يا ريت الكل يشارك برايه

مشرف

اولا هتلاقوا جراءه مني اني انا بنت وانا اللي منزله الموضوع ده
لكن لاقيته في الفتره الاخيره موضوع ملفت للنظر
وممكن يكون كتير لاحظه مش في الجامعه بس
ممكن في اي مكان في الشارع فى الاماكن العامه في الكافيه في اي مكان
مش هكتر عليكوا
الموضوع او المشكله هيا
(في الفتره الاخيره في بنات كتيره مخمرات او بيلبسوا الاسدال وكل شويه تلاقيهم مع ولد شكل وبيهزروا وبيضحكوا )
انتوا ايه رايكم في الموضوع ده
وايه رايكم هل تستحق انها تبقى مخمره
وايه اقتراحتكم
او ايه حلولكم للمشكله ديه؟

مراقب عام

عليا النعمة انتى جبتى المفيد

طبعا متستهلش الخمار او الاسدال اللى انتى بتتكلمى عليه

لأنها مبتحترمهوش

يعنى ايه مخمرة ولا لبسة اسدال او نقاب وبتهزر مع اولاد او كل شوية مع ولد شكل

طبعا انا مبحترمش اى واحدة من دول بتعمل كدة

ده رأى

واسف انا صريح فيه بكل صراحة

مبحترمش اى واحدة لابسة خمار او نقاب او اسدال بتهزر مع اولا او كل شوية مع ولد شكل

مبحترمهاش

جغرافى نشيط

وعهد الله دى حاجه فضايح انا عن نفسى لما بشوف بنت من النوع ده بينحرق دمى وبيبقى هاين عليا اضربها بالجزمه طيب تصدقوا والله انا شفت بنت منتقبه فى الكافتيريا اللى انا بجلس فيها هى ولد وايه مندمجين مع بعض اوى وماسك اديها وتمام وحاجه تانيه بردك شفت بنت منتقبه وفى نفس الكافتيريا بس يارتها بقى عملت اللى التانيه عملته وبس لا دى عملته وزودة عليه حبه ان هيه تشرب شيشه يا نها اسود عل دماغها انا مش عارف البنت هتستفاد ايه لما تعمل كده ليه ما بتحترمش الحاجه اللى هيه لابسها دى بس هنرجع ونقول ان العيب مش عليها العيب على ابوها والست امها اللى ما بيرقبوش ولادهم سواء بنات او صبيان .
دانا عن نفسى والله حيائى بيمنعنى انى اكلم بنت فى موضوع علمى مش هقول موضوع برة الدراسه
وصدق رسول الله صلى الله عليه وسلم حينما قال لا
اذا ذهب الحياء ذهب الايمان
عليه العوض واخر الكلام ان ربنا يهدى كل من كان
واسف على الاطاله

جغرافي اصيل

فعلا انتوا كلامكوا صح
ملهاش اى لازمه الخمار او النقاب اللى هيا لابساه دا لو مش هتحترمه
عشان كدا الغرب ليهم حق يضحكوا على المسلمين عشان شايفين المسلمين مش محترمين دينهم
تلاقى البنت لابسه نقاب او خمار وبتكلم كل واحد شويه

طيب انتى لابساه ليه بقى؟؟؟؟؟؟؟؟

دا لو قلعته يبقى احسن حتى متشوهش صوره الاسلام

بس برضه فى الاول والاخر ربنا يهدينا جميعا ويهدى كل عاصى ويهدى شباب وبنات المسلمين
امين ياااااااااااااااااااااااااااااااااارب

مشرف

انا كمان مش بحترم البنت ديه من رايك يا احمد
بس انت بجد بينت قمت احترامك انت واللي ردوا على الموضوع ده
لكن في بنات مرضوش يرضوا الله اعلم ليه
بس مش عارفه الولاد اللي مرضوش يردوا يردوا ليه
بجد يا ريت الكل يقول رايه

جغرافي اصيل

بصى يا صديقتى الغاليه
ده بيرجع لتربيتها ودينها ففى بنات كتير لبسين الاسدال او الخمار عياقه ليه انا مش عرفه بس المفروض يحترموا الخمار او اى شىء تانى
وكتير من البنات بشوفها لا محترمه الخمار ولا النقاب لبساه على ايه يا حسره
بتكون لبساه وتعمل حاجات 00000000
والمفروض اى بنت تحترم والديها
لانهم مش معاهها بس لازم تكون عمللهم قيمه بغض النظر لبسه خمار او نقاب او اسدال او طرحه عاديه في الاول ولاخر القرارلها
بس يكون قررها في الصميم وربنا يهدى الجميع
ده رايى

