تابعِ معنا : أخر أخبار مباراة مصر والجزائر.. سارعِ بالنشر

جغرافي اصيل

كيفكوا يا شباب عاملين ايه ؟

ها إيه أخر أخبار الماتش معاكوا تعالوا نشوف مصري ومصراوي ايه أخبار الماتش معاهم

مصري : السلام عليكم .. ازيك يا مصراوي عامل ايه ؟؟

مصراوي : الحمد لله .. أخبارك ؟

مصري : زي الجمهورية ......

مصراوي : أقعد .. عطلنى بهزارك ده خلينى ما ألحقش أروح

مصري : بالراحة علينا شوية.. تروح فين بس ؟

مصراوي : أروح أجيب تذكرة الماتش ... يسسسسسس هنقطعهم يا مصررررررررررري

مصري : هنقطع مين يا عم انت عايش الدور ليه كده ؟

مصراوي : الوقتي تشوف إما قطعناهم

مصري : يا بنى وطي صوتك بلاش فضايح

مصراوي : فضايح ليه .. أنا بقول إيه ؟

مصري : يعني لو حد سمعك وإنت بتقول هقطع أخويا محمد مش تبقى فضايح ؟

مصراوي : بعد الشر وأنا أقول كده ليه !!

مصري : أديك إنت اللي قولت أهو مش الجزائري المسلم ده يبقى أخوك ؟

مصراوي : قصدك إيه بقى ؟

مصري : قصدي نتناقش مع بعض شوية .. دلوقتي إحنا مكبرين الموضوع كده ليه ؟
ايه لازمة ده كله ،، المباراة الفاصلة وعزة مصر ومش عارف ايه .. إيه اللي دخل ده كله فى عِزة مصر يعنى؟

مصراوي : مهو إحنا لو خسرنا المطش ده مش هندخل كأس العالم .. إن شاء الله

مصري : وإيه المشكلة برده إننا ما ندخلش كأس العالم .. مش قضية يعني

مصراوي : مش قضية إزاى !!! ده أنا أعمل حداد لو مدخلناش

مصرى : يا بنى حداد إيه بس
هو احنا كنا عملنا حداد لما الرسول ( صلى الله عليه وسلم ) رُسمت فى حقه الرسوم المسيئة ..؟؟؟
ولا كنا عملنا حداد لما أطفال غزة ماتوا .. ؟؟؟
ولا كنا عملنا حداد لما العراق أُحتل .. ؟؟؟
ولا كنا عملنا حداد لما الصينين دبحوا في إخواتنا المسلمين فى كردستان ..؟؟؟
ولا .. ولا

مصراوي : ايه الكلام الكبير أوي ده

السلام عليكم و رحمة الله و بركاته

الحمد لله و الصلاة و السلام على رسول الله صلى الله عليه وسلم و بعد :

إلى كل جماهير المنتخبين المصري و الجزائري تعليمات مهمة قبل المباراة

يا ريت حضراتكم تركزوا معانا كويس جدا في الكلام التالي :

بس لازم قبل التعليمات وصف سريع للوضع الحالي للجماهير و هو كالتالي :

كراهية و عداء شديد بين جماهير المنتخبين

كل متعصب من مشجعي فريق يسبون و يلعنون الفريق الآخر و يتمنون لو أن الأرض انشقت و بلعتهم
وصلت الأحداث إلى حد شتم الجماهير للجماهير الأخرى ب : يا أولاد كذا
ترقب للمباراة المصيرية التي هي حياة أو موت لكلا الفريقين
كل بلد بتحرق علم البلد التانية
استعداد الجماهير لحرب بعد المباراة

وصلت إلى درجة أن امرأة مصرية متزوجة من جزائري تترك منزله بسبب المباراة

و الكل يريد أن يعرف من الفاااااااااااااااائز ؟

أكيد الفائز معروف طبعا

و كل الأحداث دي بتدل على كدة

الفائز هو طبعا : أعداء الدين " اليهود و غيرهم "

