محاضرات الدكتور محمد الغلبان

مشرف

تذكير بمساهمة فاتح الموضوع :

المفروض ان الدكتور محمد يدينا جغرافيا بشرية بس المحاضرة كانت كلها جغرافيا طبيعية
فى البداية قالنا يعنى اية جغرافيا وان هى اى ظاهرة تتعلق بالانسان وحاجات كدة وبعدين قلنا الجغرافيا الطبيعية بتتكون من شوية حاجات زى مظاهر السطح من جبال وصخور وطقس ومناخ وشرح انا الطقس مدته 24ساعة بينما المناخ يمتد لفترة طويلة وبعدين كلمنا عن نوعين من التضاريس تضاريس موجبة اللى هى تعلو مستوى سطح البحر زى الجبال والهضاب والسهول واى حاجة فوق مستوى سطح البحروتضاريس سالبة اللى هى تنخفض عن مستوى سطح البحر زى المنخفضات وبحيرة قارون وبعدين ادانا حاجات ليها علاقة بالمساحات وقلنا ان الفدان 4200متر مربع وان القيراط 175 متر مربع وان مساحة الكرة الارضية 510مليون متر مربع يشغل اليابس 27فى المية والماء 73فى المية وان نسبة المياة الملحة 99 فى المية والعذبة 1 فى المية واتكلم عن التربة تربة رملية وتربة صلصالية وتربة صخرية وقال ان المحيطات مرتبطة ببعض وان اكبر محيط هو المحيط الهادى وعمقة 11كيلو متر وهو بيمتد من نصف الكرة الشرقى حتى نصف الكرة الغربى واتكلم عن خط الاستواء وانه بيفصل العالم الى نصفين نصف الكرة الشمالى ونصف الكرة الجنوبى وخط الصفر اللى هو خط جرينتش اللى فى قرية جرينتش فى انجلترا بيقسم العالم الى دول نصف الكرة الشرقى ونصف الكرة الغربى وكلمنا عن طرق الرى فى مصر رى بالغمر اللى هو بتاع الماكينات اللى بترش الارض ورش بالتنقيط اللى فى الاماكن اللى مافيهاش مياة كتير وحاجات تانية عبارة عن معلومات عامة
معلش هى المحاضرة ملخبطة شوية بس هو الدكتور دخل فى اكتر من موضوع ودة اللى انا استوعبته لو فى حاجة ناقصة الزمايل تكمل

مشرف

واانا روحت فين يعنى

مشرف

تمام ساعتك
بس المحاضرة اكبر من كدة
ووشكرا على متابعتك

مشرف

ربنا يوفقنا كلنا يارب وكتبه المحاضرات كتروا فهنقسم نفسنا كل واحد يختار دكتور يكتب وراة

جغرافى فعال

الف شكر يا كبير

مشرف

هههههههههههههههههههههههه

اولا انا مش ناسى يا اتش

ثانيا

انت تعمل الخير وترمية البحر

وما تستناش حاجة من حد

انت مش مجبر على كدة

انت بتعمل كدة خدمة لينا عشان تساعد اللى ناقصة حاجة او اللى ما حضرش

وانا اهو يا سيدى

اية مش كفاية

مشرف

هى دى المحاضرة

بس

ما كنش حد غلب

بس تسلم ايدك

جغرافى نشيط

كمل المحاضرة يا حسن
البسطويسي محاضرات الدكتور محمد الغلبان - صفحة 2 Icon_basketball

مشرف

ياعم ووالله بهزرانا عارف انا مش مستنى شكر من حد والله انا بهزر معاكوا يا جماعة والله

جغرافى نشيط

ربنا يخليك يا جوست انت راجل تمام واحلي مسي علي الناس بتوع المحله الجدعان ومشكور يا صاحبي محاضرات الدكتور محمد الغلبان - صفحة 2 Icon_king

جغرافى فعال

شكرا يا هشام ع المجهود الجبار والمتميز اللى انتا قايم بيه
انا اخوك امير وارد جديد عليكم وسعيد انى اكون بينكم
اولى جغرافيا انتساب

