟؟
**هتمسك الدفاتر بتاعة الحسابات........ وهربطلك يومية كويسة....... خمسة جنيه كويس؟؟!!!!
* يومية؟؟!!.... اللي تشوفه يا حاج
**خلاص علي خيرة الله ..تبتدي من بكرة......وده الكارت بتاعي.. عليه اسمي وتلافون البيت ورقم التلافون الموباين بتاعي....... لو عوزت حاجة أنا ف الخدمة انت بس اضربلي تلافون!!
* موباين؟؟؟!! حاضر ياحاج .. شكرا.. سلام عليكم
:: وووووووووو.. وفى البيت
* سلام عليكم
*** وعليكم السلام........ ها عملت ايه يابني؟؟
* ايييييييييييه....... هبتدي بكرة..... اتربطلي خمسة جنيه يومية.!!........ ومعايا رقم الموباين بتاع الحاج لو عزت حاجة هضربله تلافوووووووووووون !!!
اهيء اهيء ارحمني يااااااااااااااارب!!
************************************************** **************

طبعا احمد بطل يوميات الشاب المعاصر والحاج ابو احمد والحاجه ام احمد
واصحاب احمد فادى وشادى وميزو وزيزو

زائر

ولسة الحلقة التانية باذن الله

جغرافى فعال

ههههههههههه
والله انت شاب جمييل انت بتجيب الحلاوه دي منين
وعايزين نشوف الحلقه التانيه Wink

زائر

ماشى

زائر

(الحلقه التانيه)

فى الحلقه دى الحاج ابواحمد قرفان من احمد عشان مقضيها صياعه وسرمحه وقاعد عاطل من غير شغله

الحاج ابواحمد قاعد بيقرأ الجرنال فى البيت والحاجه ام احمد قاعده بتقمع الباميه
الحاج ابواحمد :هو المحروس فين يا حاجه
الحاجه ام احمد: تلاقيه مع اصحابه بيتهوى شويه يا حاج بدل قعده البيت
الحاج ابو احمد : ماهو من ساعه ما اتخرج قاعد زى قرد قطع من غير شغله ولا مشغله
الحاجه ام احمد: وهو هيعمل ايه يا حاج هو كان لقى شغل ومشتغلش
الحاج ابواحمد :على العموم انا كلمتله واحد اعرفه يشوفله شغلانه وبكره هيروح يقابله وربنا يسهل

احمد داخل على الراجل اللى ابوه موصيه عليه عشان يشغله وطبعا عنيه منفوخه زى الكوره
لانه كان سهران مع الشله بيلعبوا بلياردوا وبلاى ستيشن ومش شايف قدامه
احمد : صباحك فل يا نجم
مدير الشغل: ( نجم ) صباحك زى وشك
مدير الشغل : عايز ايه يا استاذ قول
احمد : انا احمد ابن الاستاذ محمود اللى كلمك عليا بخصوص الشغل
مدير الشغل : اه قلتلى هو انت بقى المحروس نايتى *** نايتى دا اسم الدلع بتاع احمد
احمد : ايه دا هو ابويا سيحلى ولا ايه
احمد : ايوه انا احمد
مدير الشغل : وبتعرف تعمل ايه بقى ياسى نايتى قصدى ياسي احمد
احمد : بعرف العب بلاى ستيشن وثرى كمان وبلياردوا وكوتشينه يعنى من الاخر بتاع كله
مدير الشغل : بس يا ابنى الله يخرب بيتك بتعرف تشتغل ايه . ليك فى المحاسبه بتعرف تشتغل على الاوفيس اي برامج
معاك لغه تانيه ده اذا كنت بتتكلم عربى اصلا
احمد بيبص للمدير وهو حاطط ايده فى جيبه ومبتسم : لا والله يا برنس بس ممكن العب سوليتير على الكمبيوتر بدل الاوفيس لو ممكن
مدير الشغل : يلا يا حيوان اطلع بره ومشوفش وشك هنا تانى انتا ولا ابوك وقوله انك علاقتنا ببعض انقطعت ولا هو يعرفنى ولا انا اعرفه
طبعااحمد كرامته وجعته قوي لان الراجل هزقه راح احمد قاله : تصدق انك راجل اب نورمال وعندك برانويا كمان

ومن بره مكتب المدير والموظفين شغالين فجأه سمعوا صوت خبطه جامده فى مكتب المدير والباب بيتفتح
واحمد عنيه الشمال منفوخه زى كوره التنس وفيها الوان عجيبه من خبطه الطفايه فيها
احمد داخل من باب الشقه بيتسحب وبيراقب المكان بالعين السليمه اللى فاضلاله عشان ابوه ميقفشهوش
وفجأه طلع صوت الحاج ابو احمد من اوضه النوم وهو خارج بيقوله
الحاج ابو احمد : انت شرفت يا بيه عملت ايه مع الاستاذ خليفه مدير الشغل اللى ورم لاحمد عينه بالطفايه

