ما تيجى نبقى صحاب

جغرافى نشيط

فتن فتن فتن

في كل حتة

و متنوعة ما بين الملتزم و إلي بيبدأ يلتزم و إلي لسة

فالصحبة خير معين للمواجهة

طيب نذكر مثال

هنبدأ بالبنات

و إحنا داخلين أهو على الجامعة

الواحدة تكون داخلة في أمان الله و لا ليها و لا عليها

تتصاحب على واحدة الواحدة ديه سألت واحد على سؤال بما إن البنات شحيين في السوق

تلاقيها تقولك زميلنا في المدرج

ماشي نعدي

فجأة و إنتي رايحة المحاضرة و طبعا الصلاة هتضيع المحاضرة

فالصلاة يا إما هنأخرها يا إما نجمعها

أصلها ضرورة

دخلت المحاضرة المكان زحمة

خلاص أتزنق في أي مكان

تلاقيكي قعدتي جنب شاب

معلش برده ضرورة

قاعدة و لا ليكي و لا عليكي

لقيتي فجأة واحد رخم عمال يبصلك

كل شوية

معلش النهاردة سماح يمكن مش قصده

الموضوع كل يوم بيتكرر

ده شكله معجب

و إحنا طبعا الناس هرينا كلام عن العنوسة

فبقا الواحد ماشي يقول

يا رب عريس

فبيلاقي واحد أدامه كده

فطبعا القلب بيميل شوية شويتين

يحس هو يبدأ يتقل

و تبدأ المشاكل و البص و العياط

أو هو يتكلم

و تبدأ الذنوب و القاعدة على الإرصفة

هنبدأ نتغير لازم شكلي يبقى شيك

تقصري الطرحة شوية شوية

عشان بس المظاهر

دخلنا في دوامة الفتن و التنازلات عشان كده بقول الصحبة الصالحة هي الفانوس لينا

بمجرد إن مشكلة بتحصل بيكون في حد بيوجهك

و بتبدئي تتبعي الكلام لحد ما ربنا بيسلم

أما لو مشيتي بدماغك

فتلاقي نفسك وقعتي و يمكن تتوهي زي ما الناس تايهة

جغرافى نشيط

[b]طيب الشباب بقى ايه الى ..بيحصل.........[/b]

