۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝

مراقب عام

[center]يوميات المواطن حنفي

السلام عليكم ورحمه الله وبركاته ,,

[center]*******************

النهاردة جايبلوكوا يوميات جديدة ( المواطن حنفى ) بجد
كلها افهات جامده اوى

وانـ شاء الله تعجبكم .. هتكون ع حلقات .. زى
المسلسل العربى كده

المطلوب انكم تتخيلو
المووقف .. وتعيشو اللحظه

يعنى من الاخر كدا مع عبوووده مش هتقدر تغمض بوقك

ههههههههه

اصلى

ونبدأ بأول حلقتين
من اليوميـــات ..

*******************

::الحلقة
الاولى فى البيت ::

۝¸¸. يوميــــــات المواطـــــن حنفـــــي .. هتضحك من قلبـــكـ بجد .. عبوده الاصلى.¸¸۝ W1e32s

(حنفى نازل الشغل الصبح
بدرى )

الزوجة : انت
نازل الشغل ياحنفى ؟

حنفى : لا نازل ألعب كوره ياولية بطلى
الاسئلة المتخلفة دى

الزوجة : طب بس براحة عليا شوية ده احنا لسة
على الصبح يعنى

حنفى : هو انتى اللى شافك يبقى شاف صبح مش
عارف أنا كل يوم الواحد يصطبح بالخلقة دى

الزوجة :استغفر الله العظيم يارب ايه ياراجل
انت هو انت راكبك عفريت ولا ايه؟

حنفى : وهو برضه فى عفريت يطيق يقعد فى شقة
انتى قاعدة فيها؟

الزوجة : طيب ياسيدى أنا مش هرد عليك هات
مصروف الشهر عشان أنا نازلة السوق كمان شوية

حنفى : ليه ؟ هو النهاردة كام فى الشهر؟

الزوجة :النهاردة أول يوم فى الشهر ياحنفى و
مافيش ولا مليم فى البيت

حنفى : ياولية هو انتى منبه بيضرب أول كل شهر
؟ مافيش مرة كده تحصل معجزة وتنسى موضوع

المصروف ده؟

الزوجة : قصر ياحنفى وهات الفلوس عشان اشوف
اللى ورايا

حنفى : والله ياختى مهمة أوى سيادتك والحاجات
اللى وراكى مقطعة بعضها ومش لاقية وقت ياعينى

الزوجة : اللهم طولك ياروح ياراجل انت هو انت
مافيش يوم تعديه كده من غير خناقة

حنفى : وهو انت حد يشوف وشك ومايتخانقش طب
ايه رأيك بقى مافيش فلوس النهاردة ويبقى اتصرفى

انتى بقى ان شا الله تعملى الاكل زيت وملح

الزوجة :حنفى

حنفى : ياست بقى بلا حنفى بلا زفت أنا خافى
فى داهية الهى يارب أرجع الاقى الانبوبة فرقعت فى

وشك

(وبعدين يرزع الباب وينزل

)

*******************

الحلقة الثانية

[SIZE="5"][COLOR="#a0522d"]

[b]

(حنفى ماشى فى الشارع بسرعة فخبط ست معدية بكتفه )

الست : حاسب ياحمار

حنفى : ايه قلة الادب دى ؟ ايه حاسب دى ؟

الست : مش تفتح وانت ماشى بدل ما تخبط فى خلق الله كده

حنفى : ياست أنا حر أفتح أقفل عينى وانا حر فيها وبعدين هو حد قالك

تمشى فى الشارع مالتاكسيات مالية البلد أهى و لا هى طولة

لسان على الفاضى وبعدين ايه اللى حصل يعنى ؟ كسرتلك ايد

خلعلتلك رجل فقعتلك عين و لا هو دلع ومياصة وخلاص ؟

الست :على فكرة انت قليل الادب ومش محترم

حنفى : ياسلام ياختى محسسانى انك انتى اكتشفتى حاجة جديدة يعنى

الست : يعنى انت ترضى تعمل كده مع أختك

&&&&
حنفى : لا طبعا مارضاش ده لو أختى أنا كان زمانى رميتها تحت الاتوبيس اللى
جاى هناك ده

