الصـورة دي مقلوبة ولازم نعدلـها..

زائر

الصـورة دي مقلوبة ولازم نعدلـها..

فتـاة تجلـس في حديقـة عامـة بجـوار حبيبها (المتكـئ وراقد في النجيلة) دون أي اعتبار أو احترام (للبنت القاعدة معاه دي)...

(يابت أتلمـي قومي أمشي ، الولد دا لو جاد معكى وبيحبك وبيحترمك ما كانش جابك حتة زي دي واتكأ ورقـد كمـان)

الصـورة دي مقلوبة ولازم نعدلهـا..

جـدو عجووز في أرذل العمـر .. خطوتين والقبـر.. لا يمل من معاكسة البنات ومضايقتهم في المواصلات العـامة .. نسى عمره وبياض شيبته ونسي ربـه ..

(يا جدو خاف ربنا .. زهقتنا وكرهتنا .. بعد دا حقو تمسك ليك سبحة وتقعد ليك في مصلاية .. المـوت قريب)

الصـورة دي مقلوبة ولازم نعدلـها..

شـاب في كامل صحته وعافيته وقواه الجسمانية والعقلية .. يبيع مناديل وبسكويت في الموقف العـام ..

(والله ياصاحبي الشغل ما عيب .. بس كمان اشتغل على قدر الصحة اللى اداك ليها ربنا .. ان شاءالله تـدك طـوب ولو ما بتعرف أتعلم ... بيع المناديل خليه للعيال الصغـار)

الصـورة دي مقلوبة ولازم نعدلـها..

ولد او بنت (ما فارقة كلهم بيعملوها) قضى الليل كله في الكلام في الهاتف والشات والحب وعندما أذن الفجر (يالسرير...جرالبطانية ونااام]

والصلاة؟؟

الصـورة دي مقلوبة ولازم نعدلـها..

فتـاة لونت وجها بكل لون صارخ .. ناسية لونها (الاخدراني) وناسية شمس الله المحرقة (الـلى حتسيل ليها الالوان دي بعد شوية وتخليها زي لوحة مائية لم تنشف بعد) وخرجت الى الشارع العام بعد ان سكبت عليها (باقي زجاجة العطر) وارتدت كل ما ضاق حجمه (وشز) لونه ..

(يا أختي العزيزة والأنا عاوزة مصلحتها .. الاناقة في الحشمـة والبسـاطة)

الصـورة دي مقلوبة ولازم نعدلـها..

صغيــر ووسيـم وكلامه زي العسـل وحيجي يخطبني بعد ميكون نفسه .. ياربي البنت دي غبيانة كدا ولا واحد قال ليها انتي الضحية رقم(عشرمية)

صورة متوفرة بكثـرة .. واحد مفشوش او واحدة مغشوشة .. شاكووووووووووش يعني

الصـورة دي مقلوبة ولازم نعدلـها..

شبـاب يقتلون الوقت بالجلوس تحت الاشجار (وجنب الدكان) لا هم لهم سوى مراقبة المارة والكوتشينة والضحك بصوت عالي...

(اقعد زي ما انت عاوز بس غض بصرك ورد السلام واحترم نفسك والاخرين ... ولا اقول ليك القاعد ليها شنو .. قوم امشي اشتفيد من وقتك وشبابك)

الصـورة دي مقلوبة ولازم نعدلـها..

الصـورة دي مقلوبة ولازم نعدلـها.. 793662390

__________________

الصـورة دي مقلوبة ولازم نعدلـها.. %D9%83%D8%A7%D8%B1%D9%8A%D9%83%D8%A7%D8%AA%D9%8A%D8%B1+6+%D8%A7%D8%A8%D8%B1%D9%8A%D9%84

i love EGYPT

جغرافي اصيل

والله عندك حق
الدنيا كلها مقلوبه وعايزه تتعدل