حد يقولى اعمل ايه؟؟؟؟؟؟؟؟؟؟؟؟؟؟؟؟

جغرافى جديد

السلام عليكم ورحمه الله وبركاته
انا حسام تانيه جغرافيه
بجد انا مش فاهم اى حاجه ولا عارف اى حاجه بس دا اصلا عشان انا ماكنتش بحضر
ولما فكرت احضر طبعا كان متاخر ولما دخلت المحاضره واسأل اى حد عن اى حاجه يرد عليا ويقولى " انا كمان مش فاهم " طب انا فعلا مش فاهم لانى مش بحضر طب اللى بيحضر مش فاهم ليه
المهم انا مش عارف اعمل ايه وخلاص مافيش وقت وبجد انا نفسى ادخل مساحه
وبجد كمان نفسى انجح واجيب تقدير بس دا ممكن يحصل ولا انا خلاص ماليش امل
بجد مش عارف اى حاجه ياريت اللى يقدر يفيدنى يرد عليا لو فى قرصات او حاجه زى كده انا ممكن اروح وكده
يااااااااااااااااارت اى حد يرد عليا وبجد انا اسف ع الازعاج

مراقب عام

كون يا حسام انك مكنتش بتحضر فادى لوحدها مشكلة جامدة يطول حلها

لكن المطلوب منك الفترة دى بقا

انك تحضر الاسبوعين الجين دول وتشوف حد تنقل منه المحاضرات اللى فاتت وتقعد مع حد يفهمك المسائل بتاعة الجنزير والميزانية فى المساحة المستوية

ولو عوزت المحاضرات
محاضرات المساحة المستوية كاملة هنا فى المنتدى فى الفرقة التانية

ده بالنسبة للمساحة المستوية

اما بالنسبة للمناخية
فأكيد انت جبت الكتاب وشوف احنا وقفين لحد فين وزاكرها
وعلى فكرةة والله المادة سهله وبسيطة مش محتاجة حاجة يعنى

وطبعا العربى بردوا هيحددوا المنهج وزاكر اللى هيحددوه

لكن بالنسبة للسكان واعمال السنة

مقدرش افيدك تعمل ايه بجد بس حاول تلم النظرى اللى فيهم

اما بالنسبة للمسأئل وكدة انصحك انك تشوف حد يشرحهالك ولو لقيت قولى و تبقا عملت الواجب وزيادة

جغرافى فعال

كلامك صح واللة ياشيتوس انا كمان هعمل كدة

جغرافى جديد

انا متشكر اوى يا شيتوس وان شاء الله احاول الم المنهج على مااقدر
وربنا يوقفنا جميعا

جغرافى جديد

طيب معلش بالنسبه للقرصات وكده لو خدت قرصات فى الفتره دى هتبقى مفيده ولا ملهاش لزمه

جغرافى نشيط

انا هقول لحضرتك علي حاجه
استاذ احمد صلاح كان قالنا عليها هنا فالسايت
ان احنا يتبقي لينا شهر وكام يوم عالامتحانات
كل 10 ايام تخلص مادتين بحيث تمسك مادة يوم وتاني يوم تمسك المادة التانيه الي انت مقرر تذاكرهم قصاد بعض
يعني كل ماده هتاخد معاك خمس ايام
وبجد دي مده والله تقدر تخلص فيها الماده
انا ابتديت كده من النهارده عشان االاسبوع الي فات كله كان مضغوط عندي
ابتديت النهارده مذاكره المناخيه
وبإذن الله بكره هذاكر مستويه
خلال العشره ايام الي جايين بإذن الله بإذن الله هحاول اخلصهم
وانقل بقي علي العشر ايام الي بعدهم مذاكره اعمال سنة و سكان بنفس الطريقة
والعربي مش هياخد منك خمس ايام علي بعض هما 3 ايام حلوين اوي عليه
وبكده هيتبقي ليك ايام قبل امتحان اول ماده
المهم بس انت تخلي نفسيتك مرتاحه عشان تعرف تركز ومتفكرش في نقطة ان الوقت ضيق وكده عشان هوا ده الي بيلغبط الدنيا
وفي نفس الوقت تذاكر بجديه عشان تقدر تلم المواد في الوقت الي فاضل
وربنا يوفقنا كلنا بإذن الله

مراقب عام

كلام تمام

مشكورة مونى

بالتوفيق ان شاء الله

جغرافي اصيل

احسن كلام
واحضر يا عم حسام حرام عليك

المدير العام

مفيش كلام اقدر اقولة بعد شيتوس وموني
غير انك ماتقلقش قوي لان القلق الزيادة والتوتر هو اللى بيضيع الدنيا
بالتوفيق للجميع

جغرافى نشيط

ربنا معانا ياجماعه
بس بالله عليكم لوحد فاهم اى حاجه عن مسائل السكان
يريت يحاول يشرحها اى معلومه هتنفع برده
بجد لانى خايفه موت من السكان

مراقب عام

على فكرة

انا معايا حل اسألة سكان وحولت انى احلها هنا واشرح حلها

بس المشكلة ان صيغة القانون مش بتنكتب صح فى برنامج الكتابة بتاع المنتدى

لان فى القوانين اوس

بس لو حد عنده اسكنر انا ممكن احل المسائل دى واكتب شرحها ازاى انحلت فى ورق واكبر الخط

وهوا يرفعها اسكنر

لو حد عنده انا موافق ويرد عليا ضرورى

علشان الكل هيستفاد من المسائل والشرح ده

جغرافى نشيط

ربنا يجازيك خير يا شيتوس
والمشكله فعلا في مسائل السكان كتابة الاس دي
بس انا هعمل محاوله كده لو نفعت هقول عليها

جغرافى نشيط

^

هي دي تمشي علامة اس ولا لاء
يعني مثلا لو قولنا
( 2 * 4 ) ^2
تمشي ولا لاء
لو تنفع الايكونه دي موجوده في صندوق اسمه charmap
بتيجي عند ستارت ونكتب في الامر run
charmap
بيطلع sympole كتير

مراقب عام

مش هتنفع وكتير مش هيفهما والقانون هيجى ملخبط والاقواس هتتشقلب

لو حد عنده يا جماعة اسكنر يقول

جغرافى نشيط

بجد كلام شيتوس عين العقل ومفيش كلام بعد كده

» من فضلكوا حد يقولى مقرر اللغه العربيه
» اعمل ثيم بنفسك
» لو سمحت يا جماعة ممكن حد يقولى معاد مادة التاريخ امتى ؟؟
» ازاي اعمل بحث ميداني؟
» ما هوا مقرر ماده اعمل السنه