الست: لا , واضح انك مش عايز تجيبها لبر

حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة

الست : أنا مش هارد عليك لان مستواى وأخلاقى

&&&&
مايسمحوليش انى ارد على واحد زبالة كده زيك

حنفى : قولتلك بلاش قلة أدب ؟ ايه زيك دى ؟

الست : روح ياعم الله يهديك

حنفى : ماشى ياختى الله يسهلك الهى يارب

وانتى ماشية فى الشارع تعدى من

تحت بيتنا تقوم الانبوبة اللى هى هتفرقع فى مراتى

تفرقع فيكى انتى كمان ستات آخر زمن

(وبعدين يسيب الست ويكمل طريقه فى انتظار مشكلة أخرى )

استنونى ف الحلقات القادمه

[/center]

جغرافى فعال

ههههههههههههههه
هههههههههههههههههههههه
جاااااااااااااااااااااااااااااااااااااامد يا عبوده

مراقب عام

talia كتب:: ههههههههههههههه
هههههههههههههههههههههه
جاااااااااااااااااااااااااااااااااااااامد يا عبوده

كل دا ضحك مصر كلها سمعت الضحكه

شكلها هتلعب معاك يا واد يا عبده

والمسلسل الناس كلها هتشوفه

تسلمى يا قمر على المرور

تابعى بقى

حنفى الرخم

جغرافي خبير

مستني يابن خال اية الخنقات دى وطولة البال مش هيضرب ولا اية
هههههههههههههههههههههههههههههه
تحياتى

مراقب عام

we7yat 3eniek كتب:: مستني يابن خال اية الخنقات دى وطولة البال مش هيضرب ولا اية
هههههههههههههههههههههههههههههه
تحياتى

كدا ولعت

حبيب قلبى

دا حنفى دا مشكله من مشاااكل الزمن

شكله طالعلى ولا ايه

اصلى يا درش

تعالا كل يوم علشااااان تتفرج على المسلسل دا

او تنسا يا صاحبى

جغرافي خبير

اوعى مراتة تقولة حنفى
وهوا يقول مفيش حنفى
حنفى
خلاص هتنزل المرة دى بس والله............ مش فاكر الباقى

مراقب عام

لالالالالالالالالالالالالالالا

متقلقش

هو انعم واكرم دا اسم والدك

دا ممرمت مراته هناااااااااااااا

مراقب عام

تابع بس

ونتا هتتخنق منه

المدير العام

تسلم يا عبودة
دائما مشاكل باستمرار

اوعى يقولها تنزل المرة دى اوعى يا بودا

انطلق

متابع

بس بالنص فى الاخر

جغرافي خبير

منتظرين الجديد

جغرافى فعال

ههههههههههههههههههه

اصلى يا عبده

تمام

انطلق

مراقب عام

تسلموا على المرور

النهارده جايبلكوا الحلقه التالته جاااااااااااااامده
[b][b]مع[/b]عبوده مش هتقدر تقفل بوقك

صباااااااااااحو رخامه

الحلقة
الثالثة

: فى المواصلات

[/b]

(حنفى واقف فى الشارع مستنى ميكروباص , حنفى لقى ميكروباص

جاى من بعيد فشاورله والميكروباص وقف له)

حنفى : رايح مدينة نصر يا اسطى ؟

الكمسرى : ايوه يا أستاذ تعالى .