الولد و هو داخل الجامعة بيكون أبيض

لسة طالع من الثانوية العامة و المذاكرة و الدروس

فرحان بالجامعة حاسس إنه هيبقى حاجة كبيرة

أول يوم في الجامعة

يروح يجري على المحاضرة

أصله عاوز يقعد في البنج الأول

إيه ده الأذان بيأذن

بعد المحاضرة إن شاء الله

أصلها ضرورة

يدخل يقعد في صفوف الشباب زي ما هو متعود بعييييد عن البنات

أصله متربي على إن البنات في حتة و الشباب في حتة

و هو قاعد إتعرف على زمايله منهم واحد روش

عامل فيها جهبذ الجهابذة

متخصص رد على أسئلة البنات

طبعا صاحبنا الكويس يقول في نفسه

إيه الواد الفارغ ده

و من جواه مش طايقه

مش ده إلي متربي عليه

صحبنا قاعد في أمان الله و هداه بيذاكر قبل المحاضرة

إذا و تلاقي مجموعة من البنات ذوات الصوت العالي و الضحكات الرنانة

ترن في ودنه يبص كده

يلاقي بنات عملين في نفسهم البدع

يتنح شوية من هول المنظر

و بعدين يقول

بنات آخر زمن الله يحفظك يا أختي

و يسيب المنظر في قلبه علامة

تنبيه بوجود بنات حواليه

آآآآآآآآآآه ياااااااااااانا

ما أنا كنت قاعد مستريح و ماسك كتابي و قاعد أذكر

و يبدأ صاحبه الروش بكلامه معاه و البنات إلي كل يوم يشوفهم

يأثروا فيه شوية

لحد و هو قاعد كده و لا ليه و لا عليه

يلاقي بنت زيه كويسة و مؤدبة و أمورة

يبدأ هو يحس بحاجة من ناحيتها

دا كل يوم يشوفها

دا هي إلي كنت بدور عليها

يبدأ وشه يبان عليه من حركاته و نظراته ليها من بعيد لبعيد

البنت برده تلاحظ

و يمكن تميل ليه شوية

يجي فجأة يفتكر صاحبنا

إنه طالب و لسة بياخد مصروفه و لا معاه و لا مليم

بس إفتكر أما وقع في الفتنة ديه

مش أدامه غير حلين

يا إمايروح يصارحها و يقولها تستناه 6 سنين لحد أما يشتغل و يكون نفسه

يا إما يسكت و يفضل أسير الأحزان

و كل ما يسمع أغنية يعيط و الحاجات الغريبة ديه

و يبدأ عاوز يطلع من الهم ده

و يشوف صاحبه الهايص

و يبدأ يفكر إن يمكن عشان مش بيعرف بنات

فمخليه ضعيف كده

و يبدأ يتغير شوية ليه ميتعودش إن أتكلم مع البنات عادي

و يكون ليه زميلات

يرجع لصاحبه الروش إلي مكنش طايقه

يلزق فيه شوية عشان يتعرف

عشان أصلا هو مبيعرفش يتعرف على البنات

و بعد أما كان أما يشوف بنت بيبص في الأرض أو من تحت لتحت

بقى عينه تدب فيها رصاصة

و بدل ما كان بيجيب الكتب عشان يذاكر

بقى يجي بقلم وورقة حطيتهم في جيبه

و يبدأ يقتنع بإن إلي بيذاكر زي إلي مبيذاكرش

بقى عاوز يكون إستايل لزوووم المنظرة

أخونا ده سعات يحس إنه عاوز يرجع أبيض زي الأول

بس مش قادر لوحده

مرة يكون كويس و يحاول يصلح في نفسه و مرة يرجع تاني

تايه في الطريق زي ما الناس تايهة

عارفين لو ليه صاحب صالح

كان ساعده

يلا بينا نصلي

متبصش على حد إنت لسة طالب

ركز في مستقبلك

جغرافى نشيط

الاستنتاج

إن الحياة مليااااااااااااااااااانة فتن

و ديه حقيقة أكدها القرآن

((احسب الناس ان يتركوا ان يقولوا امنا وهم لا يفتنون ))

و التنازل بيجيب تنازل

و لو رجلك وقعت في فتنة منهم من غير ما يكون حد معاك

ممكن تقع في دين ربنا و في كل حاجة

************************************

عشان كده لازم تلازم حد يفوقك بإستمرار

إسأل على طول في أي حاجة شاكك إنها ممكن توقعك

و بما إن الصاحب الصالح إلي موجود جنبك طول الوقت

قليل اليومين دول

أو ممكن تلاقي إنك لوحدك في الطريق

إنت في ناحية و الناس إلي حواليك في ناحية تانية

ده ممكن

قال تعالى

((وما اكثر الناس ولو حرصت بمؤمنين ))

((ولقد اضل منكم جبلا كثيرا افلم تكونوا تعقلون ))

عشان كده

عملنا الموضوع ده

تجمع لأعضاء كلهم

إلي محتاج للنصيحة و إلي ربنا رزقه الثبات

هنتناقش فيه في موضوعات كتيييييييرة أوي

مش أنا إلي هتكلم كلنا هنتكلم

كلنا هنتقابل في الموضوع ده

بعد أما يرجع الواحد من شغله أو جامعته

يجي هنا يعمل رفريش للثبات إلي عنده

بجد يا جماعة

انا عن نفسي ساعات بعمل كده وبتكلم مع اصحابى الصح

و
بحس إني برجع تاني

مع إن ممكن الكلام إلي بيقولوه عارفاه

بس برده ببقى محتاجة حد يسمعني تاني حد يبقى معايا

و ميزتنا إن كلنا زي بعض

هدفنا واحد عاوزين النجاة

كمان إلي هيحصله مشكلة في يومه

يجري يقولنا بسرعة سواء عاوز يقول بإسمه أو بعضوية إهدنا الصراط

حتى لو بنتناقش في موضوع تاني خالص

يسمع مننا كلنا رأينا أعضاء المشتاقين للجنة بدون إستثناء إن شاء الله و بعدين نرجع لموضوعنا

جغرافى نشيط

ربنا يوفقك ويثبتك ويثبتنا على الطريق المستقيم
اللهم امين

جغرافى نشيط

جزاك الله خيرا على مرورك

جغرافى نشيط

موضوع اكثر من رائع يا أمه الله وهو دا فعلا الواقع واللى بيحصل .

جزاكى الله خيرا وثبتنى الله واياكى.

مشرف

الله المستعان

مشرف

زائر

جزاك الله كل خير

جغرافى نشيط

ربنا يكرمكوا يارب
ويهدينى ويهديكوا
وجزاكم الله خيرا على المرور

جغرافى فعال

اللهم اهدى بنات وشباب المسلمين جميعا ويصلح حالهم اللهم ثبتنا ع ديننا وقوى إيمانا
تسلم يداكى

جغرافى نشيط

موضوع جميل جدااااااااااااااااا

جغرافي اصيل

بجد بجد والله موضوع جميل
فين مواضيعك الجميله دى من زمان
بس

المشكله اننا كلنا فى غفله
ربنا يهدينا جميعا ويهدى شباب وبنات المسلمين

» سوفــ نبقى هنا
» اظن زهقنا من الامتحاناتعاوزين نفرح او نضحك شويه بقى ما تيجى نضحك شويه او شويتين او ربما 3