انا اللى اخترعت "الميكروباز" ايوه انا ...

جغرافى نشيط

بس استنى ما تعملش بايدك كدة و تقول انى كداب و اسمعنى. ايوة انا اللى اخترعت

"الموكروباز"...... ايه بتقول مش عارف "الموكروباز" ده اللى بيقولو عليه فى الانجليزى

Microbus. الفكرة دى جاتنى لما كنت راكب البسكلتة بتاعتى. و البسكلتة بتاعتى دى مش

بسكلتة عادية دى بدركسيون و عمود فرامل على ايدك اليمين و مخدة عشان تسند ايدك

الشمال دة غير انها باربع عجلات و فيها من ورا مقعد صغير "بوكس" عشان لو حد عايز يقعد

معايا. وفى احد الايام كنت ماشى فى حتة اسمها "عزبة زنوبة"...... مش معقول مش عارف

دى كمان دى حتة موجودة فى "ميت كنانة" و لقيت راجل كبير قاللى ممكن توصلنى لحد "بر

العواطفية" قولتله اركب يا حاج و مشيت بيه بسرعة و فضلت اضرب غرز يمين و شمال و اتنطط

فى الطرق المكسرة و الراجل فضل يشتمنى و يقوللى:- تييييييييييييييييت ( الرقابة بايخة اوى

على فكرة ). صبرت عليه و وصلته لكن نتشت منه حتة بربع جنيه. عشان يحرم يشتم و الفكرة

عجبتنى و فضلت اكررها بالبسكلتة لغاية ما فى يوم ركب معايا واحد عفى و جسمه حديد

جيت اخد منه الربع جنيه ضربنى. صحابى شاروا على قالولى شيل معاك مطوة و اضرب دبوس

حشيش قبل ما تركب عشان ما حدش يفتح بقه معاك. عشان كدة اختراع الموكروباز مش بس

عربية بماكينة "تويوتا" لا دة عربية و مطوة و حشيش. كم جميل هذا الاختراع المركب بحق

السماء! المهم قررت ابيع البيسكلتة و اجيب عربية صفيح بماكينة تويوتا ووقفت فى عزبة زنوبة

و فضلت انادى و اقول "العواطفية... ترعة لطفى اخو زنوبة.... العواطفية.... العواطفية" و بكدة

شهد عام 1995 اول خط موكروباز فى التاريخ بين عزبة زنوبة و العواطفية. و الناس ركبت و كل

يوم كنت اعمل كدة و القرش بدا يدور ف ايدى زى ما العجل بيدور. لكن الحقدة.... احم احم.....

قصدى الحاقدين اعداء النجاح بوزوا مسيرة نجاحى. جم شوية بلطجية ضربونى ( رغم

الحشيش و المطوة ) وخدوا منى العربية...... ايوة بالضبط ام ماكينة تويوتا. و سمعت بعد كدة ان

الاختراع بتاعى عمموه و كل الناس بتستخدمه تحت اسم الموكروباز ( ماكنتش لسة سميته )

و محدش يعرف اسمه كدة ليه؟ انا بس اللى عارف تفتكر ليه..................... عارف البلطجبة

اللى ضربونى........... فاكرهم؟ اه هم دول........كان المعلم بتاعهم اسمه............ "عبد الحميد موكروباز"........!!!!!!!!!!!!!!!

مراقب عام

كل علقة واتنت طيب يا لبو حميد بس اية البلاد الغريبة دى دى موجودة فى مصر على العاموم ربنا يلهمك باختراع التوكتك الجديد بعجلتين اوك احنا بنهزر
رمضاان كرررررررررريم

مشرف

لا تعليق
انت كبير
انت سواق مشكله
ع جنب يا اسطى
هو ده بتاع الموكروباز
خد منى نص ريال
مع السلامه
فى الحلقه القادمه
فى برنامج
مين اللى اضرب فى الموكروباز

مشرف

جغرافى نشيط

حلوه حكايه الميكوبز دى

» سانتحر سأقفز لاننى اسوا الناس حظاً"""""""""""""""""""""""""
» بالصور ...""مراحل تكون الكتكوت داخل البيضه"" سبحان الله"
» الشعب المصرى الممتـاز .. تعالوا شـوفـوا"""""""""""""""""""
» اغنيه الامتحااااااااااااااااااااااااااااااااااااااااااان وصليت ايوه ايوه
» """""**صور من الشارع المصري عمرك ماهتشوفيها الا في مصر ... !!! **"""""