قهوة الجغرافيين .... اتكلم فى اى حاجه وكل حاجه

جغرافى نشيط

قهوة الجغرافيين

********************
قهوة الجغرافيين هى قهوة بلدى

يعنى لا كافيه ولا كافتيرا ولا الكلام الفافى ده

لا قهوة بلدى بلدى اوى اوى اوى
هنا اى حد عاوز يتكلم فى اى حاجة
ويقول اى حاجه
ويشرب اى حاجه
كل المشروبات متوفرة

ماعدا المحرم دوليا طبعا

سمعت خبر فى النشرة

عرفت نتيجه مباراه

سمعت نكته جديدة

لو كنت متجوز ومراتك مشبشبالك وعاوز تهرب شويه

لو كنت بتحب وحبيبتك خنقاك بتصرفاتها وعاوز تفك بكلمتين حد

زى حالاتى ورجل حر نفسك وبتحب اللمه الحلوة

اى حاجه عاوز تعملها اكيد هتعملها هنا

فى قهوة الجغرافيين

نبتدى ونقول صباح الخير على الجدعان

ونزلى شاى بالنعناع على ميه بيضا يا جدع

ملحوظة :: مطلوب عمال فى القهوة

لو نيلك يا مصر صلصه....مش هتكفى الكوسه اللى فيكى santa

جغرافى نشيط

ههههههههههههه ايه يا مان مفيش شيشه ولا ايه Very Happy

موضوعك جميل اوى وهيلاقى اقبال عليه بس بلاش شاى بالنعناع هههههههه

جغرافي اصيل

قصدك شاى بالياسمين هههههههههههههههههههه

جغرافى فعال

يا مساااااااااااااااء النعناع علي احلي صحبه
ازيكووووووووووو وايه الموضوع الجميل ده بجد موضوع جميل جدا علشان هيجمعنا كلنا
بس كان عندي طلب ياريت قسم مخصص للستات في القهوه هههههههه
ومادم دي قهوه بلدي اقولك تقعدو بالعافيه علي رأي سيد ابو خفيظه Razz

جغرافى نشيط

هههههههههههههههههه بنقول قهوه بلدى مش حمام بلدى وبعدين مادام انتى دخلتى القهوه تبقى لازم تقعدى مع الرجاله يا ايه

جغرافى فعال

محمد انت في سنه تالته صح
ايه اخبار النتيجه انا دمي نشف مش عارفه اتاخرت ليه اكيد بيرفعو فينا
والحمد للله الدفعه بتاعتنا بسم الله مشاااااااااء الله كلها داكاتره
مفيش غيرها البحار والمحيطات هي اللي مش بتنجح حد يارب نعدي من تحت ايدها

جغرافى نشيط

والله يا ايه انا سالت على النتيجه وقالوا لسه منزلتش وعلى فكره انا مش فرقه تالته انا لسه للاسف فرقه اولى يمكن ردى ده هيزعلك بس انا على فكره يوم اما انتى اتكلمتى على النتيجه سالت عليها وكانت لسه منزلتش انا متابع ولو لاقيت النتيجه مع حد من الفراشين هجبهالك اوهقولك اوك ويا رب ينحجك يا ايه وتجيبى التقدير اللى انت عاوزاه

جغرافى فعال

انت في سنه اولي يا محمد
طيب كويس انا اقدر اساعدك في اي حاجه انت بس اطلب اللي انت عايزه وانا اجيبهولك ومتخفش سنه اولي احلي سنه وسهله جدا

المدير العام

ههههههههههههههههه
ومعاك اربعة شاى حليب سكر زيادة وخمسة كوكتيل علشان القعدة الحلو دى يا جدع
احلى قاعدة لاحلى اعضاء
توبيك رااائع يا ابو حميد
وانا مش هاقعد غير فى القهوة دى
وطلبات الزباين كلها عندى
santa

جغرافي اصيل

ادام الطلبات عندك اطلبلنى العشاء

جغرافى نشيط

متشكر يا ايه والله انتم اجدع اصحاب من غير اما اشوفكم بنساعد بعض كده وتحس اننا نعرف بعض من زمان انا اول متقف قدامه مشكله هاجى اقولك عليها على طول وشكرا مره تانيه
cheers

زائر

جميل والله يا شباب
وكويس اننا نعرف بعض اكتر ونبق ايد واحده بس عاوزين يبق المنتدي تعليمي اكتر ما هو ترفيهي

جغرافى نشيط

لازم يكون المنتدى تعليمى وترفيهى عشان منزهقش منه

المدير العام

رش شوية ماية قدام القهوة يابو حميد علشان العفرة بس وحياة والدك
كحكحكح
:P:P:P:P:P:P:P:P:P:P:P:P

زائر

رشو مية وقهوة ادام الشاي يا خفيف

» اتكلم 6 ساعات من غير ما رصيدك ينقص!!!!
» قهوة على العلاّقة !!!
» ماذا يحدث لو وقعت حشرة في فنجان قهوة ؟؟؟
» حاجه تقطع القلب
» مفاهيم و مصطلحات الجغرافيا مهمة لكل الجغرافيين