حاجات هبله

زائر

احنا يا جماعه محتاجين وقفه

في حاجات هبله بنعملها كتير ومش حاسيين

مـثــــــــــــلا:

*ليه بعد ما نشرب كانز البيبسي ونخلصها نهز العلبه؟؟

>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!

*ليه اذا شفنا على حيطه او عامود نور عبارة: احترس من الدهان؟...مانصدقش ونجرب بأصابعنا؟؟..

>> يعني لازم يحلفوا ..؟؟!!

ليه لو كنت في خناقه مع حد وراح شتمك تقولوا.....انت بتشتم مين؟!!
هو في حد غيرك بيتخانق معاه

* ليه اذا كانت بطارية الريموت كنترول ضعيفه نضغط بقوووووه على الزراير؟؟؟؟

>>يعني هو كده هنشحن البطاريه؟؟!!!

*ليه اذا تأخر الاسانسير نضغط على الزرار ومنشلش ايدينا من عليه؟؟؟

>>يعني كده خلاص هيحس على دمه ونزلك اسرع

*ليه بنوطي صوت الكاسيت في السيارة اذا كان الطريق زحمه او لو تهنا؟؟؟

>>يعني كده الطريق هيفضى ولا هنعرف فين الطريق ؟

*ليه لما بنكون قاعدين في مكان عام ونسمع رنة مسج ولارنة موبايل على طووووول نشوف موبايلنا؟؟

عارف مثلا رنة موبايلك عشان كل ما واحد يرن تبص عندك؟؟ يعني انت مش

*ليه اذا لعبنا بلاي ستيشن (لعبة عربيات) نلف مع العربية
اذا تحرك يمين ويسار؟!!

كده مش هنخسر يعني!!!

* ليه إذا جينا نشكر واحد على موضوع حطه بالمنتدى نمد الحروف ونكتب

مشكوووووووووووووووووووووووووووووووووووووووور

<<< يكون كده شكرناه من القلب يعني ؟!!!

ليه لو ماشي في شارع وحد وراك بينادي علي واحد تاني خالص تبص وراك؟؟؟
خلاص ياعني بينادي عليك انت بس غلط في اسمك!!!!

المدير العام

تصدق ان الواحد فعلا بيعمل حركات هبلة وهو مش حاسس بان فيه حاجة غلط وعادي جدا
بس شكرا على التنبيه عشان الواحد بعد كدة ما يتصرفش بهبل تاني

مشرف

كلامك زى الفل

الف شكر ع موضوعك

مراقب عام

شكرا على موضوعك يا برنس
كل سنة وانتم طيبن

زائر

شكرا على مروركم
وجزاكم الله خير

جغرافى نشيط

لا ولا لما واحدة تشوف جوزها وتقوله
انت جيت يا حبيبي
يعنى هو اللي واقف دا العفريت بتاعه

ولما يبقي لسه صاحى تقوله
انت صحيت يا حبيبي
يعنى هو لسه بيحلم وهو بيكلمها

والله دا اكتر من الهبل

جغرافى نشيط

موضوع رائع تسلم ايدك

زائر

شكرا على مروركم

مراقب عام

هيا حجات هبلة ايوة
بس دى سعات بتكون من غير قصد وانت لو مدققتش فيها بتعدى ومحدش بياخد باله

مشرف

ليه
بنقول هديه مجانيه

يعنى
مفيش هديه بفلوس............!!

ليه
بتشعر ان نفسك فى عشر دقائق نوم كل يوم الصبح

يعنى
هى اللى هتخليك مصحصح.........!!

ليه
بتفتح فمك عند اطعام طفل صغير..........!!

ليه
الطالب قبل الامتحان بربع ساعه ماسك خمس مذكرات فى ايديه

يعنى
الامتياز هيضيع ماانت فين طول السنه