مشرف

طبعا اهلا بيك يا امير انت تنور والله
وشكرا على الرد الجميل

جغرافى نشيط

تسلم ايدك يا جوست يا جامد

جغرافى فعال

شكر ا على المجهود الجامد ده

مشرف

الله يخليك يا مايو

جغرافى نشيط

ميرسى ياجميل على مجهودك دة

مشرف

الهجرة
تعريف الهجرة:-

هى حركة انتقال الافراد من مكان الى اخر او من بلد الى اخر

هدف الهجرة:-

1- تحسين المستوى الاقتصادى

2- تحسين المستوى الاجتماعى

انواع الهجرة:-

1- هجرة داخلية:وهى الهجرة من مكان الى اخر داخل حدود الدولة

ملحوظة:تزداد اعداد الهجرة كلما زادت البطالة

2- الهجرة الخارجية:هى الهجرة من مكان الى اخر خارج حدود الدولة

تتفرع الهجرات الى:

1- هجرة مؤقتة حيث يهاجر الى الشخص الى مكان ما ثم يعود الى وطنه بعد قضلء فترة الهجرة

2- الهجرة الدائمة هى التى يهاجر فيها الشخص الى مكان ما ثم يستقر فيه دون رجوع

الهجرة المرتدة :هى هجرة الافراد من مكان الهجرة الى اوطانهم لعدم ملائمة الظروف او العادات له بعد قصاء فترة طويلة فى البلد المهاجر لها

سلوك المهاجر:

ويقصد بسلوك المهاجرظروف الهجرة واوقات الهجرة الخ....

1- تحدث الهجرة عادة فى فصل الصيف

2- تختلف الهجرة فى المجتمع العربى عن المجتمع الاوروبى

فتكثر هجرة الذكور عن الاناث فى المجتمع العربى

بينما تتساوى النسبة فة الدول الاوروبية حتى سن 30

3- لاتحدث مع الاعمار الصغيرة جدا ولا الكبيرة جدا ولاكن من تتراوح من سن 22الى 45

4- اللغة

5 -التقاليد الاجتماعية

ادى زيادة الهجرة الداخلية الى ظهور المدن المتطرفة اوالعشوائيات

الهجرات الدولية:-

قد تكون دائمة او مؤقتة

تحدث من العالم القديم الى العالم الحديث

امثلة:

بعد اكتشاف قارة امريكا الشمالية هاجرت دول غرب اوروبا الى تعمير هذه القارة وانشاء الصناعات بها فتركزوا عند جبال الابلاش فى شرق امريكا وكونوا بها 17 ولاية

قاموا بقتل الهنود اصحاب القارة ابادوا 3 مليون هندى

وقاموا باستعباد 30مليون زنجى للعمل فى الاراضى الزراعية

ثم بعد دول غرب اوروبا

دول وسط اوروبا قماوا بدورهم فى تعمير القارة ثم شرق اوروبا ثم جنوب اوروبا

اما قارة امريكا الجنوبية او الاتينية تم تعميرها على ايدي البرتغاليون والاسبان

جغرافى فعال

مشكور

مشرف

الشكر لله

جغرافى فعال

شكرا يا غالى ع المجهود الجميل
ربنا يكافئك على مجهودك
اخوكم
امير الانتقام

مشرف

مقبولة يا امير وشكرة على المرور

جغرافى فعال

مشكوووووووور يا باشا على المجهود الرائع ده وربنا يوفقنا جميعا

مشرف

تسلم ايدك يا اتش

جغرافى نشيط

ألف شكر و يا رب مايحرمنا منك أنا محضرتش المحاضرة دي وكان نفسي أنقلها و يا ريت لو معاك محاضرة دكتورة درية بتاريخ 11/11 تحطها علي الموقع علشان أنقلها ويا رب مكنش تقلت أو طولت عليك

جغرافى فعال

ميرسى على المجهود محاضرات الدكتور محمد الغلبان - صفحة 2 Icon_biggrin

مشرف

لا ولا يهمكم يارجالة انا تحت امركم والله
بس د/ درية مش بعرف اكتب وراها حاجة هى ود/ هالة

» احب يكون اول كلامى مع اصحابى الجدد ان يكون السلام عليكم جميعا
» طلبات الدكتور الغلبان فى محاضرة الاربعاء 18/11
» التعريف بهيئة التدريس في قسم جغرافيا جامعة طنطا
» ملخص الدكتور محمد ذكى
» محاضرات فيديو لشرح المساحة المستوية للأستاذ الدكتور سعيد المغربي---::::::::::::::::::::◄