احمد بيرد وهو بيحاول يخبى عنيه الوارمه :
ابدا ولا حاجه الراجل طلع مش ستايل خالص ومبيفهمش من الاخر
وهو فعلا خسر واحد زيى فى الشغل بتاعه دا حتى الشغل دا مش من مقامى
احمد : اه على فكره هو بلغنى رساله اوصلهالك هو بيقولك مش عايز يعرفك تانى والعلاقه اللى بينكم اتقطعت
ام احمد واقفه فى المطبخ وفجأه تسمع صوت خبطه زى اللى الموظفين سمعوها فى مكتب المدير وتخرج جرى على الصاله
عشان تلاقى احمد وعنيه الاتنين بقوا زى الوان الطيف يالهووووووووووي يا ابني

المدير العام

ههههههههههههه
تعرف يا احمد
انت راجل زى العسل

جغرافى فعال

ههههههههههههههههههههههههههههههههههههههههه
والله الحلقه دي جميله وبتفكرني بحال الشباب المصري اليومين دول ماهو لازم الواحد يبقى نيتي عشان قاعد من غير شغل

جغرافي اصيل

هههههههههههههه
جامده مووووووت

جغرافي اصيل

ههههههههههههههههه
بس وسعته ان المدير يضربه
فين السلاح اللى بيكون حطه فى جيب البنطلون لو كان طلعه وثبته المدير كان حيشتغل
سكرتير المدير وبعد الشغل يعلمه احمد البلياردوا ويبقى كسب فيه صواب
بدل ما هو عاطل وشغال مدير ههههههههههههههههههههههههههههههههه

زائر

بالاسم بس
الاسم مصري مكتوب فى شهاده
ولسانى عربى من يوم الولاده
والاسم مسلم وناطق شهاده
بالاسم بس
قالولى ذاكر من يوم الولاده
عشان بكرة تكبر وتاخد شهادة
تفتح صيدليه فوقيها عيادة
المشروع ده ناجح و فلوسه زياده
مبروك يا ميرو اخدت الشهاده
بكرة تروح لجيشك وتاخد شهاده
وميرو مستنى
سجاير وشاى وكمان قهوة ساده
وقرحه فى بطنى وضغط و زياده
تاجيل ولا هلبس فى رجلى البياده
عسكرى ولا ظابط
سنه ولا تلاته
ويكتبولى game over
فى ضهر الشهاده
ده الجيش وقعه سوده
سخره وعباده
مفيش فرق بينك وبين البياده ( الجزمه..
محتاج دعوتين ده الدعاء عباد

والله منا عارف احنا عايشين نعمل ايه
مسلمين اه مسلمين بس مش حاسين
ولا عارفين ولا فاهمين ولا واعيين
ولا باصيين ليوم القيامه
ولا خايفين من غمسة جهنم
ولا خايفيين رب العالمين
ولا اى حاجه خالص عايشين وخلاص
مجانيــــــــــــــــــــن
بناكل ونشرب ويمكن نجوع
وبنجرى على شغل ميكفيش يومين
عشان يبقى اسمنا..... شغالين
وعشان تعيش هنا لازم تكون فى الاصل مليونير
واتلغى الصفر من طريق النجاح
وبقت البدايه من مليون
معتش فى سلم.. بقى فيه اصانصير
ومش هيركب غير الكبير
المدير ..المستحمى ..المليونير
اللى حاطط برفان كتير
واحسنلك يا غلبان متفكرش كتير
وموت بشرفك
بكرة كله يموت فقير

بقالى كتير مخزن طموحي
وحلم مكبوت ...شايله فى روحى
مش كبير .. معقول
طاقه وطاقه وطاقه
بقيت حاسس انى هطلع بترول
ولا بلاش السيرة أحسن ياكلنى الغول
ويقولوا فيه بترول ( اعصروه )
ويمكن اشع نووي
وياكلنى تانى الغول
اصلى عيل بخاف مالغيلان
قاللولى وانا صغير مش بياكلوا الا العيال
اعمل ايه ...... عيان
شربت ميه فيها
فيروس
اسمه (عيش جبان (
تعيش فى امان

قلت ارسم .. منا فنان... والله موهوب
جبت فرشه وورقه والوان
بس ارسم .. ارسم لمين وليه؟؟ هيجيب فلوس ؟
ولا مين هيقول الله عليك فنان
اصلهم قطعو الطريق
بين القلب والعين
وخلاص معتش فيه غير عيون من أزاز
بتشوف وبس عشان تعرف الطريق ويريتها عارفه
دى تايهه برضه ودى المصيبه
انا عاوز اعيط يمكن دموعى تحل حاجه
بس خايف تكون عينيه بقت أزاز
معرفش اعيط.... انفجر
انفجرررررررررر

جغرافي اصيل

جميله جدااااااااااااااااا
ايه المواضيع الجامده دى

زائر

لسة فى شوية كلام قبل الانفجار
كونا معانا فى
انتظار الجزء الثانى

جغرافى نشيط

لا الجزء التانى مش كده مش العيون تايهه
يبقى الدموع هتنزل فى حته تانيه
دعابه( )

» يوميااات نزار القباانى .. مـع MeMo
» يوميات مواطن عربي
» يوميات مدرسة اجن من الطلبة
» يوميات طالب فاشل...............1........2........3
» يوميات شيتوس وميمو جم