مظاهره نت

جغرافي اصيل

تخيل فى يوم صحيت من النوم وفتحت الكمبيوتر بتاعك !!!
اول حاجه هتعملها هتتصل ب بندق صاحب الشبكه وصحيتوا من النوم وقالك طيب ثوانى هتصل بالشركه
كل شويه تتصل بصاحب الشبكه يكنسل عليك
تتخنق وتقول يخربيتك يا ابن التيييييييت والتووت والتوتو كمان ومازال بندق صاحب الشبكه بيكنسل
وبعد عــــــذاب رد ايوه يا بندق النت لسه فاصل رد بندق وقال النت مقطوع فى مصر كلها
فا الطبيعى هتتجه للأختراع القديم التليفاز ومشغل قناة الجزيرة اللى فاضحانا وليقت مكتوب

لقد قرر رئيس الوزاراء المصريين السيد الدكتور ابو العلا الظريف :- الغاء النت فى مصر

اوباااااااااااااااا الدنيا اسودت فى عينيك وحاسس بأن نفسك غامه عليك وعمال تقول لاااااااااااااا لاااااااااااااا

يعنى ايه مفيش هوت ميل مفيش فيس بوك مفيش ياهو مفيش يو تيوب مفيش مفيش ده ظلم بجد حكومه بنت .........توووووووووووت وتوتو وتاتوا

نزلت الشارع الناس ماشية تكلم نفسها وأذ فجأة لقيت مظاهرة لا شوفت ولا هتشوف زيها فى حياتك
تقولش ثورة 19 قامت تانى

" أدى الواد وأدى البت احنا شباب الانترنت"

"مش هنسلم مش هنعود احنا شباب الداون لود"

"اريد حلا خاطيبى فى الأمارات يا ناس "

"من حقنا من حقنا نلاقى نت يلمنا"

آراء مختلفة فى الشارع

الموظف :- الحمد الله كده انا وفرت فلوس من مصروف البيت حق الاشتراك غير فاتورة الكهرباء بسبب المدعوء الكمبيوتر

ربة منزل :الواد يبقى قاعد بياكل وفجأة يتنفض من على السفرة ويقولى ال ايه برب يا اما

دولى (طالبة كلية تجارة):بجد ده ظلم انا بعمل عليه ابحاث

سالى (طالبة آداب انجلش): انا مقدرش استغنى عن النت انا طول الليل بترجم الماده من على جوجل

احمد (طالب كلية حقوق): انا طول الليل اخطط لمستقبلى (ههههه طبعا بيتسلى مع بنت من امريكا )

لولا (طالبة شارع الهرم ): انا حولت شغلى كلوا على الانتر نت زرونى على الفيس بوك هتلاقوا فديو واوديو وصور وكل حاجه

ام محمد (مواطنه ماشية فى الشارع ): نت ايه وابصر ايه كيلوا اللحمه بقى 45 جنيه

سيكا فارم :- يابنى انا صاحب جروووب انت مش مقدر حجم المسئولية اللى انا فيها

زائر

لو النت قطع تبقى رحمة من عند ربنا
الواحد يرحم نفسة وعينة من الشاشة الى عمتة
هتبقى راحة والله
انا تخنقت من النت مفيش يوم يفصل عشان اريح دماغى حتى ولو يوم
دنيا ناس مش لاقية النت وناس قرفانة منة

بصراحة موضوع جميل

لو النت اتقطع فى مصر تبقة مصر بجد خربت والله مش عشانة احنا عشانالشركات والمكاتب ولاتصالات كلها دلوقتى بقت
على الانترنت
هتتعطل شركات ويقف حال ناس كتير والناس مش ناقصة كفاية الدوخة اللى هما فيها
اما بالنسبة لنا فالنت بيعطلنا كتير اوى فيا ريت الواحد ينقطع عنة النت خالص

جغرافى فعال

موضوع جميل تسلم ايدك يا ميرو

المدير العام

النت يقطع انتى بتقولى اية بجد الحياة من غير النت تبقى صعبة اوى بجد النت سهل حاجات كتير جدا وقرب الناس من بعضها اكثر من تليفون ومحمول وكل وسائل الاتصالات الاخرى لدرجة انك بتكلم ناس من اقصى بلاد العالم وممكن تكون ما تعرفش عنهم اى شيئ
دا غير المصالح الحكومية اللى اصبحت تعتمد على الانترنت فى اتصالاتها وتخزين بياناتها ونقلها وتبادلها
غير كمان اللى بيستخدم الانترنت فى الحصول على المعلومات والاخبار عن طريقة واللى بيتميز بالسرعة وتعدد وسائل الطرح
بجد النت دا انجاز تاريخى مش ممكن يتكرر
لكن مهما كان لازم الواحد يقلل من ساعات جلوسة على الانترنت لان ادمانه لا يقلخطر عن ادمان المخدرات لانه كما تعلمون عالم مفتوح لا تنتهي حدودة
اما بالنسبة ليا فصعب جدا انى استحمل انى اعيش من غير الانترنت خصوصا انه الحاجة اللى بتوصلنى باصدقائى فى القسم اللى غاليين عندى كلهم