يوميات شاب صعيدى وبنت استايل فى الجامعه (الحلقه السابعه ) يلا علشان متزعلوش بس

مراقب عام

تذكير بمساهمة فاتح الموضوع :

صباحو فل على احلي اعضاء ازيكم

انهارده جايبكلم قصه رووووووووووووعه ياريت تعجبكم

وهيبقي معانا في القصه نور البنت الستايل واحمد الشاب الصعيدي واصحابهم طبعا يلا نبدأ

*_*الحلقه الاولى *_*
احمد: لو سمحتي حضرتك...ممكن براية
نور:هههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: ههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل

يلا

عايز اشوف الردورد عماله تتشقلط قدامى كدا

جغرافى فعال

اية الجمال دة انت كنت متابعهم ولا اية
مستنين الباقى بس اوووووووووووعى ياخدو بالهم انك بتسجلهم

مراقب عام

احمد دخل لقى
اتنين اعدين مكانه هو ونور
دي كانت نهاية الحلقة اللي فاتت
ويارب الحلقة دي تعجبكم ومطولهلكم شوية اى خدمه عدوا الجمااااااايل
بس
احمد : ايه يا كابتن انت وهو انا حاجز المكان ده من بدري
الي قاعدمكانه:انت حاجز صالة ولا بلكون
احمد : لأ حاجز حمام يا خفيف
اللي قاعد مكانه:هو انت فاكرني شاي ولا ايه
اللي قاعد مكانه : ايوة شاي ومتاخدش في ايدي غلوة كمان
انت باين عليك متعرفش الكابو هيثم
احمد : وانت باين عليك متعرفش احمد ابن عم هريدي عمدة القرية
اللي قاعد مكانه:ههههههههههههههههه
احمد : بتضحك على ايه يا ابن الدذمة
ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد
احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
احمد : هجطعه
جامعةالدكتور : تقطع مين يابني ...احنا في جامعه
احمد : جامعة مش جامعة هجطعه
نور : ايوة احنا هنجطعه
الدكتور : تعالوا برا انت وهي
احمد : لأ والنبي يا داكتور الجو ساجعة برا جوي
الدكتور : اطلع بقولك
نور : يلا يا احمد
احمد : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ احمد انه برضه محضرش المحاضرة
دي كمان
احمد : انا مروح يا نور
نور : لأ خليك اعد معايا شوية
احمد : لأ يا نور انا مروح
نور : انا عايزة اتكلم معاك
احمد : بكرا ان شاء الله نتكلم كتير...ماهو كده كده مش هحضر بكرا
برضه
نور : انت بتحب الماحضرات ليه يا احمد
احمد : انا جاي مصر عشان اتعلم يا نور مش عشان اتنزه
نور : انا عارفة انك شاب مش فاضي من جواك
احمد : ربنا يخليكي يا نور
نور : اي نعم انت مش مهتم بمظرك...ومش بتسرح شعرك حلو...بس حاسة
انك وسيم اووي
احمد : ماتجولي معفن احسن يا ست نور
نور : انا مش اقصد خالص
احمد : ولا تقصدي...انا جيت مصر غلط من اساسه دي مش بيئتي ولا دي
حياتي
نور : انا اسفة بجد مكنش قصدي واللهي صدقني
احمد : انا اللي اسف ....عن اذنك
وبعد ما احمد مشي نور مشيت هي كمان وكانت زعلانة جدا من كلامها
معاه ولو انها مكنتش تقصد بس احمد حساس حبتين
نور حاولت تتصل باحمد عن طريق جارته
نور : الو ممكن اكلم احمد جار حضرتك
الجارة : احمد مين يا انسة
نور : احمد جارك
الجارة : اااه تقصدي حمادة ميدو مودي
نور : انتي مسمياه كده
الجارة : هو بيحبني اووي اقوله كده
نور : طيب كويس ممكن تناديه
الجارة : احمد احمد احمد احمد
احمد احمد احمد احمد
احمد : سلام قولا من رب رحيم..اختشي يا ولية على دمك بجى في حد
يخبط على حد الساعة عشرة بالليل
الجارة : يووه ايه يا ميدو ..انا خضيتك ولا ايه...طيب تعالى في حضن
ماما تعالى
احمد : اخلصي يا ست عاوزة ايه مني وليه بتخبطي في وقت زي ده
جارته:تليفون عاوزك
احمد : والتليفون عاوزني في ايه
جارته:ههههههههههه جتك ايه يا موودي يا سكر
اقصد حد عاوزك على التليفون
احمد : ابوووووووويا جراله ايه انطجي قولي
جارته:لأ لأ ده صوت واحدة
احمد : امي امي اما مالها مالها
الجارة : ده صوت جثة
احمد :ههههههههههههه
احمد : والجثة هتتكلم ازاي يا ام مخ تاخين
جارته:تعالى ورايا يا مووودي وانا اخليها تنطق وتتكلم
احمد : طيب يا وش المصايب
نور سمعت ضحك احمد ويا جارته دي ...وقفلت السكة
احمد : الو الو ...الو الو
احمد : هههههههههه
احمد : الجثة مش راضية تنطق...ده باين كده الجثة ماتت
جارته:ههههههههههههه

خلصت يا بشوات

صباحو فل

جغرافى فعال

تصدق انك رخم والله رخم

مراقب عام

انا عارف

مش انتا اول واحد يقولى كدا

هههههههههههه

خلى حماده يذاكر

جغرافي اصيل

ايه اللى خلص يا عبودة
دى لسا ليها بقية كتير

انت ها تضحك على العيال
اكمنهم غلابة

مراقب عام

انتى جايه تهدى النفوس صح

بس

خلصت الحكايه

تسلملى على المرور

جغرافي اصيل

تؤتؤتؤتؤتؤتؤتؤتؤتؤتؤتؤتؤتؤتؤ
حكاية ايه اللى خلصت
قول للعيال الباقى هااا
لاروح اجيبلك بقية الحلقات

واقول العيال انك بتضحك عليهم

قولت ايه ها تجيب الباقى ولا......

