أقبض 500 جنيه لما اتخرج .. زي الفل !!

جغرافى نشيط

نائر : الحمد لله قربت اتخرج والدنيا هتحلو اخيرا وانطلق في الحياة

نئير : ولا يا نائر انت معاك جنسية كندية ولا اوروبية ومش قايلي ؟؟

نائر : اشمعنى يعني ؟؟

نئير : الكلام اللي بتقوله ده اكيد مش تبع مصر .. "هتحلو" "هانطلق" "الحياة" .. الكلمات دي ملهاش علاقة بما بعد التخرج

نائر : ياعم الدنيا مش بالسواد اللي انت بتقول عليه ده والله البلد فيها شغل وفيها فلوس فككوا بقى من ام الصورة السوداويه دي

نئير : شغل ايه وفلوس ايه يا بو فلوس انت بتجيب الكلام ده منين ؟

نائر : اكيد مش من عندي .. انا اعرف واحد صاحبي اتخرج وشغال وبيقبض 800 في الشهر وفاتح بيت والدنيا ما شيه معاك زي الفل وواحد تاني متخرج وبيقبض 1500 وكاتب وهيتجوز قريب والدنيا ماشيه معاه .. اي نعم مش مرتبات كبيرة بس هيكبروا مع الوقت والدخل يزيد بإذن الله وربنا يوسع عليهم .

نئير : ونعم بالله يا سيدي بس اللي الفلوس اللي بتقول عليها دي ماتفتحش بيوت .

نائر : مين قالك كده !! انت عايز تسودها وخلاص !! ياعم الرغيف لسه ب5 قروش .. اي نعم الفرن زحمه بس ماحدش بيروح من غير عيش .. الطعمية ب10 قروش .. اللحمه ب من 30 وانت طالع حسب نضافتك ياعم نئير يعني تتجاب مره واتنين وتلاته في الشهر كمان المدارس الحكومة اي نعم مقرفه بس شغاله والمدارس الخاصة غاليه بس كله بيقسط .. والله البلد كويسه .. أنا معاك ان الدخل محتاج يبقى اكتر من كده مقارنة بالناتج القومي والدخل القومي بس الوضع الحالي مش صعب اوي كده ..

نائر : يابني مش كل الناس لاقيه اللي بتقول عليه ده !! ده دفعة تربية اللي اتخرجت السنه اللي فاتت كووول اللي اشتغل منهم في الحكومة بيقبض اساسي 104 جنيه وفي سيدي كرير وحتت غريبه وفي نص البلد برضو .. واللي أمه دعياله بيقبض حاجه اسمها عقد مميز ب314 جنيه يعني بالعافية تغطي مواصلاته ..

نئير : وانت ايه اللي جابرك تشتغل مع الحكومة اشتغل قطاع خاص ياعم وبإذن الله هتتيسر وهتكبر حبه حبه بس انت طور نفسك وخد دورات وخلي عندك طموح وسيبك من العادة المصرية "المقيته" بتاعت التشاؤم الرهيب اللي الناس كلها عايشه فيه ده .. يابني ده اليأس قلة إيمان .. والله ربنا ما هايسيبنا بس احنا نقربله ونجتهد أكتر وواحده واحده يعني ..

نائر : والله كلامك لا يخلو من الصحة بس مش عارف برضو انا ليه مش شايف الدنيا حلوه كده ومش عارف والله انا اللي متشائم ولا انت اللي متفائل !!

جغرافى نشيط

الكلام جميل وحلو التفائل
بس علي فكرة الطعميه بربع جنيه الواحدة
واللحمه بحاولي 37 الكيلو يعنى
خربانه خربانه مفيش ورانا غير
الصبر
الصبر
الصبر
الصبر يامان

جغرافى فعال

باشا
الناس
عايشة
على
اية
اكيد
فاهمنى
الناس
عايشة
ازاى
بس يا عم نشتغل
وبعدين ربنا
هيفرجها
بأذن الله

مشرف

» معاك 5 جنيه تعمل بيهم إيه؟؟؟ خش وانت تعرف؟؟
» حد يشتري كليتي ب 50 الف جنيه????
» شاب بيطلب من جدته تشحنله ب50 جنيه,,,,,,خش هتضحك للصبح عبوووودة
» واحد بلدياتنا فى جيبه ربع جنيه
» احنا اللى خرمنا الربع جنيه..؟؟؟