جغرافى نشيط

طبعا هيا متستهلش الخمار ولا الاسدال و دي
وانا لما بشوف حاجة زي كدا بستحقر البنت دي اصلن
تقبلي مروري

مشرف

منورين يجماعه
والله انا بشجع فيكم صراحتكم

مشرف

انا عن نفسي بقول هية مسئلة مزجات

مشرف

يعني ايه مسالة مزجات ديه

مشرف

يعني
في مثل بيقول نص العمي ولا العمي كلو
طب عشان هيه بتكلم ولاد تشيل النقاب او الاسدال
لا تفضل زي ماهية
ونص العمي هنا يبقي حلو اوي
يارب تكوت وجهة نظري وصلت ومتكنش مزعلة حد

جغرافي اصيل

لا طبعا
طيب لو هيا عايزه تكلم ولاد تقلعه احسن
امال هيا لابساه ليه
اللى لابسه النقاب دى بتبقى مش عايزه حاجه من الدنيا
مش تبقى لابساه وتروح تكلم ولاد وتقف مع ولاد

مينفعش

مينفعش

خالص

مشرف

طب هية هتبقي لا كدا ولا كدا

تولع في نفسها وخلاص

مشرف

طبعا رايك غلط يا محمد يا سامي لان هقولك انا قصدي ايه لو البنت بتكلم ولد او اتنين واصحابها عادي وتفيد وتستفاد منهم عادي مفيش مشكله في حدود الاحترام
لكن لو بنت كل شويه تقف وتكلم ولد شكل وتهزر معاه وتسند دراعها عليه
طبعا مينفعش تلبس الاسدال ولا الخمار ولا النقاب ولا الطرحه حتى
ودا رايي
انا
ولو في بنت مخمره و منقبه في المنتدى وعلى عكس رائي
تقولي وتقنعني بوجهة نظرها

مشرف

مش قصدي ال فهمتو ياشيتوس
وكان قصدي مش بالمظهر
يعني هوة عشان مربي دقني ابقي شيخ
ولا عشان دكتور ابقي محترم

المدير العام

انا هاقول رايي
مش المفروض نحكم على بنت انها مش كويسة مسافة ما نشوفها واقفة مع واحد ولا بتتكلم معاه اوبتهزر معاه شكل ما بتقولوا
المفروض نحسن الظن بيهم الاتنين ونقول لا هما كويسين .
اما بالنسبة للى لابسة النقاب او الخمار المفروض انها لا بسة اللى لابساه دة عشان ترضي ربنا وتتقي ربنا فية ولابسة الكلام دا عشان ترضي ربنا
واللى مش بتحترم النقاب او الخمار اللى لبساة يبقى لبساه عشان حاجة تانية يبقى لابساة عشان حاجة تانية غير رضى ربها.

في الاول والاخر دي مسالة شخصية كويسة ولا مش كويسة
مش حكاية هيا لابسة نقاب ولا خمار.
يا ريت كلامي يكون وصل ومحدش يفهمة غلط

زائر

يونس انتة جبت من الاخر صوبعك مش زى بعضها

دور على الى مش لابسين خمار ولا نقاب قولى هل حد هيحترم اللى لابسة بنطلون ولا بضى هتتساوى باللى لابسة نقاب ولا اللى لابسة خمار يلا بقة
عديها يا يونس
سلام يا صحبى

جغرافى فعال

يا جماعه المسئلة مش كدا خالص مش يعني لبسه خمار او اسدال يبقي انسانه محترمه لانه ممكن يكون مفروض عليها وبالطبع هي شانها مثل البنات اللي بيلبسوا بناطيل اللي غير محترمين بالمره في اقامه علاقات مع الاولاد تحت ستار الصداقه والزماله في مثل بيقول من ذاد عن حده اتقلب ضده يارب يكون وجهه نظري وصلتلكم والهادي هو الله

