مأساه الطفل التالت

جغرافى فعال

مأساة الطفل الثالث

مع مامتو في...

الملابس

الطفل الأول: تلبس هدوم الحمل من أول لما تعرف إنها حامل
الطفل الثاني: تحاول تلبس هدومها العادية لأطول فترة ممكنة
الطفل الثالث: هدوم الحمل هي هدومها العادية اليومية

القلق

الطفل الأول: من أول خبطة تجري عليه و تشيله
الطفل الثاني: تشيله لو حست أن خلاص فيه عربية حتخبطه
الطفل الثالث: أحسن..علشان تتربي... خلي العربية
تدوسك

الأكل

الطفل الأول: ترمي أي حاجة تقع على الأرض
الطفل الثاني: تغسلها بشوية مية‎
الطفل الثالث: تمسحها فى هدومها

الفسح

الطفل الأول: الملاهي... المراجيح..النادي
الطفل الثاني: النادي
الطفل الثالث: السوق

الخروج

الطفل الأول: تسيبه مع أختها و تتصل تطمئن عليه كل خمس دقائق
الطفل الثاني: تسيبه مع أختها... و هي على الباب تفتكر تسيب رقم التليفون
بتاع المكان اللي هي رايحاه
الطفل الثالث: تسيبه مع أي حد.. مع تحذير بان محدش يتصل بيها إلا في حالة
يكون في الموضوع دم

في البيت
‎
الطفل الأول: كل دقيقة تتفرج على ابنها وهو نايم
الطفل الثاني: من وقت للتاني تتأكد إن الكلب مأكلش ذراع الولد
الطفل الثالث: تستخبى منه على قد ما تقدر

لو بلع قرش

الطفل الأول: تطلب عمل أشعة للولد
الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ
لأ؟‎
الطفل الثالث: تخصمه من مصروفه

جغرافى نشيط

السلام عليكم ورحمه الله
صدقينى مفيش فرق ما بين اى طفل من التلاته لان فى الاخر كلهم عيلها وبتخاف عليهم كلهم ومبتفرقش بين اى حد وشكرا على الموضوع الجميل ده

جغرافى فعال

انا عارفه يا حماده
ان كلهم غلاوه واحده بس الفرحه بيهم هي اللي بتختلف
ميرسي علي ردك
اكيد انت الطفل التالت علشان كدا بتدافع

جغرافى نشيط

انا الرابع وحياتك وعادى ماما كانت مهتميه بيا كتير وشكرا على موضوعك الجميل انا على طول بقراء كل مواضيعك يا ايه ومهتم بيها

المدير العام

شوفو بقى انا مع محمد غلاوتهم واحدة
وموافق اية ان الفرحة هى اللى بتختلف
بس الصغير دايما بيبقى متدلع وعايش حياة الرفاهية اما الكبير فدايما شايل المسؤلية وطالع عينه

زائر

يا جماعه انا بطلب منكم ان المواضيع دي لها مكانها وانت يا استاذ احمد لو سمحت رتبلي الكلام دا