ارجو دخول رئيس المنتدى احمد يونس للاهمية القصوى

جغرافى نشيط

بسم الله الرحمن الرحيم
كل سنة وانتة طيب يا احمد يا يونس

احمد انا عايز اكلمك بخصوص المنتدى شوية ؟ الاول المشرفين اللى هنا اقلية اى نعم هما كويسين وبيفيدوا المنتدى بس مش كلهم يعنى مثلا مشرف ذى miro09
يستحيل يكون مشرف انا قليل جدا اما الاقى لية؟ مواضيع وكمان انا شايف انة مش شغال ومش شايف شغلة وكمان اللى يبقى مشرف يا احمد تحطة على الترحيب والمناسبات والالعاب والمسابقات والمنتدى الترفيهى انا عايز المشرف يبقى على قسم لوحدة وكمان عيسى موجود مشرف على

المنتدى العام

النقاش العام

المنتدى الثقافى

المنتدى الادبى

التنمية اليشرية

المنتدى التقنى

المنتدى الرياضى

انا مش بقول ان عيسى قليل وكل حاجة؟ لا عيسى انسان كفاءة وصديق عمرى بس على ما اظن لو عيسى مشرف على منتدى معين هيبدع فية؟ احسن من اما يبقى مشرف على منتديات كتير اوى كدة؟ وكمان يا يونس فى ناس هنا كتير تستحق انها تكون مشرفين يعنى ؟ مثلا نور عينى دى كويسة وتستحق انها تكون مشرفة وكمان سوما دى ممكن تكون مشرفة لان مواضيعها حلو وبتبذل مجهود رائع وايمو بالرغم من انها قطعت مرة واحدة بس كانت ليها مجهود وشغل فى المنتدى ورجعت تانى وبتعمل نشاط تانى اهة؟ وكمان بقى؟ نشوف واحد ذى معتز نجيب الراجل دة بردك كويس وبيتعب بس هوة فية عيب انة فى كل رد على اى موضوع يحط صورة فى كل رد علشان المساهمات والمشاركات بتاعتة تكتر دة عيب ولازم نعرفة اننا ملاحظين وفاهمين كل دة علشان يبطل يعمل كدة يا عم يونس فى منتديات تانية؟ كتير انجح مننا دة احنا المفروض فى قسم واحد احمد شوف المنتدى بتاع رابطة المساحة والخرائط كدة كل مشرف على منتدى خاص يعنى هوة مخصص بحاجة بعينهااااا وكمان شوف بقى لو مثلا نور عينى بقت مشرفة نقولها تخلى اصدقائهااا من الكلية اللى بيدخلوا نت يدخلوا على الموقع وبالمثل سوما تبقى مشرفة تجيب اصحابها بردك تدخل وبالمثل ايمووو تجيب اصدقااائها اكيد فى اصدقائها بيخلوا نت يا يونس اللى عايز اوصلهولك بكل دة احنا ممكن نطلع بحاجة كويسة وهية ان احنا نقول للدكاترة المنتدى دة ويدخلوا علية؟ وكمان انا شايف ان المواضيع الترفيهية اكتر من الواضيع التعليمية واللى تفيدنااا وكمان مفيش تواصل بين الاعضـاء هنااا خالص يعنى احنا لازم فعلا نعمل مقابلة كدة ونختار فعلا ذى ما قولتلك كل مشرف او نعمل هنا رحلة البحث عن مشرفين ونختار ناس ذى ما قولتلك

علشان كدة يا يونس لازم نعمل رحلة بحث عن مشرفين واللى يشوف نفسة عايز يبقى مشرف واد انة يهتم ويتابع ويهدف ويطمح ان المنتدى دة يكون ناجح يكتب اسمة

ملحوظة لن يتم اختيار ولا قبول اى مشرف غير لما احمد يونس يدخل المنتدى ويوافق وهوة اللى يحط الاعضاء كمان انا اللى لاحظتة فى المنتدى كتبتة يا رب بس يونس يدخل ويفهم قصدى وشكراااا

المدير العام

الرسالة وصلت يا احمد
والرد موجود ان شاء الله...
يتبع....