زائر

انا بحترم راى كل واحد
بالنسبة راى محمد سامى فهوة كلام صح بمعنى
اصلى
اصلى
يا صحبى

جغرافي خبير

●.•∂₫έ₫●.• كتب:: طبعا رايك غلط يا محمد يا سامي لان هقولك انا قصدي ايه لو البنت بتكلم ولد او اتنين واصحابها عادي وتفيد وتستفاد منهم عادي مفيش مشكله في حدود الاحترام
لكن لو بنت كل شويه تقف وتكلم ولد شكل وتهزر معاه وتسند دراعها عليه
طبعا مينفعش تلبس الاسدال ولا الخمار ولا النقاب ولا الطرحه حتى
ودا رايي
انا
ولو في بنت مخمره و منقبه في المنتدى وعلى عكس رائي
تقولي وتقنعني بوجهة نظرها

انتى عندك حق فعلا فى الى قلتيه ده ن بنت تقف وتهظر مع ولد وتحط ايدها عليه
مهما كانت سواء كانت لابسه خمار او اسدال او نقاب زى مبتقولى او حتى لا بسه طرحه ودى انتوا نسيتوها
انما لو بنت بتكلم ولد فى حدود الاحترام ومتهظرش معاه مهما كانت هيا لابسه ايه
والمفروض مش اى بنت بتكلم ولد نسيق الظن بيها ونقول انها واقفه تهظر معاه
لان احنا مبنبقاش عارفين هيا جواها ايه مهما كانت لابسه ولان كمان الرسول (عليه الصلاة والسلام نهى عن سوء الظن )
ده الى المفروض تبصوله الاول وتتكلموا فيه وتقولوا فيه رايكوا قبل متقولوا رايكوا فى حاجه زى دى
لان الظن اثم فعن ما ورد عن رسول الله (ص)
أبي هريرة في الصحيحين عن رسول الله صلى الله عليه وسلم : ( إياكم والظن ؛ فإن الظن أكذب الحديث ولا تحسسوا ولا تجسسوا ولا تحاسدوا ولا تباغضوا ولا تدابروا ، وكونوا عباد الله إخوانا ) .
ده رائى والمفروض الى انتوا قلتوه ينطبق على كله مش الى لابسه نقاب ولا خمار واسدال لا والى لابسه طرحه كمان وزى مقلت مش اى واحده مهما كانت بتكلم ولد تبقى بتهظر معاه وياريت تتقبلوا رائى ونحاول ان احنا منظنش بالناس ظن وحش ومش كويس
وبالطبع هي شانها مثل البنات اللي بيلبسوا بناطيل اللي غير محترمين بالمره في اقامه علاقات مع الاولاد تحت ستار الصداقه والزماله
لا انت كلامك غلط لان مش كل الى بتكلم ولد سواء كانت لابسه ايه تبقى بتعمل معاه علاقه او تبقى مش محترمه انت كده بتجرح وبتغلط فى كله

مشرف

علي فكرة مفيش حاجة اسمها رئيك غلط او صح
دي وجهات نظر مش اكتر

جغرافي اصيل

انا هقول حاجه من الاخر كل واحد هيتحاسب عن نفسه وكل واحد مسئول من نفسه قدام ربنا
محدش هيتحاسب عن حد
هيا مساله هدايه مش اكتر
يعنى ربنا يهدينـــــــــــــــــــــــــــــــــــــــــــا جميعا
بـــــــــــــــــــــــــــــــــــــــــــــــــــــس

زائر

اوك يا محمد بس فى حاجة لازم الكل يكون عارفها صوابعك مش زى بعضها نوعيات ونوعيات يعنى اللى يتكلم مش يعمم على الكل

مشرف

انا والله مش متحيز لحد ولا انا حتي لابس خمار

جغرافي خبير

عارفه انها وجهات نظر بس فى وجهات نظر مينفعش تتقال
بالذات الى هو قاله لانك لو ركزت فى الكلام هتلاقى كده فعلا
وزى مانور قالت دى مسالة هدايه مش اكتر وبعدين
انا وضحت وجهة نظرى من نحيه الكلام الى هوه قاله
والاختلاف فى الراىء لايفسد للود قضيه

» اجتماع .............................الكل يشارك...........................
» كل سنة وانتة طيب يا قاضى ..................الكل يدخل ويهنى
» امتحان اجباري الكل يشارك
» اخنبار لتحليل شخصيتك الكل يشارك ويجاوب ............واعرف شخصيتك!!!!!!!!!!!!!!!
» اخر الا خبار ( وياريت كل يشارك بالاخبار الجديدة والمهمة فقط)يعني مش اخبارفن ولا كورة دا بعد ازنكم