خش الامتحان بقلب جامد وهيه ديه الطريقه

عارفين التنمية البشرية وسحرها وقوة تمارينها الرائعة اللي بتخليك جامد وبتتعامل مع الحياة بمرونة ومن ضمن الحجات دي تعاملنا مع الإمتحانات وبالذات وقت الإمتحان..
هذا الوقت الذي يتساقط فيه كثير من الناس بين العرق والرعشة والبكاء..إلخ
بس فعلاً دلوقتي ممكن ندخل الإمتحان عادي وكووول أوي ..

الطريقة سهلة كتير خلينا نجرب ومش هنخسر حاجة:

أولاً: التحضير ليلة الإمتحان
عارف إنه يوم صعب ومبنعرفش ننام وكتير بتجلنا كوابيس لو نمنا ..وسعات نزاكر للصبح..
لازم يا جماعة نركز اليوم ده بالليل بالذات على الراحة العقلية والجسدية عشان نحل كويس صباح الإمتحان. يعني نام كويس جداً وخليك برحتك..وفيه بعض الناس تحب تخرج تتمشى تهدي أعصابها وده كويس واللي عاوز يجرب يجرب ويكون معاه حد من المتفائلين ويدلوا أمل..
وبعدين لو مجاليش نوم هعمل إيه
طريقة سهلة جداً للنوم .. حط صبعك أمام عينك في النص وإلى أعلى قليلاً .. تنفس بسحب الهواء بكمية كبيرة وأكتم نفسك.. ركز بصرك على إصبعك..عد وأنته كاتم النفس حتى عشرين ..خرج الهواء ببطء حتى كأنك ترتاح وتزيل كل التوتر من جسدك..

على فكرة أنا لسه منمتش.. عارف .. الطريقة محتاجة تكرار. وتخيل ..يعني ممكن تتخيل إنك نمت فعلاً وتحس إنك فعلاً مرتاح تماماً في كل حته في جسمك..


الحلقة التانية من مسلسل الإمتحان ويومه:

دلوقتي صحانا الحمد لله .. اللي نام نام واللي منامش مش مهم خلي تركيزك كله على إنك إن شاء الله هتكون أحسن في الإمتحان.. إبدأ يومك بصلاة الفجر طبعاً وأدعي وتوكل على الله..
بس انا بكون خايف جداً قبل ما أدخل وبالذات الوقت اللي أقبل الإمتحان..
الوقت ده فعلاً مهم هنقسموا لحجتين:
-->في البيت : وده وقت مهم هنعمل فيه حجتان
1 - التخيل: مهم أوي تشوف نفسك وأنته بتحل كويس وتتخيل أن كل حاجة عدت تمام وأنك فعلاً خلصت وأدي نفسك سبب أنك فعلاً حليت وقول (مع نفسك طبعاً) الحمد لله أنا عديت الإمتحان السهل
2 - تمارين الشد والضغط : يسلام إنته فايق ورايق .. عاوز تفهمني إن يوم الإمتحان ممكن أعمل تمارين..مش ممكن .. طيب جرب وشوف مش هتخسر حاجة.. أول حاجة هتشد عضلات جسمك لفوق ولتحت ويمين وشمال وأنته مشبك إيدك كأنك بتتمطع وبعدين خلي كفين إيدك أمام بعضهما (مثل الصنيين) وأضغط وطلع كل غل وتعب لحد ما ترتاح تماماً

--> في الكلية قبل دخول اللجنة: لو سمحت متسمع لأي حد خالص خش ذي الوحش على اللجنة على طول .. نفترض أني قبلت حد واللي حصل حصل وقلي أنته رجعت آخر حته في الكتاب دي شكلها جاية.. العمل إيه.. بصرعة في خيالك تخيل أنه عمال يضحكك وبيألك نكته .. وقأله أنا مركز دلوقتي على أني أخش بالمعلومات اللي معايا لو عندك معلومات زيادة يفضل تألها لحد تاني..



