الله يرحم الجنية ابو مدنة

مشرف

والله حاجة تحير

الناس هاتطلع من هدومها من اللخبطة اللى
الحكومة معيشانا فيها .

لغوا الجنية ابو مدنة الله يرحموا وعملوا
جنية معدن حدادى...بس والله شكله شيك وآخر
جمال وإذا دخل مسابقة ملكات الجمال مع اليورو المعدن هايكسب...لكن طبعا هايكسب
بطريقة من برة هالله هالله ومن جوة يعلم الله .

الفارق بين الجنية المعدن واليورو المعدن زى
الفرق بين السما والارض .

عموما شعبنا الصبور رفض الجنية الحدادى
...ولازال يعيش الوهم الجميل ايام الجنية ابو مدنة ...واتحدى الدكتور يوسف غالى
وزير المالة لو قالى على بنك واحد فى مصر يقبل ياخد الجنية المعدن !!

العارف بالله سيدى فاروق العقدة محافظ البنك
المركزى اللى ربنا ساترها معاه لانه راجل طيب ربما لا يعرف ان بعض فروع البنوك
تفرض عمولة على اخد مبالغ كبيرة من العملات المعدنية ... يعنى مثلا 5% واحيانا 10%
ودى عمولة تواجهها شركات البنزين وشركات الغاز ومحلات الجملة وكل الشركات التى
تتعامل بالفكة ولان الناس تجد صعوبة فى التعامل مع الجنية الحدادى اصبح سائقو
التاكسى ومعظم الباعة يرفضون التعامل بها داخل الاسواق...ربما يكون وزنها الزايد
حبتين هو السبب...لاننا لو افترضنا ان واحد معاه 10 او 20 جنية حدادى... جيبة هايتخرم وساعتها هيروح
للترزى ويدفع له على الاقل حتة بخمسة مصححة ...الحل التانى انه يعمل خناقة مع
مراتة عشان تخيطلة البنطلون ...وتعالوا قابلونى لو فى واحدة بتعرف تمسك الابرة
والفتلة دلوقتى...ودى طبعا كلها حاجات الناس اصلا مش ناقصها . وبصراحة انا مش عارف
اية الحل ؟!

يا ريت نجرب الالومنيوم ...اهى اخف...او حتى
نعمل نفس العملة بس من فئة 2 جنية او 2.5... وخاصة ان فيه محلات كتيرة اوى بتبيع
كل حاجة (( باتنين ونص )) وبدل ما الواحد
يشيل عشر قطع ... يشيل 5 ... او حتى 4 ...والجنية نخلية اقل شوية فى الحجم والوزن
واهو كله فايدة .

وعموما انا لى راى تانى ...هو ان الدكتور
نظيف يصدر اوامره النهاردة ان مرتب كل من الدكتور يوسف غالى هو والدكتور فروق
العقدة يكون فكة ونشوف هايتصرفوا فيها ازاى وساعتها المية تكدب الغطاس !! ولو انى
عارف ان الدكتور غالى عويم كبير اوى !! لكن كل خوفى على الدكتور العقدة خاصة ان
الدكتور غالى ما هيصدق ينقذ نفسة وعموما لوا فشلوا فى تصريف مرتباتهم الفكة انا
مستعد اغيرها لهم وهاخد عمولة بلاش من المرتب لكن من الحوافز .

وفى حالة نجاحهم ممكن الدكتور نظيف يعمم
التجربة وتكون مرتبات الوزرا كلها فكة ... وصدقونى ساعتها الوزرا هيبقوا اكثر
شفافيها وقريبين من الناس وهاينزلوا الاسواق وممكن الناس تدعى لهم إن ربنا سبحانة
وتعالى يوفقهم فى عملهم .

وطبعا بينى وبينكم وماحدش يقولهم مافيش حد
هايدعلهم خالص

المدير العام

ايه ......... دنيا
مش عارف هايوصلونا فين بعد كدة
تقليد اعمى وقرارات بدون دراسات جدوى حقيقية
وخصوصا ان فية دلوقتي اشاعة مش متأكد من صحتها ان الجنية الفضة نسخة 2005 فيه نسبه عالية من الذهب وببتباع في الصاغة واقل سعر سمعته ان الجنية بيتبدل بخمسة جنية
والله اعلم يعني من كتر فلوسنا عاملين الجنية فضة

مشرف

مشرف

على فكرة يا مس جيرل

كدة ما ينفعش انك تردى من غير اى حاجة

مشرف

هو ايه اللي مش ينفع

مشرف

يعني يعطيك العافيه على الموضوع الرائع مش كفايه
عموما متاسفه
تسلم ايدك
تقبل مروري
مودتي

مشرف

مش قصدى

والله

يعنى يكون فى تفاعل

مش مجرد صورة وشر وخلاص

يكون فى مثلا ابدداء راى

تقولى نصيحة تشاركى فى الموضوع مثلا

» المزلة لغير الله مهانه لا اله الا الله محمد رسول الله
» صور الجنية المصرى من 1899الى 2009
» صور الجنية المصرى من عام 1899الى عام 2008
» حقيقة الصور المزعومه للرسول الله صلى الله عليه وسلم
» سجل حضورك اليومى (لا اله الا الله سيدنا محمد رسول الله)