مراقب عام

ولا

كملى انتى بقى

ساعدى اخوكى بقى شويه

يلا

كمليها انتى

يا قمر

جغرافي خبير

تسلم ايدك
بجد تحفه
ينفع تبقى فلم
ههههههههههههه
وفين لباقى زى ما توته بتقول

مراقب عام

سيبيها بظروفها

جغرافي خبير

الباقى
بقى
بسرعه
مستعجل
عبود
كان واد سريع
حلوتك يا حمام يا ذاجل
احنا مستنين

مشرف

اصلى يا عبوووووووودة

فين الجديد

بسرعة

جارى ارسال البضاعة

اصلى

مشرف

اصلي يا عبووووده
بس فين الباقي هي اصلا شكلها منتهتش
اسمع كلام توته
لاحسن ازعل

مراقب عام

خلاص يا عم

هنزعل الناس مننا ليه بس

خدوا

انا تحت امركوا

يلة نكمل المشوار00000000

وبعد
ما نور كلمت احمد في التليفون...وكانت زعلانة جدا لما سمعت صوت
جارته...واحمد مكنش داري بالدنيا ساعتها ...من ساعتها احمد ابتدى يروح
الكلية وكان متخاصم مع نور بعد كلمتها الجارحة ليه...؟ انه مش استايل
وشعره دايما منعكش....ابتدا ينتظم شوية في الدراسة لحد ما جت الامتحانات
وده كان اخر يوم في الامتحانات

احمد بيكلم واحد صاحبه عن الامتحان
احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : دزمه
احمد : طب والتالتة
صاحبه : 2000
احمد : بردو دزمه
صاحبه : يوووه
احمد : طب والرابعة
صاحبه : محلتهاش
احمد : يا دزمه هما تلاتة بس يابو مخ تاخين متجلش متقلجش هتسقط
صاحبه : انت اعد ولا هتسافر البلد
احمد : لأ هسافر انا مش ليا حد هنا
ولسة بيدور وشه....قرب عليه الملاك نور...وبصوت رقيق
نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه عاد
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :ما خلاص عاد
احمد :وحشتيني قوي
نور : انا ؟
احمد: وحشتيني يا اما ( امي)
نور : هههههههههههههههههههههههه
احمد: مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف انا اصلن مش اتخضيت ولا حاجه عادي
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات الى من غير هدوم دي
نور : بس ياض عيببببب
احمد : في ايه هو انا اللي باخد الهدوم منهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور
وهو مروح بقى......عليا الطلاج لهروح الرحلة ....عاوزين نغير دو بقى
وبعد ما احمد
خلص امتحانات هو ونور وقرر انه يطلع الرحلة وكان ميعاد الرحلة اتحدد
ونشوفكم على خير الحلقه ومش هوصيكم بالردود بقى تاني على شان نخلصها على
خير وبسرعه

ووووووووونشوووووووفكم الحلقة الجاية

مشرف

علي فكره ياض انت رخم طحن
وشكلي هعملها معاك

مراقب عام

نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات الى من غير هدوم دي
نور : بس ياض عيببببب
احمد : في ايه هو انا اللي باخد الهدوم منهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك

مركز انتا مع الحتتين دول

اصلى

على المرور

مشرف

ودي بقي تصبيره ولا ايه انشاء الله

مراقب عام

دى الحته اللى ركزت فيها يا مودى

ركز معايااا

متعملش زى حسين

مشرف

يعني لسه ولا ايه

مراقب عام

وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو احمد اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي

احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على هذا الحال لحد ما وصلوا

احمد : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية

نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياجدعان دنا ههيص جوي جوي

نور : انا هطلع اغير بقى

احمد : اوعي تجولي هتلبسي المايوه بتاع العريانين ده بتاع البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك ماييوه

احمد : لأ انا ابويا جايبلي ترننج من السعودية هنزل بيه

نور : مينفعش يا احمد

احمد : بجولك من السعودية ..جامد جوي جوي بجولك

نور طيب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي

احمد : انا اخر حاجة افكر فيها الاكل

نور : يعني مش هتفطر

احمد : في مش وخيار وعيش بلدي

نور كانت عاوزة تقوله ده عند الحجه الكلام ده

اول لما عرف احمد ان الاكل ببلاش قال انا جعان اوي اوي يانور

احمد : كل ده اكل يا نااااااااااس ...هيخلص امتى ده بس

نور : كل على اد ما تقدر يا احمد

احمد : عليا الطلاج انا هاكل وكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية دي

يابووووووووووووووي انا لازم اروح اتعرف عليها دي لابسة استرتش جاامد جوي جوي

ووووووووونشوووووووفكم الحلقة الجاية

اصلى

تسلموا

» يوميااات صعيدى بيحب بنت استايل جداااا فى الجامعة
» يوميات ابو جهل وابو لهب .. الحلقه الاولى
» حوار بين احمد ( الصعيدي ) ونور ( البنوته العسوله ) فى الجامعه .......
» دردشة بين ولد وبنت جامدة اوى
» صعيدى فتح معمل ثلج