فوقوا يااااااااااا شباب ....

جغرافى نشيط

بسم الله الرحمن الرحيم
والصلاه والسلام علي اشرف الخلق وسيد المرسلين سيدنا محمد صلي الله عليه وسلم تسليما كبيرا

اما بعد
"اقترب للناس حسابهم" كما قال الله سبحانه وتعالي وبلغ رسوله الكريم صلي الله عليه وسلم وذلك تقريبا من 1400سنه
فكم يتبقي الان سؤال عايزك انت او انتى تجاوبي عليه

يا شباب علامات الساعه بتظهر ورا بعض
مش مصدق صح طيب انا حثبتلك

1-انشقاق القمر

2-كثره الزنا

3-عقوق الوالدين

4-كثره الحروب بين المسلمين
حتقولى حروب حروب ايه ياعم اقولك حروب ايه يا حبيبي
السعوديه لما اعلنت حرب علي اليمن اهيه دي دوله مسلمه وديه دوله مسلمه
الخلافات اللي بين مصر والجزائر والمعركه اللي عملوها لما كنا هناك عندهم ولما كنا في السودان حتقولى بس دي خناقه عادى حقولك لا حرب والمسلم كان عايز يقتل المسلم تبقي حرب ولا لآ

5-انتشار الرشوه
مش ملاحظ وانت ماشي كده بعربيتك تلاقي سواق المكيروباص لما يبقي واقف في لجنه ومش عايز يتفتش يروح غامز الضابط ب 50 جنيه كده ماهو ده اسمه رشوه
الاستاذ اللي يجي يقولك انت لو ما اخدتش درس عندى انا حسقطك ما ده اسمه رشوه علنى وهو بيطلبها منك

6-انتشار الاوبئه
زى انفلونزا الطيور والخنازير اللي اول مره نسمع عنهم يعني ديه حاجه غريبه

7-موت الفجأه
تلاقي الشاب من هنا قاعد بيعصي ربنا والعياذ بالله وفجأه بقي بين ايدين ربنا

مستني ايه يا حبيبي لما الشمس تشرق من المغرب
حيكون خلاص باب التوبه اتقفل ومش حتعرف تعمل حاجه ابدا
ولو قولت يارب يارب توب عليا اصلحني يااااااارب مش حيسمعك حيقولك كان عندك فرصه قبل ما الباب يتقفل جاى دلوقتى خليك علي كده حتقول يارب انا ندمان طيب عايز الباب يوارب شويه عشان اعرف اتوب حيقولك الباب كان مفتوحلك طول العمر ما قدمتش التوبه بتاعتك ليه
مستني ايه تانى مستني لما واحد يجي فوق راسك كده وتبقي قاعد مرعوب وبصرك اليوم حديد ومش عارف تعمل حاجه ورجليك بتخبط في بعض عارف ده مين دا ملك الموت يا حبيبي عارف يعني ايه ملك الموت ايوه دا ماعندوش هزار
لو حتقدر علي غضب ربنا خليك زي ما انت لو حتقدر انك تستمحل انك تتشوي في نار جهنم وتنزل مع الحجر 70 الف سنه خليك زى ما انت

تخيل معايا كده انت لوحدك قاعد بتسمع اغاني وبتشوف صور اباحيه والعياذ بالله
وجه الباب خبط
اول حاجه حتعملها حتبص من العين السحريه تلاقي واحد وجه منور جايلك انت استغربت تقول مين اللي علي الباب يقولك رسول الله تقول رسول الله لسه حتفتح الباب افتكرت ان الاغاني شغاله جريت علي طول تطفي الاغاني ورحت تفتح الباب لالا افتكرت دا موقع الاباحي اللي انا فاتح يا نهار منيل جريت علي طول تطفيه وجريت تفتح الباب لالا انا نسيت السجاره مولعه جريت رميتها ورميت الطفايه لسه حتفتح الباب قولت لا انا اخش اغسل وشي وافوق كده جريت علي طول غسلت وشك وفوقت وروحت تفتح الباب مالقيتش حد تروح علي طول علي السلم تلاقي رسول الله نازل تقوله انا فتحت يا رسول الله يجي يدخل عندك يلاقي صور في اودتك يقولك مين دول حتقوله ايه
لو شاف موبايلك حيقولك ده ايه ده حتقوله دا موبايل في صوت لما بيرن حيقولك عليه قرأن او عليه حاجه دينيه حتقوله لآ دا كله اغاني حتعمل ايه ساعتها
تخيل بقي دا ماكانش رسول الله
تخيل لو كان ملك الموت
ايوه ملك الموت مش بياخد اذن عشان يدخل ياخد روحك دا في لحظه حتلاقي نفسك بين ايدين الجبار بذنوبك ومعاصيك.
اجرى دلوقتى الحق نفسك
حتقولى ازاى
حقولك تعمل ايه
روح علي الكمبيوتر عندك
1- افتح ملف الاغاني امسحه كله حرام حتقولى دامافيش زيها عند حد تانى حقولك حرام حتقولى حرام ايوه الاغانى حرام حتقولى ياعم انت حتعقدها ليه حقولك انا مش بعقدها الاغاني تذهب العقل زى المسكرات بالظبط تبقي حرام ولا لآ
2- روح علي موبايلك امسح كل حاجه تغضب ربنا فيه اغاني وصور وكل حاجه
3-روح عليالحجره عندك شيل كل الصور اللي في الحجره
لو البيت في صور يا ابني الملائكه ما تتدخلهوش ابداً
4-لو عندك علبه سجاير حقولك السجاير حرام
حتبرر حتقولى لآ مش حرام القرأن ماقلش ان السجاير حرام
حقولك يبقي التفاح كمان حرام حتقولى ليه ياعم
حقولك مافيش ايه في القرأن بتقول وحلل لكم اكل التفاح
السجاير حرام شرعا روح ارميها علي طول