أنته دلوقتي في اللجنة وطبعاً الورقة لسة مجتش الوقت ده سعات الإنسان بيكون مش على بعضه.. أول حاجة أشغل نفسك بأي حاجة إيجابية ممكن تدعي تقول أذكار تتخيل إنك فعلاً عديت من الإمتحان بس أحذر إنك تكلم حد جنبك ..
بس أنا في الوقت ده متوتر أعمل إيه .. بسرعة تمارين الضغط (بتاع الصنيين ) ياريت في الدرا من غير ماحد ياخذ باله وتمرين مهم جداً وهو التنفس .. أسحب الشهيق أكتم نفسك لمدة عشرين عدة خرج الزفير ببطء..

التفسير : يعني أنا هفسر الموضوع بس مش هكتر:
أول حاجة تمارين الضغط مهم عشان بيخلي الجسم يخرج الطاقة السلبية الموجودة الناتجة من حالة الدفاع اللي طبيعي بيعملها العقل اللاواعي ويبعتها للجسم عن طريق sympathetic system وبسهولة بيخرج الأدرنالين وبسرعة يروح للعضلات ويخليها تنقبض وتلاقي الرعشة حصلت والعرق ..تمارين الضغط بيفرغ كمية الأدرنالين من الجسم اللي طلعت وبعديه التنفس بيخليك تركز على حاجة جديدة وهي البقاء لأنك وقفت وبالتالي مخك بيبتعد عن التفكير في الإمتحان ويبدأ العقل يهدا وكمية الأدرنالين كمان..

الحمد لله الورقة وصلت ..أول حاجة تعملها تكتب أسمك وتتخيل كمية المعلومات الكبيرة اللي عارفها وركز على كتابة أسمك أوي وزينه عشان تدي ثقة لعلقك الواعي أنه يشتغل وبعدين ركز على السؤال اللي أنته عارفه في الورقة وأبعد عن أي سؤال صعب ..أول سؤال سهل بسرعة أكتب وأكتب فيه لحد ما عقلك ياخذ الثقة وتبدأ المعلومات بالتدفق(طبعاً لازم تراعي الوقت وأنته شغال في أول سؤال) ..

بعد الخروج من الإمتحان .. أول حاجة قطع ورقة الأسئلة فوراً وأستخبا وأهرب أو روح على طول متحولش تراجع مع أي حد لأن اللي أتكتب مش هيتصلح..
صلي وأشكر ربنا وقول الحمد لله .. ريح شوية وعيش الحياة لمدة أربع ساعات بالكتير وأبدأ خفيف في المدة اللي بعدها المهم أول يوم تبدأ تذاكر ولو حاجة بسيطة..

وكده خلصنا والحمد لله الإمتحان بأمان من غير أي صدمات

موضوع جميل وربنا يوفقنا كلنا ونعدى
الامتحنات على خير وان شاء الله هحاول اجرب
الطريقه دى لانى من الناس الى بتبقى على اعصابه يوم
الامتحان

نورتى التوبك
كلنا عايزين نشيل التوتر ده انا اول واحد هجربها

تسلم ايدك
هجرب وبلغك باذن الله

نورتوا التوبك يا جماعه والله
هستناك يا مصطفى واتمنى اكون افتك

موضوع جامد بجد يا سحس

وانا هعمل بالنصائح دى

واقولك على النتيجة

ننتظر منك المزيد

نورت يا صاحبى والله

شكرا ليك على النصائح
بجد اكتير حلوه
ونحاول نجربها
عشان نشيل التوتر
وبالتوفيق ان شاء الله

استااااااااااذ يا جااااااااااامد
تسلم ايدك على النصائح الغاليه

اى خدعه نورت التوبك ياجميل

براهيم الفقي معنا في القسم
جامد يا حسين والله
انا هاعمل كدا بجد شكل الموضوع دا بجد وبيجيب نتيجة بجد
اصلي يا سحس
بس انت عارف لو محليتش؟؟؟؟؟؟؟
ههههههههههههه
حبيبي يا سحس

ههههههههههههههههههه
نورت التوبيك يا احمد
اهم حاجه تكون استفدت يا صاحبى والموضوع يكون عجبك

موضوع جاااااااااااااااااامد يا سحس
ألف شكر
أنا كمان هجرب ان شاء الله

نورتوا التوبك يا شباب والله
اتمنى اكون افتكم