مضروبات اسبراج

جغرافى فعال

فى مضروبات اسبراج فى الامتحان معانا جدولين معطى اولا جدول التركيب العمرى والنوعى للسكان انظرالكتاب ص291 وجدول مضروبات اسبراج ص 290 والسؤال يأتى على هذا الشكل احسب عدد السكان فى عمر 3 سنوات؟
اولا كما هو موضح بجدول التركيب العمرى موجود الفئات العمريه وعدد السكان لكل فئه وموجود باخر الجدول مشكله وهى غير مبين وعددهم 41693
سؤال يعنى ايه غير مبين ؟ يعنى عدد من السكان غير معلوم فئتهم العمريه فلازم ولابد وحتما من تعديل الجدول وتوزيع الغير مبين على كل الفئات العمريه how?
بالقوانين الاتيه
1_عدد السكان لكل فئه عمريه/جمله السكان بون (غير مبين)*100
2_الناتج رقم 1*عدد السكان غير مبين /100
3_الناتج رقم 2 عدد سكان الفئه العمريه
مثال
تعديل اقل من 5 سنوات
741984/6027003*100 =12.3
12.3*41693 /100 =5128
5128 741984 =747117 وهو ده الفئه العمريه المعدله
ثانيا وده الاهم مضروبات اسبراج ازاى هنشتغل عليها
ااولا كما هو موجود بالكتاب ص290 موجود خمس جداول اول جدول لحساب اى عمر اقل من خمس سنوات اى الاعمار الواقعه من صفر الى اربع سنوات
اما الجدول الثانى لحساب الاعمار الواقعه بين 5_9
اما الجدوالثالث لحساب الاعمار الوقعه من10_69
اما الجدول الرابع لحساب الاعمار من70_74
اما الجدول الاخير لحساب الاعمار من 75_79
نرجع للسؤال بتعنا وهو احسب عدد السكان فى عمر 3 سنوات شو بنعمل؟
انظر معايا للكتاب ص297 ففى اول جدول نعمل فى الاجابه نفس الجدول والارقام الى مجوده فيه هى مضروبات اسبراج (معطى) هو هيجبلك ورقه فى الامتحان موجود فيها مضروبات اسبراج
ثم فى الجدول الثانى هو نفس الجدول بس بدل مضروبات اسبراج نضع اعداد السكان المعدله وخلى بالك من المعدله
ثم نقوم بعمل جدول ثالث هونفس الجول بس هنقوم

ب

ضرب اعداد السكان المعدله فى مضروبات اسبراج اى ضرب الجدول رقم 2 فى 1بالترتيب
ثم نقوم بالجمع والطرح افقيا حسب الاشاره الموجوده ثم نستخرج عدد السكان من امام خانه 3 سنوات
طبعا انت اكيد مستغرب ان موجود فى الجدول الافقى _0_4)و(5_9)و(10_14)و(15_19) احنا بنشوف العمر الى احنا عايزين نحسبه بيقع فى اى فئه عمريه ثم نختار الجدول الى هنشتغل عليه من مضرويبات اسبراج يعنى زى ما هو موجود فى المثال 3 سنوات اذا نختار اول جدول وهو يقع فى الفئه العمريه الى اقل من 5 سنوات ونختار 3 فئات عمريه بعد الى اقل من خمس سنوات مباشره ونتبع الخطوات السابقه وبس
ارجو انكم تكونوا فهمتم حاجه وربنا يوفقنا جميعا

جغرافى نشيط

تسلم ايدك يا دارك
انا مش قريتها كلها الامانه قريت اول جزء بس
ليا عودة تانيه بإذن الله
وربنا يجعله في ميزان حسناتك

جغرافى فعال

ميرسى ليكى يا امنيه على مرورك

ونورتى التوبيك

مشرف

بجد الف مليون ميرسى موضوعك
يا صحبى

جغرافى فعال

حبيبى يامعتز مرسى على مرورك
وياريت يا جماعه لو فى حد مش فاهم حاجه فى مضروبات اسبراج
يقول وانا هشرحها بالتفصيل اكتر

جغرافي خبير

شكرا لمجهودك
والصراحة انا مش فاهم اى حاجة في السكان كلها ولا مسائل ولا نظرى وجى بزاكرها قفلتنى و واتخذت قرار بس بعد اما حد يرد علياهيتنفذ ولا لا المهم ممكن حد اعد معاه يشرحلى المادة او ع الاقل هيفدنى لو حد يقدر يبعتلى رسالة من المنتدى ويشكر جدا

جغرافي خبير

ولو فيها احراج لحد بلاش

مشرف

تسلم ايدك يا صاحبى

ويارب التوفيق للجميع

جغرافى نشيط

تسلم حبيبى بس يا ريت الشرح يبقى واضح شويه عن كده وياريت يكون فى جدول وليك جزيل الشكر

جغرافى فعال

شكرا يا جماعه على مروركم وعلى فكره الشرح ده مبسط جد
اتبع الخطوات الى قولتلك عليها والجداول موجوده فى الكتاب
ولو فى اى حاجه انت مش فاهمها قابلنى فى الكليه بكره ان شاء الله
وانا هشرحالك

جغرافي اصيل

الله يا بن عمى ايه ده استاذ انا هقابلك بكره اوك

جغرافي خبير

تسلم ايدك وجزاك الله كل خير

جغرافى فعال

تسلم ايدك بجد

جغرافي اصيل

بــــــــــــــــــــــــــــــــجد اخيرا فهمتها
الحمد لله
انا حضرت المحاضره دى ومفهمتش اى حاجه من الدكتور
ربنا يوفقك يااااااااااااااااارب ويكرمك وتدخل مساحه

جغرافى نشيط

بجد بارك الله فيك
وتسلم ايدك

جغرافى فعال

مرسى ليكم كلكم على التفاعل الجميل ده ولو فى حد مش فاهم اى حاجه فى السكان يقول وانا اشرحها

جغرافي خبير

شـــــــــــــــــــــــــــــــــــــــــــــــــــكرا جـــــــــــــــــــــــــــــــــــــــــــــدا

مراقب عام

مشكور يا نجم

تسلم ايدك يا حبى

والله يا جماعة مضروبات اسبراج دى سهله

وصعوبتها بس فى انها بتاخد وقت كتير فى حلها

مش اكتر

جغرافى فعال

مرسى ليكى يا نور عينى على الدعوه الجميله دى
وربنا يوفقك انتى كمان وتدخلى مساحه

» شرح مضروبات اسبراج بالتفاصيل
» حل مسألة على مضروبات اسبراج بالشرح