حنفى : لا ده أنا رايح الهرم , روح انت

الكمسرى : امال بتقول ليه مدينة نصر ياعم انت , ولاهى عطلة وخلاص

حنفى : ياجدع باطمن ان فيه مواصلات لمدينة نصر , يمكن أفكر أروحها فى يوم
ولا حاجة ,

وبعدين أنا حر أسال السؤال اللى أنا عايزه و لا هى الاسئلة بقت بفلوس
اليومين دول ولا ايه ؟

(سواق الميكروباص مشى بالعربية بسرعة

قبل ماخناقة تحصل بين الكمسرى و حنفى ,

حنفى لقى ميكروباص تانى جاى فشاورله والميكروباص وقف

حنفى : رايح الهرم يااسطى ؟

الكمسرى : ايوه يااستاذ تعالى

حنفى : طيب معاك مكانين فاضيين ؟

الكمسرى : لا والله معلش يابيه , مافيش غير مكان واحد

حنفى : طيب كويس أنا عايز مكان واحد بس , اصل انت لو كان معاك مكانين
ماكنتش هاركب .

الكمسرى (عمل انه ماسمعش حاجة ): انت نازل فين ياأستاذ؟

حنفى : نازل الهرم ان شاء الله

الكمسرى (مبتسما ): خوفو ولا خفرع ولا منقرع.

(بعد كده أدرك الكمسرى انه ارتكب غلطة فادحة لما فكر انه يهرج مع حنفى )

حنفى : لا رايح عند أبو الهول ياخفيف , سمعت انه تعبان فقلت لما أروح اطمن
عليه

يمكن محتاج حاجة منى كده ولا كده و أو يكمن

ابنه الهول محتاج حد يوديه المدرسة أهو زى مابيقولك

اعمل الخير وارميه فى وش السواقين ياخفيف.

الكمسرى (مكشر) : الاجرة يا بيه

حنفى : عمال أقولك رايح أزور ابو الهول وباكلمك عن عمل الخير و وانت تقولى
الاجرة الدنيا بقت وحشه أوى ياجدعان

الكمسرى : يابيه الاجرة لو سمحت عشان أشوف اللى ورايا

حنفى : هو فيه ايه يا رجالة هى مصر كلها بقت مهمة ولا ايه , كل ما أكلم
واحد يقولى خلص

عشان أشوف اللى ورايا , حاجة تفقع المرارة , ماتكونش انت والولية مراتى
فاتحين شركة مع بعض ولا حاجة

الكمسرى : يابيه الاجرة عشان اليوم يعدى , مش عايزين نضايق على حد

حنفى : ياماما , تصدق اترعبت يا أخى , طب ايه رأيك بقى ان أنا مش دافع
الاجرة الا لما أنزل , وكله بالقانون

(حنفى طلع رجل بتاع قانون اهو)

الكمسرى : يعنى انت فارقة معاك أوى انك تدفع لما تنزل عن انك تدفع دلوقتى

حنفى : يا جدع أنا حر أدفع دلوقتى , أدفع كمان ثانيتين , أدفع لما أنزل ,
أدفع المرة جاية , فلوسى و أنا حر فيها .

الكمسرى : وقف يا أسطى لما نشوف أخرتها مع الجدع ده ايه .

حنفى : آه وماله , وقف يااسطى لما نشوف أخرتها معاكو ايه

( الكمسرى يدخل ايده فى بقه ويطلع موس ويحطه على رقبة حنفى )

الكمسرى : هتدفع ولا تتشاهد على روحك

حنفى : هو حضرتك صدقت ولا ايه , ده أنا كنت بهزر معاك يا أخى يااه , ماكنتش
أعرف

انك عصبى أوى كده , هى الاجرة كام ؟

الكمسرى : جنيه ونص

حنفى : خد اتنين جنيه اهمة , ياراجل اخزى الشيطان

وشيل البتاع ده من على رقبتى أبوس ايدك , ده أنا كنت بهزر والله و وآدى
ياعم راسك أبوسها.

