شويه اسأله عشان انا مش عارفه

جغرافى فعال

انا عضوه جديده هنا فى المنتدى وكنت عايزه اعرف شويه حاجات زى مثلا ايه الابحاث اللى مطلوبه مننا وامتى نسلمها ولمين وغير كده الدكتور محمد زكى انا عايزه اعرف هو طالب خرايط نرسمها يعنى ؟والادوات اللى طلبها دى عايزها يوم ايه بالتحديد معلش طولت عليكم بس بجد انا حاسه باحباط جامد من القسم ده وانا نفسى اعمل حاجات كتير وربنا يوفق

جغرافي خبير

اهلا بيكى انتى فى اوله

مشرف

ربنا معانا كلنا

بالنسبة للدكتور محمد زكى

عايز خريطة الاقاليم المناخية اللى هو وزعها علينا

نرسمها على ورق كلك ( شفاف خاص )

ونلونها باى الوان

نجيب الاقلم الالوان الخشب

ةننزل البرادة بتاعته على الورقة

وبقطنه نلفها على سن قلم ونوزع بيها السمحوق اللى واقع من القلم الخشب

بس تكون متنوعة

بس

مشرف

اولا القسم مش محبط خالص مش ممل زى باقى الاقسام اولا قسم تاريخ حفظ وتوراريخ قسم انجلش ضايع فرنساوى ضايع مكتبات فاشل اعلام منظرة اجتماع فشل علم نفس اكتئاب اثار هيلوغريفي وارف
جغرافيا انشاء الله هاتطبقى عملى هاترسمي بايدك اول ترم بس استحملى
الابحاث تكتبيها وتقدميها الاسبوع اللى بعد اللى جاى ان شاء الله
والخرايط زى ماقال الااخ محمد وربنا يوفقك ويوفقنا
متخشيش فى حاجة وانتى خايفة منها حبيها وهى هاتحبك ان شاء الله وكلنا موجودين اى عضو هنا هايعرف يطمنك ولو مش متطمنة لينا اسئلى اللى اكبر مننا زى المهندس احمد عيسى واحمد صلاح

جغرافى فعال

بصى باء سيبك من اى كلام بيتقال على القسم القسم ده لو مش بتحبيه مش هتقدرى تكملى فيه
وكمان الابحاث دى مهمه لانك بيجى سوال عليه عليه نصف الامتحان
واسمه سوال البحث عشان كده مهم
وكمان الدكتور محمد ذكى سكره وربنا
وانا لم شفته انا حبيت القسم بجد
بسبب اسلوبه الكويس
والى مخوفنى منه الدكتوره هاله
ربنا يستر عشان اخر سنه ليه فى اولى
شويه اسأله عشان انا مش عارفه Icon_sad

جغرافى نشيط

بصي يا اميره الحب بالنسبه للابحاث
في بحث للدكتور علي الامبابي عن اخناتون (امنحت الرابع
وبحث عن كليوبترا السابعه للدكتوره هاله سطيحه
والطلبا ت هي عباره عن
كراسه رسم سكتش ورق فيبريانو
استيكه ستاندر الماني
اقلام رصاص 2 بي
قلم فلومستر 0.3
اطلس للخرائط
ورق كلك شفاف
3خرائط صماء للعالم
خريطه للاقليم النباتي ف العالم
وخريطه للاقليم الناخي في العالم
وهي دي الطلبات يا اميره الحب
ولو عايزه حاجه احنا كلنا تحت امرك
وعلي فكره القسم بتاعنا سهل ومش محبط بس عايز مذاكره كتير
وبالتوفيق لينا جميعا انا زميلك فس سنه اولي

جغرافى فعال

ههههههههههههههههههههههههههههه لا رجالة اصلى

ايوة كدا يا مشرفنا يا زمايلى شويه اسأله عشان انا مش عارفه Icon_biggrin

جغرافى نشيط

زي الفل زي ما قال حسن ابو علي و سمسوم و هما طبعا اصدقائي
واتمني ان يكون القسم كويس ومش صعب علينا كلنا
شويه اسأله عشان انا مش عارفه Icon_cheers

جغرافى نشيط

ربنا يوفقك يا قمر
بس ياريت تذكرى لان القسم صعب شوية
ولازم تكونى حباة
انا كان نفسى ادخلة معاكوا بس النصيب
انا بحب الجغرافيا جدا
بس مجموعى بقا عملى مشكلة
بس ربنا كرمنى و بقيت فى المنصورة و جغرافيا الحمد لله

جغرافى فعال

ربنا يكرمنى ويكرمكم بس بجد بعد كلامكم انا فرحانه

جغرافى نشيط

بقولكم اية يا رجالة والنبى بلاش النفخة الكدابة دى اللى يقولى قسم انجليزى وحش والحوارت دى يا عم قسم انجليزى من احسن اقسام الكلية ثم بعدة الجغرافيا شعبة المساحة والخرائط
بالنسبة للعضوة الجديدة طبعا زادنا شرف والادارة كلها اتشرفت بيكى ولكن عندى خلفية صغيرة وهقولها وانا واثق منها والكلام اللى اقولة بس خدوة ثقة مش غرور والله لا علشان انا شوفت كتير اناا عايز اعرف حاجة انتوا لية شاغلين بالكم بالابحـاث وغيرة يا جماعة بالله ماليها اى اى اى فايدة ومش بتسقط ولا حاجة بالله ذى ما بقولكم كدة انا كان لية 3 اصحابى فى الضياع وعمرهم ما عملوا ابحاث ودلوقتى معايا فى مسـاحة وفى رابعة كمان يا جماعة اللى تعملوا ابحاث ليهم 3 دكاترة فقط لا غيـر
دكتور علاء
دكتور عبد المعطى
دكتور محمد ذكى السديمى
دكتور عبد القادر
بـــــــــــــــــــــــــــــــــــــــــــــــــــــــــــــــــــــــــس
والبحث يتقدم فى اى وقت اى وقت قبل امتحانات الترم الاول او وقت الامتحانات تدوها لام هند الفراشة

جغرافى نشيط

احلى كلام من احلى راجل فى احلى كليه
ربنا يكرمك يا احمد يا صلاح يا رب واشوفك دكتور

جغرافى فعال

جزاك الله كل خير يا بشمهندس احمد
وشكرا على التوضيح

» اظن زهقنا من الامتحاناتعاوزين نفرح او نضحك شويه بقى ما تيجى نضحك شويه او شويتين او ربما 3
» اسأله فى حيات كل شخص
» النهارده جبتلكم دوله عربيه صغيره وسهله فى المذاكره يا رب تعجبكمـ
» عشان انت مصرى
» عشان انت مصرى ....