جغرافى نشيط

وعندك ابو الهوا دة انسان كفاءة والله وانا شايف انة لو دخل بردك ومسك مشرف هيثبت نفسة

هدفنااا تقدم وجعل منتدانا فى القمة ان شاء الله

المدير العام

اولا: بخصوص miro09 في موضوع طلب الاشراف هو طلب الاشراف وحدد الاقسام اللى هو عاوز يشرف عليها وقال انه بيدخل المنتدى كتير ويقدر يتولى مسئولية الاشراف
اما بالنسة لموضوع الاشراف عى اقسام كتير فهذا لوجود صلاحيات لنقل المواضيع الموجود فى قسمة الى الاقسام الاخرى لانه يمتلك بهذ صلاحيات اكثر اما لو كان مشرف على منتدي واحد فقط كالمنتدى العام فانه لا يسطيع الا تغيير اسم الموضوع او حذف المساهمات الغير مقبولة
وعيسى كان طلب الاشراف على المنتدى العام فحطيتة مشرف على المنتدى العام والنقاش و..... ودة كلة ينطرح تحت بند المنتديات العامة وكذلك ليكون لدية الحرية الكاملة فى هذة المنتديات وله الحرية فى الاشراف على منتدى واحد فقط منهم ايضا اذا اراد ذلك .
اما عن موضوع الاعضاء النشطين ووضعهم في الاشراف فهذا يرجع لاختيارهم لان المشرف لابد ان يكون قادر على تولى هذة المسئولية وموضوع مطلوب مشرفين لجميع اقسام المنتدى في المنتديات الادارية تم وضع الشروط واحنا بنرحب باى شخص يحب يساعدنا فى مهمة الاشراف.
وبخصوص معتز انا قلتله ونبهته على موضوع الصور ووعدني انه بعد كدة هايحاول انه يقلل من الموضوع دة واكيد ميزو قد كلمته
اما ما يتعلق بكثرة المواضيع الترفيهية وسطوها على المواضيع التعليمية فيرجع لاسباب منها:
*ان الاعضاء فى الاجازة لا يريدوا ان يطلعوا على مواضيع علمية
*اذا حدث وتم كتابة موضوع علمي فلا تجد التجاوب كما تجده فى المواضيع الترفيهية
اتمنى من جميع الاعضاء ان يحاولوا معنا لنرفع من شأن المنتدى

جغرافى نشيط

يا احمد المنتدى اسمة المنتدى الرسمى لطلبة قسم الجغرافيا وانا ملاحظ ان معظم الاعضاء بتكتب مواضيع خارجة عن الجغرافيااا طيب بلاش يا عم النقظة دى الدراسة جاية مين بقى اللى هيهتم بالفرقة الاولى والتانية ومين اللى هيرفع محاضراتهااا انا عايزك تشوف بس المنتديات التانية ظاهرة كل واحد على قسم دى احسن من العمومية اللى موجودة هنا دى ارجوك غيرها يا احمد والله وهتلاقى روح التقدم والله فى المنتدى

المدير العام

اوك
بينا نبدا من هنا في الموضع دة
يا ريت الناس الموجودة ومتابعة الموضوع تكتب 11111

مشرف

زى ما قولتلك يا احمد
لازم نتقابل فى الكلية ونعمل ورشة عمل
اما بالنسبة للمواضيع الترفيهية
والعلمية
فا تقريبا ان مافيش حد متابع المواضيع العلمية قد كدة

فلازم نشوف حاجة نشجع بيها الاعاضاء انهميدخلوا عليها

ولازم نبدا بنفسنا الاول

جغرافى نشيط

م/احمد صلاح كتب:: يا احمد المنتدى اسمة المنتدى الرسمى لطلبة قسم الجغرافيا وانا ملاحظ ان معظم الاعضاء بتكتب مواضيع خارجة عن الجغرافيااا طيب بلاش يا عم النقظة دى الدراسة جاية مين بقى اللى هيهتم بالفرقة الاولى والتانية ومين اللى هيرفع محاضراتهااا انا عايزك تشوف بس المنتديات التانية ظاهرة كل واحد على قسم دى احسن من العمومية اللى موجودة هنا دى ارجوك غيرها يا احمد والله وهتلاقى روح التقدم والله فى المنتدى

اولا كلامك كويس و عندك حق بالنسبة للمواضيع الكتير الى ملهاش لزمة
اما بالنسبة لموضوع الفرقة الاولى فا انا باذن الله ملزومة بية و كمان انا كتبت المحاضرات بتاعة الاسبوع الى فات
و لو شوفتنى قصرت فى حاجة يبقا ليك كلام عندى
لكن متقولش الكلام دا و احنا لسة فى اول السنة و مكملناش شهر
الكلام دا تقولة ليا انا و المشرف التانى بتاع الفرقة التانية الى هو شيتوس
و كمان اكيد انت شايف ان انا و شيتوس منزلين المحاضرات يعنى مقصرناش فى حاجة

و لكم جزيل الشكر

جغرافى نشيط

فى غاية الاسف لاحمد صلاح لان مختش بالى بجد من تاريخ الموضوع
[ربنا يسامح بقا الى نشط الموضوع تانىو انا عرفاة بس ربنا يسمحة بقا
المهم انا بقدم اعتزارى لاحمد صلاح قدمكم