أخر صيحة كهرباء بلا أسلاك أو بطاريات

زائر

كهرباء بلا أسلاك أو بطاريات

يقول علماء امريكيون بمعهد ماساتشوستس للتكنولوجيا انهم ابتكروا نوعا جديدا من الكهرباء لا تنتقل عبر الاسلاك او البطاريات بل هي كهرباء لا سلكية تنتقل عبر الهواء والتقنية الجديدة تقوم علي فكرة‏'‏ الربط بالرنين المغناطيسي‏'‏ والتي تقوم بإرسال حقل مغناطيسي عبر الهواء بتردد معين بحيث يتمكن جهاز يمتلك قدرات خاصة من التقاطها وتحويلها إلي كهرباء‏,‏ وهي طريقة تعمل بشكل قريب من الصوت‏,‏ مثلما يقوم مغني أوبرا كسر الزجاج اذا ما غني من طبقة معينة‏.‏ إريك جيلر‏,‏ رئيس فريق البحث قال إن الكهرباء اللاسلكية قادرة علي إنارة لمبات المصابيح الكهربائية‏,‏ وان الأمر سيصبح طبيعيا تماما خلال خمس سنوات فقط واضاف ان الابتكار الجديد سيرفع من شعبية السيارات الكهربائية اضافة الي‏40‏ مليار بطارية يتم التخلص منها سنويا‏.‏

المدير العام

نفسي اشوف مصر بتعمل حاجة جديدة وابتكارات شكل دي
عاوز اشوف اسم مصر منور كدة صفحات الانترنت وتحته اسم عالم مصري يخترع ابتكار جديد يفيد العالم ,,,,
هل ممكن الحلم دة يتحقق

جغرافي اصيل

لالالالالالالالالالالا
اطلاقا
دا انت فى ايجبت

المدير العام

مع اعتذاري ليكي
لكن مالها ايجيبت دي
تختلف اية عن باقي العالم اللى بيشغل مخه
لو شغلنا مخنا صح نقدر نعمل زي ما الناس دول بيعملوا واكتر لان عقل المصريين معروف مخ نظيف ولما بيشتغل الكل ينحني امامه

جغرافى نشيط

بص يا عم احمد لو على العقل عندنا فى مصر ولله وبحلف عباقره كتير اوى بس محدش مهتم بيهم يعنى مثلا انا لو كنت اخترعت اختراع الكهربه اللا سلكيه دى ورحت اقدم الاخترام مش كانوا قالوا عليه مجنون عيب المصريين انهم مش عايزين يتقدمه لسه عايشين فى نظام عاملك عمل والدجل والشغل ده وانا نفسى بجد افتخر ببلدى

المدير العام

ماشي يا محمد انا معاك اوك ان مفيش حد مهتم بس نخليهم يهتموا ازاي
لما يكون واحد شكل مانت بتقول اخترع اختراع ومش لاقي اهتمام مش يسكت ولا يدور على حد تاني يااخد منه اختراعه
لا يصعد الموضوع , يبين انه مهتم جدا بالموضوع ولما يكون واحد واتني وتلاتة من العينة دي هايبقى نظر الناس متوجه للناحية دي ويبقى دافع ليهم انهم يهتموا
مش اني لما اعمل حاجة كويسة احط ايدي على خدي واوقول انا عملت اهو ومحدش مهتم واقعد ابكي على حظي المنيل
هيا كدة عاوزين البلد تتقدم يبقى احنا اللى نرفعها على كتافنا مش نستنى حد يطبطب علينا ويوقلنا كويس
...ولا انا بقول كلام غلط

جغرافى نشيط

يدور على حد من بره البلد بقا ياخده ويقدره وبعدين هيصعده ازاى والنبى يعنى افرض شخص عادى هو اللى اخترع حاجه هيعرف يعمل حاجه

مشرف