لو سمحت يا بية هيا السلبيات دى كلها ليه

مراقب عام

ازيكم يا شباب و يا بنات عاملين ايه ؟ يارب تكونوا بخير

بصراحة انا كنت بتردد كل يوم اني انزل الموضوع دا ولا لآ
بس بصراحة الواحد خلاص فاضت بيه بجد

طبعاً
كلنا شايفين ان مصر بسم الله ما شاء الله كل يوم سلبياتها بتزيد عن اليوم
اللي كان قبله و للأسف الناس مش عارفه تحس باللي بيحصل فى البلد من مشاكل
و امراض و نزاعات و كل حاجه .

انا لاحظت بعض السلبيات اللي اغلبية الناس فاكرة انها ايجابيات و ان دى حاجه كويسة ..

1- الإزدحام و وسائل المواصلات

لما
تكون واقف فى اشراة مرور او دخلت ف شارع كله زحمة و العربيات كلها مزنقة
فى بعضها ومفيش اى حركة خالص ، تبص تلاقى كذا واحد داخل ورا العربيات دى و
يقوموا حاطين ايديهم ع الكلاكس و هاتك يا تزمير وطبعاً كلنا عارفين عربيات
مصر عامله ازاي من ناحيه الكلاكسات و كمان مفيش حد مش بيتوصى بعوادم
السيارات و كل فرد من الشعب لازم ياخد نصيبه من الدخان المتصاد من السيارة
، المشكلة بقى ان الناس دى معتقدة ان باللي هما بيعملوه دا الزحمة هاتروح
و ان الطريق هايمشى عادى و ان كل العربيات الكتيرة اللى واقفة دى هاتمشى و
ان الطريق هايتفتح و يبقى تمام ، للأسف الناس دى مش فاهمة اى حاجه خالص
اصل هما كده كده هايفضلوا واقفين و منتظرين الطريق لما يتفتح يبقى ايه
لازمة التزمير ووجع الدماغ والضوضاء دى كلها ايه لازمة كل اللى هما
بيعملوه دا ؟

ماتخافوش كله هايتفرج

2- الرشاوى وطرق الكسب الغير مشروعة ( شخ شخ جيبك يا استاذ )

طبعاً محدش تايه عن الرشاوي و عن الحاجات دىكلها ، اظن ان دى برضه تعتبر من اكبر و اخطر السلبيات لدينا ،
يعنى ايه رشوة او يعني ايه شخ شخ جيبك يا استاذ
الرشوة دى هى فى أغلبية الاحوال قيمة مادية تعطي لآى مسئول مش بيراعى ربنا فى لقمة عيشه و شغله و اهلة و عياله ولا اى حاجه تانية .
كل
ما عليه هو ان يأخد هذه القيمة من شخص ما لكي يقضى له مصلحته او يقوم ببعض
التسهيلات لإنجاز بعض الأعمال التي ستستغرق الكثير من الوقت ،
دلوقتى
الرشاوي و الاختلاسات بقت حاجه عادية كده عيني عينك معتش فى حياء معتش فى
خجل معتش فى خوف من ربنا معتش فى احترام للنفس معتش فى ايمان معتش فى دين
ولا رحمة ، دلوقتى اللي يعرف يجنى اموال كثيرة فى لمح البصر سيصبح من اشهر
الرجال و احبهم وطبعاً كل دا كله مش علشان جماله لآ طبعاً دا علشان فلوسه
اللى جناها بطرق غير شرعية و بطرق لا ترضى الله ولا دين الاسلام ، وطبعاً
كلنا عارفين ان اى حد بيبق معاه فلوس كثيرة دايماً بنلاقى ان فى ناس كثيرة
اووى قريبة منه و فى ناس بتحاول انها تقرب منه اكتر و اكتر و طبعاً الهدف
من دا كله هو جني المال من ورا الراجل دا ( و ما بنى علي باطل فهو باطل )( افعل ما شئت فا كما تـُدين تدان )

كفاية كده و اسيب الصورة تكمل الكلام بقى

و
الله يا جماعة لو قعدنا من دلوقتى للسنة الجاية نتكلموا ع السلبيات دى مش
هانخلصوا لآن البلد بتاعتنا دى من السهل انك تسمع منها كلام و من اصعب
الامور انك تشوف منها أى خطوة ايجابية واحدة

و دي بعض الحاجات اللى قدرت اتكلم عليها و ان شاء الله لنا لقاء آخر مع سلبيات جديدة .

جغرافى نشيط

بشكرك على اظهار السلبيات
بس فى حاجه ان هو دا الواقع اللى بنعيشه
ومستحيل تغير اى شىء فيه
وان كان عن الرشاوى فدى حاجه موجودة من فتره طويل وتقريبا قبل
ظهور مشكلات الزحمه فى وسائل النقل
والرشوه دى مشكله الانسان لانه مش عارف حاجه ومش عارف عقابها وبيكون غظب عنه
لان لو المجتمع اداله حقه اثناء الوظيفه فمن المستحيل انه يلتفت للرشوه

مراقب عام

دا لووووووووووووووووووووووووو
زى مقولتى
دا انتى دلوقتى لو رايحة تشربى من محل فى الشارع ممكن يقولك بكام
والله حرام

جغرافي اصيل

رايت الناس قد مالوا ... الى من عنده مال

و من لا عنده مال ... فعنه الناس قد مالوا

ر ايت الناس قد ذهبوا ... الى من عنده الذهب

و من لا عنده ذهب ... فعنه الناس قد ذهبوا

رايت الناس منفضة ... الى من عنده فضة

و من لا عنده فضة ... فعنه الناس منفضة

مراقب عام

مشكورة يا نور عينى
نورتى التوبيك
جزاكى الله خيرا

جغرافى نشيط

ان الله لا يغير ما بقوم حتى يغيروا ما بأنفسهم

مراقب عام

اقتباس :: ان الله لا يغير ما بقوم حتى يغيروا ما بأنفسهم

لو سمحت يا بية هيا السلبيات دى كلها ليه 340-bless

نورت التوبيك

جغرافى نشيط

طب و الله بعيد عن ان الموضوع حلو
بس الصور اجمد

مشرف

اولا :-
شوف العربيات واقفة ورا بعض ازاى قمة العمل الهندسى منظر رائع وشوف فى مسافة بين كل عربية والتانية
ثانيا :-
الراجل اللى سايق يبقى ابن عم العسكرى وبيسلم علية لو عملت زووم هاتشوفهم بيسلموا على بعض لية نفهم غلط خودوا الناحية الايجابية

مشرف

هههههههههههههههههههههههههههه

خفيف يا جوست

بس كدة

يبقى انت اكيد فى مصر

مشرف

الله يخليك يا محمد

مراقب عام

جغرافى فعال

موضوع جميل وهي دي مصر فعلا بس اكيد فيها حاجات حلوة

وياريت ماحدش ينظر للسلبيات بس زي ما بنشوف السلبيات اكيد في ايجابيات ولازم نبص عليها عشان الواحد يبقي عندة تفائل في الدنيا وماتبقاش كلها تشائم في تشائم