مستني ايه تانى مستني لما الباب يتقفل حتبقي خلاص ضيعت في اخرتك
حتقولى ما تخوفنيش حقولك لازم تخاف امال حتخاف امتى ديه النار اللي ماحدش يقدر عليها دي نار جهنم انت لما بتتلسع من عود كبريت بتصوت
لو تقدر علي العذاب بتاع جهنم ده اعصي ربنا
حقولك حاجه كمان عشان تفوق انت لما بتبقي صايم قبل الصيام بتقعد تشرب تشرب في مياه عشان ما تحسش بالعطش وانت صايم
تخيل بقي انت واقف من غير ولا اكل ولا شرب 50 الف سنه
حتوقلى 50 الف سنه حقولك ايوه ما تستغربش 50 الف سنه والشمس بينها وبينك مافيش خالص
دا انت يا راجل لما بتجيلك ضربه شمس بتجري علي الدكتور الحقنى انا جاتلي ضربه شمس لا وايه الشمس بعيده عنك جداااااااااااااااا تخيل بقي وهيا فوق راسك علي طول حتعمل ؟؟؟؟؟
انت عارف اللي بيعصي ربنا ده يبقي بيعمل ايه .....يبقي بيتحدى ربنا والعياذ بالله
تقدر تتحدا ربنا لو تقدر انك تتحداه ومستعد للعذاب ومستعد لكل حاجه اعصيه
حتقولى ياعم انت بتعقدها قوى كده ليه دا ربنا غفور رحيم
حرد عليك علي طول واقولك وكمان ربنا شديد العقاب

روح علي طول صلي واستغفر ربنا وادعيه ان ذنوبك تتمسح كلها
وامسح الاغاني والصور وكل المحرمات واللي تغضب ربنا

ارجو ان يكون الموضوع في فائده للكل
وأسف علي الاطاله

علي فكره انا شاب عادى زيكم وانا كاتب الموضوع مش ناقله واللي عايز ينقله يتفضل المهم ان الشباب ينصلح حالها

ارجو ان يكون في شباب اتعظت من اللي بيحصل في الدنيا دلوقتى....

السلام عليكم ورحمه الله وبركاته
__________________
اتقي الله

زائر

جزاكى الله كل خير جعلة الله فى ميزان حسناتك

جغرافي خبير

تسلم ايدك موضوع جميل جزاكى الله كل خير

جغرافى فعال

شكرا على الموضوع الجميل

جغرافى فعال

جزاكى الله كل خير

جغرافي خبير

دا من علامات الساعه الكبرى على فكره
.................

جغرافى نشيط

جزاكي اللة كل خير وربنا يغفر لنا ولكل من استعصاة ذنوبة وتسلم ايدك وياريت بقي نلحق نعمل حاجة صح وتنكتب حسنات بددل ما هي سيئات ويارب توب علينا من المعاصي

جغرافي خبير

الموضوع جااااااامد جدا بس يارب الناس تتعظ ويسبهم من الوهم اللى هما فية وربنا ان شاء الله هيقبل توبتنا

» على فين يا شباب
» شباب فافى
» اسستفسار يا شباب
» مفيد جدا لكل شباب جغرافيا
» تم افتتاح منتدى شباب مصر