دي نهاية اللي يسأل واحدة علي حاجة !!!!

مراقب عام

السلام عليكم ورحمة الله وبركاته

تعالو نشوف ايه الى حصل

هو:حبيبتي أنا حأطلب بيتزا ،عايزة حاجة ؟

هي:لا يا حبيبي

هو :اوكي

هي:ولا اقولك ..؟

هو:ها ، أطلب لك كمان؟

هي:مش عارفة

هو :مش عارفة اذا كنتي عايزة؟

هي:لا

هو:انتي جعانة؟

هي:يعني

هو :يعني إيه يعني...؟

هي:يعني مش متأكدة اذا كنت جعانة ولالأ.

هو:الواحد لما بيكون جعان بيعرف

هي :لأ بس يمكن اجوع بعدين

هو:يعني اطلب لكي بتزا ؟؟

هى:طيب واذا ما كنتش جعانة وقتها..؟

هو :ما تاكليش

هي :بس ده كدة يبقى تبذير

هو:خلاص ، تبقي تاكليها بكرة

هي:و اذا ما كانش لي نفس آكل بيتزا بكرة؟

هو :مش محتاجة نفس ، الواحد عادي ممكن ياكل بيتزا كل يوم

هي:انا لا .. أنا مش باكل بيتزا الا لما يكون عندي نفس للبيتزا

هو:طيب بلاش ، أطلب لك حاجةتانية؟

هي:بس أنا مش عايزة حاجةتانية

هو:يعني عايزة بيتزا؟

هي :لأ

هو:يعني مش عايزة حاجة؟

هي:لأ برضه

هو :جننتيني ، طب أعمل ايه؟

هي:اطلب انت لنفسك

هو:الحمد لله ، اخيرا .. ماشي ..

هي :بس اطلب بيتزا بالتونة

هو:نعم ؟ انا مش بحب البيتزا التونة

هي:بس انا بحبها

هو:وانتي مالك ؟ هو انا حاطلب ليا ولا ليكي

هي:ليك طبعا

هو:طيب أطلبها ليه بأة بالتونة...؟

هي:يمكن اجوع لما يوصل الاكل

هو :وبعدين؟

هي:يا سلام ، يعني تفتكر آكل حاجة مش عاجباني؟

هو:ليه هو انتي – أصلاً - عايزة تاكلي؟

هي :ليه لأ؟

هو:يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:بالضبط

هو:وأنا بلاش آكل؟

هي:يمكن وقتها أكون مش جعانة فتاكلها انت

ملاحظة
محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس من الجلطة"

دي نهاية اللي يسأل واحدة علي حاجة !!!! Doctor

جغرافي خبير

ههههههههههههههههههههههههه
تسلم ايدك

المدير العام

مشااااااااااااااااااكل
اصلى
اية الحلاوة دى
اقتلوهاااااااااا

جغرافى نشيط

تسلم ايدك

مراقب عام

اصلى

جابت الضغط للواحد يا اخى

جغرافى نشيط

دي نهاية اللي يسأل واحدة علي حاجة !!!! 4485171381

ههههههههههههه
تسلم ايدك على الموضوع

جغرافى نشيط

هههههههههههههههههههههههههههههههههههههههههههه
ربنا ياخد امثالها يجدع خلينا نرتاح منهم

» بنحب بعض أوي ♥ وعايزين نتجوز.. و الحكومة موفرة كل حاجة بس إحنا اللي مكسّلين
» مش هتخسر حاجة لو دخلت الموضوع لكن هتخسر كتير لو مدخلتش ادينى من وقتك دقيقة واحدة بس
» مهم للجميع بالذات اللي ذاكر السكان من المحاضرات اللي مرفوعة ع المنتدي
» مفااااااااااااااااجاة الفرقة التانية النهاردة
» مدرس يسأل تلميذ......................!!!!!!