أيوة فعلا محدش فينا هيفوز لكن الفريقين هيخسروا كل حاجة كدة

الكلام مش واضح ؟؟؟؟

نوضح شوية

بس يا ريت محدش يرد على الموضوع إلا لما يقرأه كله و استحملوا شوية

دلوقتي ايه اللي بيجمع بين المصريين و الجزائريين ؟؟؟؟

شعبين مسلمين صح ؟

مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟

أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟

قبل ما نبدأ

فعلا الكسبان الوحيد أعداء الدين لأنه لما بيشغلنا عن ديننا احنا المسلمين

يقدر يعمل اللي هو عاوزه

نبدأ نشرح واحدة واحدة

المصريين و الجزائريين شعبين مسلمين

ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟

بغض النظر مين اللي بدأ

لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا

إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟

شوفوا الرسول قال ايه عن التفرقة بينهم ؟؟

تابعِ معنا : أخر أخبار مباراة مصر والجزائر.. سارعِ بالنشر Download

تابعِ معنا : أخر أخبار مباراة مصر والجزائر.. سارعِ بالنشر Download

لازم نتحد يا مسلمين طالما متفقين على كلمة " لا إله إلا الله " يبقى لازم نتحد

أي مسلم لازم يكون في حياته كلها شغال بالولاء و البراء

طبعا فيه سؤال :

يعني إيه الولاء و البراء ؟؟؟؟؟

ببساطة :

الولاء : إني أحب و أنصر الله و رسوله و الإسلام و المسلمين

و كل من زاد قربه من الله بالطاعة يزيد ولائي له و أحبه أكتر

و البراء عكسه

يعني ببساطة المسلم لازم يحب أخوه المسلم لمجرد إنه مسلم

طيب لو المسلم دة بيطيع ربنا ؟؟؟؟ يبقى لازم أحبه أكثر

يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين

قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "

المفسرون بيقولوا معناها : دينكم دين واحد

اللي بيربطنا كلنا ببعض هو الدين مش حاجة تانية

الأخوة في الله :

الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا

برضه نقولها تاني : " المسلمين إخوة أكتر من الأخوة من الأب و الأم "

و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه

شوفتم الحب في الله عظيم إزاي و ثوابه كبير ازاي ؟

ليه نشتم بعض و بالشتايم دي كلها ؟

ليه المسلمين يكرهوا بعض ؟ و علشان ايه ؟؟؟؟؟

انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد

فما بالك لما تشتم بلد أكبر ................ هتيجي يوم القيامة تلاقي سيئات كتير

تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات

هل دة يفرحك ؟؟؟

ليه نشتم بعض و نخلي اليهود يشمتوا فينا هم و كل أعداء الدين ؟

ليه كل دة ؟

شوف رسولنا الكريم بيقول إيه ؟ " صلى الله عليه و سلم " :

لأنه مسلم فكل دة حرام عليا ناحيته مينفعش اشتمه و لا اضربه و لا اسرقه

كل دة علشان ماتش كورة ؟؟؟؟ و هنستفيد ايه ؟؟

قبل ما تجاوبوا و تزعلوا من كلامي كملوا للآخر

ماتش الكورة هيدخلنا كاس العالم صح ؟؟

و هنكسب ايه لو دخلنا كاس العالم ؟

لالالالا

هنكسب ايه لو طلعنا النهائي و كسبنا كاس العالم ؟

هنروح الجنة أكيد ؟

هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟

احنا طبعا عاوزين نكسب بس يعني ايه نكسب ؟؟؟؟؟

تعالوا نشوف :

المصريين و الجزائريين و السعوديين و الليبيين مسلمين

يعني إخوة

مش أعداء

و عمر المسلمين ما هيكونوا أعداء بسبب لعبة يا جماعة
تابعِ معنا : أخر أخبار مباراة مصر والجزائر.. سارعِ بالنشر Untitled-44444446666

