(بحس إنى بتوه وياك )

زائر

(بحس إنى بتوه وياك )

قالتها .. وضعت انا منّى

وزادت سكتى أشواك

وكان ردى .. وإيه يعنى !

قصايدى لما باشرحها

يقولوا إنها إنتِ

وعينك لما بلمحها

يزوّد سحرها صمتى

غرامك داب ف تكوينى

ونار بُعدك بتكوينى

ولو قرّبت من عينى

بحس انى باضيع منى

بحبك ؟ .. أه ما بنكرشى

واغير منّى على عيونك

هاغطيكِ أنا برمشى

واعيش بالحب مجنونك

عيونك غيروا حالى

صحاب حلّى وترحالى

ليلاتى يدوبوا فيّا

وخلّوا الحب موالى

يانورعينى .. وروح روحى

طبيبى إنتِ وجروحى

ويوم بالحب ما تبوحى

هاضيع يا منيتى منّى

دا لو كان البعاد قدرى

وأكون وحدى أنا بكره

يزيد من دمعتى صبرى

واعيش عمرى على الذكرى

ومهما الدنيا تبعدنا

وتبعد فى خطاوينا

هاعيش عمرى على عهودنا

وأحلامنا وأمانينا

ولو دارت بنا الأفلاك

هتفضل غنوتك لحنى

( بحس انى بتوه وياك )

واحس إنى باضيع منى

جغرافي اصيل

ايه الحلاوه دى
جميله جداااااااااا

زائر

مشكورة
على مرورك
رمضان كريم

جغرافى نشيط

تسلم ايدك يا فنان جامده جدا

زائر

مشكورين على مروركم جزاكم الله كل خير