بحبك يا دنيا

مشرف

بحبك يا دنيا وعندى عتاب ولو كنتى فانية وطبعك هباب

بحبك بخيرك وعطفك ونورك وبكره يكون فيكى عتمة وضباب

وناس يشتروكى ولية اختاروكى سؤال مش لاقيله فى عقلى جواب

هواكى جرفنا وزاد منه خوفنا وبدد امالنا وجالنا إكتئاب

وعايزة الصراحة مبنشفش راحة وكل اللى شايفينه وهم وسراب

بقى الفقر كله بيأسة وزله معشش وساكن فى قلب الشباب

ومات المناضل وراح اللى فاضل وحقد الاعادى دخل كل باب

ودمر بيوتنا وسود عيشيتنا وغير حياتنا وجاب الخراب

وحكام بلادنا بيأزوا ولادنا وبيشبعوهم مرارة وعزاب

بيخفوا الحقيقة بمليون طريقة وحاطين ما بنا وبينهم حجاب

وكاتمين نفسنا وناهبين ميراثنا وقدام عينيهم بناكل تراب

وهما بتباتة وحقد وشماتة بيتعشوا لحمة وتونة وكباب

وياما اشتكينا ورحنا وجينا مفيش حد منهم نطق واستجاب

وزادت جراحنا وآخرة كفاحنا رمونا وسابونا تاكلنا الكلاب

بيستعبطونا وبيغرقونا وفاهمين كلامهم دا عين الصواب

ولابسين حراير ومن غير ضماير ماينفعش فيهم رجا او عتاب

يا خلق ارحمونا بلاش ترعبونا وخلونا نفرح ينوبكم ثواب

وحوشوا كلابكم وسكولنا بابكم وحطوا فى عينكم شوية تراب

دا فيه اقوى منكم هاينجدنا منكم وهاتشوفوا منه اشد العقاب

وتشقوا بمالكم ويتهد حيلكم وبكرة عيالكم يدوقوا العزاب

ياريت كل ظالم يرد المظالم وما يكنش غادر وله الف ناب

ومن غير مناهدة يعقل ويهدا ويعمل حساب ليوم الحساب

يصحى ضميره ومايهنش غيره وكل الخلايق تقول انه تاب

وللحق يرجع ومن نوره يشبع وهايكون جنابه فهم واستجاب

وتيجى السعادة بكتر العبادة وبالطبع لازم يكون له مناب

وهو بزاته هيرضى بحياته يا ريت كل ظالم يكون استعاب

يطول سجوده ويلزم حدوده وفى الجنة هايكون له اكبر ثواب

المدير العام

اية الكلام الكبير دة
احنا مش قدك بقى

مشرف

متشكرين يا احمد
دى حاجة بسيطة
بس فين بقية الاعضاء

زائر

كلام جميل من انسان اجمل

مشرف

جميل اوووووووووووووووى
مستنى كل جديدك