تابعِ معنا : أخر أخبار مباراة مصر والجزائر.. سارعِ بالنشر Untitled-44444446666

كلمة أخيرة

إحنا فين من ديننا ؟
نصرنا ديننا ؟ خدمنا ديننا زي ما خدمنا الكورة ؟

ليه مش مهتمين بديننا يا شباب ؟؟؟

الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي

يا ريت نرجع لديننا يا جماعة و بسرعة في أقرب وقت

و يا ترى نسينا إخواننا المسلمين المستضعفين في كل مكان في الأرض

فلسطين و العراق و أفغانستان و الشيشان و الصين و غيرهم

نسيناهم ؟؟؟؟
شكرا لأنكم سمعتوني للآخر

يلا يا جماعة نلغى التعصب وياريت اللى كان ناوى على حاجة بلاش .. أرجووووووووووووك بلاش

ونزيل شعار .. أنا مصري .. أنا جزائري

טּטּטּ ونرفع شعار أنا مسلم טּטּטּ

جغرافى نشيط

موضوع جميل بس انتي شوفتي اللي جرا بعد الماتش
لو كنا كسبنا كانو هايموتوا كل المصريين الي في السودان
يبئا ينفع نعاملهم كويس كمسلمين و هما بيعملونا كيهود تابعِ معنا : أخر أخبار مباراة مصر والجزائر.. سارعِ بالنشر Lol

تابعِ معنا : أخر أخبار مباراة مصر والجزائر.. سارعِ بالنشر Lol

تقبلي مروري

المدير العام

سيبك من الافتراضات دي يا ميوزيكال
لو حصل حاجة ندافع عن نفسنا
والمثل بيقول ماتقبلش "العبيط" بعبط
اسف في اللفظ
بس هو دا الموقف الحادث فعلا
والموضوع دا مش بس ماتش دا مترتب السيناريو بتاعه علشان يفرقوا بين العرب ويخلي العرب يتخلوا عن مصر
واكيد انت عارف مصر مكانها فين في عيون اعدائك
وبعدين شعب الجزائر انا اسف "معزور"
ايوة "معزور" شوف لما يقولولك اوتوبيسهم انضرب والاعلام الجزائري يقعد يكبر الموضوع وبالزات جريدة الشروق " اللى هيا اصلا يهودية" وتقعد تنفخ في النار لحد ما اصبح المشجع الجزائري خلاص بيغلي من المصريين
فحصل اللى انت شايفه
انت عندك في مصر بتقولوا دول بلطجية و و و و... الخ
بس شوف عندهم بيقولوا اية
مش تبص هنا في مصر شوف هيا صورتك عندهم عاملة ازاي
اسف دا مش غلط شعب دا غلط اعلام متمول من مصارد خارجية
وفي الاخر دا رأيي
ممكن اي حد ياخد بيه او لا
اسف على الاطالة

جغرافى نشيط

نور عينى انتى انسانة عظيمة
مووووووووووووووووووضوع فوق الرائع والله فعلا جااامد مووووت
وانتى كبرتى فى نظر المنتدى كلة انتى اساسا الكبيرة طول عمرك اما قولتى الكلام دة عارفة لية لان فعلا احنا شعب خايب وبيجرى وراء التلفزيون من الاخر كلام يونس صح مية فى المية الاعلام هو صاحب الضجـة والمسبب لهاااااا

لو فى كلام هقولة بعد الموضوع بتاعك ورد احمد يونس لا يكفينى غير قول

بارك الله فيكى وفى احمد يونس والله توبيك رائع

مراقب عام

لا يبقا لنا غير انا اقول جملة واحدة
تابعِ معنا : أخر أخبار مباراة مصر والجزائر.. سارعِ بالنشر Shitos

زائر

جزاك الله كل خير على الموضوع الاكثر من رائع

جغرافي اصيل

بجد شكرا لمروكم جميعا
نورتوا التوبيك

مشرف

لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا

الكلام كلة كويس

بس انتى بتتكلمى فى كراهية اتزرعت من سنين طويلة اوى

ومش من السهل ان اى من الشعبين انه يرجعوا زى الاول تانى

تقبلى مرورى

مراقب عام