هما كلمتين وبس((مشااعرك))الحلقه التانيه...

مراقب عام

بسم الله الرحمن الرحيم:
___________________
وبرده هقدملكوا وجهه نظري في موضوع معين وبرده عن تجربه يمكن حد يستفيد باي شئ

وبرده هرجع واقولك ان كلام يا تقبلوا يا ترميه ورا ضهرك..ومش هحبطك واقولك
ان النهارده كلامنا في صميم الواقع واللي عايشينه بجد...وده اللي ماشي في
زمنا دلوقتي...

مشااعرك

________
مش هقولك تكتمها ولا تحبسها جوااك تجاه اي شخص((صديق كان او حبيب)) بس ايااك انك تطلعها كلها
هتقولي ليه يا فقري ..هقولك مش فقري ولا محبط ولا شئ...بس بتتفهم غلط مش
اكتر ...تفاجأ ان مشااعرك دي مش هتتردلك بنفس الغزاره اللي انت طلعتها
بيها......استحاله((وخدها ثقه))

حبيت قبل كده صح...طيب راجع معايا كده شريط حبك معايا...وطبعا مش بنتكلم عن حااله واحد لا عن حالات حب كتير مثلا...
حبيت ....ارتبطت...بدأت القصه...قلبها حنين اوووي وقلبك احن منها...بدات
تطلع مشاعرك تجاها وطلعتلك مشاعرها....ايااك ثم ايااك...تطلع كل مشااعرك
تطلع كل حبك...اقسملك عمره ما هيتفهم كده كل اللي هيتفهم انك بدأت
((تدلق))اكيد مش هتحسبها هي كده ولكن شعور لا اراادي يخليها تتقل
عليك..تلاقيها غلطانه ومنتظراك تصاالح منتا اخدتها علي كده..وبينتلها انك
استحااله تعيش من غيرها مهما حصل وعايش ليها ..ومتقبلها علي اي وضع وعمرك
ما هتخسرها في يوم....فوثقت من حااجه زي دي......
وبرده لا اراادي تلاقيها بتتقل مع انها بتعشقك...بس غصب عنها بتحب تشوفك كده...
زي ما تكون بتتلذذ بعذابك((بس هي مش كده ده رد فعل لاارادي ولو قلبت الاايه هتلاقي العكس....وسبحانك يارب

تعالي نعكس الحيااه...صارحتيه بحبك بينتيله ان حياتك من غيره مش
هتمشي...يبقي لازم تقابلي تصرفاته بصدر رحب...انتي مش غلطانه بس زي ما
قولنا اياك ((تطلع كل مشاعرك))سيطر شوي علي نفسك..هتلاقيه ضامن انك معاه
مهما عمل...يعاكس بقي او اي افعال من ورا ضهرك واكتشفتيها بيعملها ومش
خايف علي زعلك وهيخاف ليه....منتي معرفاه انك بيه وهو بيكي وجربك كذا مره
ملقااش منك موقف...
ايااك او ايااكي ((تدلقي))سوري في التعبير ...ولو علي نصك الثااني او علي
صديق...حقيقي هتلاقي الرد فعلا وحش او بمعني اصح هتحس انك غلطت..

وياخسااره مشااعرك طلعت خلاص صعب تبدلها او تفهم اللي قصادك عكس كده....

وبس كده
سلاموو عليكوو

جغرافى نشيط

كلام رائع وصح اوى
وفى اوقات كتير لما الواحد بيكون صادق مع اللى قدامه بجد
هو مبيقدرش الصدق ده
وبتكون نهايته مش كويسه

جغرافي اصيل

حبيب قلبى
تماااااااااااام

مراقب عام

يا جمااااااااعه

احنا عايزين نناقش الموضوع

اللى عنده حاجه يقولها

ولو
حد معترض على الكلام يقوله

والصح هو الل هيطلع فى الاخر

تسلموا على المرور

ميمو

و

جمال الورد

مراقب عام

تسلموا

جغرافى فعال

كلام رائع وواقعى

والله كلام هو اللى بيحصل

تسلم ايدك يا عبده

تمام استمر

مستنى باقى الحلقات

جغرافي خبير

المدير العام

كلام منطقى يا عبووووووووووووووودا
وهو دا الى بيحصل بجد
تسلم

مراقب عام

تسلملى يا حمو على المرور

تسلمى
ملك روحى على المرور

جغرافي اصيل

اصلى يا اصلى
يابن القصر ياغالى

مراقب عام

حبيب قلبى

استنى الجديد

يا ريس

جغرافى فعال

كلام جااااااااامد وواقعى

اصلى يا عبده

انا طالعلك مش انتا اللى طالعلى

مشرف

بجد بجد بجد بجد
الموضوع جميل جدا
وغموما دي بتحصل كتير
بس يلا ربنا كبير
استمر بجد

جغرافى فعال

تسلم عالموضوع يا عبوده
بس انا مش معاك فى الى انت كتبه ده
مينفعش الواحد يحسب مشعره
ويقول هطلع كتير او شويه

مراقب عام

talia كتب:: تسلم عالموضوع يا عبوده
بس انا مش معاك فى الى انت كتبه ده
مينفعش الواحد يحسب مشعره
ويقول هطلع كتير او شويه

كلامك جميل انا بقول بلاش يطلع كل المشاااعر اللى عنده

هيتفهم غلط والبنت هتقول دا بيموت فيا عليا انا اتقل عليه كدا

واغلط هو هيجى يصالحنى هوهى تتلذذ بكدا

انا مش مع ان المشاعر تكون قليله ولا كبيره المهم

ميطلعش مشاعره كلها ناحيتها

دا وجهت نظرى عندك حاجه تقدميها

اتفضلى

» هما كلمتين وبس...((احلامك)) الحلقه الاولي..
» كلمتين وبس ((التقدير)) الحلقه الثالثه...
» كلمتين وبس ((الكرامه)) الحلقه الرابعه
» كلمتين وبس .. ((قدرك)) .. الحلقه الخامسه
» يوميات ابو جهل وابو لهب ( الحلقه التانيه )