( الميكروباص كمل طريقه وحنفى قاعد جواه زى الكرسى اللى هو قاعد عليه وحاطط
عينيه فى الارض

لحد ماوصل لمحطته , حنفى نزل زى الصاروخ وطلع يجرى ناحية أقرب .......حمام

يلا بقى انطلقوا يا بنئدمين
[b][b][b][b]مع[/b]عبوده مش هتقدر تقفل بوقك
اصلى
[/b][/b]

[/b]

جغرافى نشيط

هههههههههههههههههه يا عينى عليك يا حنفى بيتخانق مع دبان وشه

اصلى يا عبوده

مراقب عام

medo shalaby كتب:: هههههههههههههههههه يا عينى عليك يا حنفى بيتخانق مع دبان وشه

اصلى يا عبوده

تسلملى يا شلبى

ابقى تعالا كل يوم

متقطعش الجوابات

اصلى

مراقب عام

ههههههههههههههههههههههههههههههه

اصلى يا واد

تسلم
هههههههههههههههههههههههههههههههههه

مراقب عام

تم التثبيت

انطلق يا عبودة واستمر بقااااااااااااااااااا

اصلى ►☻◄

المدير العام

كم انت كبير يا بودا
بالنص ياااااااااااض

جغرافى نشيط

ثبتلة يا ابنى اللى هوة عاوزة اما نشوف اخرتها معاااااة

مش بطـال ابقى سيب رقم تليفونك واحنا هنبقى نبعتلك

جغرافى نشيط

فعلا ماركه مسجله
هههههههههههههههههههههههههههههه
بيس
بس انا خايف الا تكون انت حنفى الرخم ياعبوده
وبتحكى حكايه انت عملتها
هههههههههههههههههههههههههههه
اصلى اصلى
تسلم يا عبوده
ياصلى ههههههههههههه

مراقب عام

يلا بقى

ايوا كدا

هتلعب معااك يا واد يا عبده

شكلها كدا

يلا شويه والحلقه الجديده تنزل

مراقب عام

[b][center]الحلقة الرابعة : حنفى بيجيب فطار

بتاع الفول (بيكلم نفسه ) : ياساتر هو الراجل الرخم

ده هييجى كل يوم ولا ايه , ياساتر على الرخامة.

حنفى : ايه ياجدع انت شكلك مش طايق نفسك ليه كده؟ ووشك

اتغير ساعة ماشفتنى كده ليه؟ ماتكنش شفت عفريت ولا حاجة

بتاع الفول : ياريت ياسى حنفى كان عفريت , أصل انا من غير ماخبى عليك ساعة

مابشوفك بحس بانتعاشة كده فى قلبى

حنفى : ليه ان شاء الله , عبيط انت ولا ايه ؟ايه اللى بيخليك تنتعش ياخويا؟

بتاع الفول : أبدا ياسى حنفى أصلهم دايما كان بيقولولى ان أنا مافيش حد فى
رخامتى

لحد ماعرفتك و اكتشفت ان أنا مجرد تلميذ فى مدرستك

حنفى : طيب ياابو لسان طويل , بطل رغى بقى و اعملى شقتين فول و شقتين طعمية

بتاع الفول : اشمعنى غيرت طلبك النهاردة يا سى حنفى , مانت طول عمرك بتاكل 3
سندوتشات بس

حنفى : الهى ياشيخ تنطس فى نظرك , الهى وانت ماشى تخبط فى شجرة , الهى

عصفورة تعمل على دماغك و ماتلاقيش منديل تمسح بيه . هو أنا كنت باكل من جيب
أبوك

يابنى ولا انا كنت باجى أطفح عندك ببلاش . انت مالك انت , حاجة غريبة والله
, هو انت

شغال بياع فول ولا مخبر فى أمن الدولة

بتاع الفول : خلاص ياعم حقك عليا , ياساتر ماكانتش كلمة يعنى , باسألك سؤال
عادى

, أعوذ بالله , طيب ياسيدى هاعملك طلبك وتاكله بالسم الهارى ان شاء الله (
بصوت

واطى)

حنفى : بترطم بتقول ايه ياابو لسان طويل

بتاع الفول : ولا حاجة , بقول ربنا يكرمك زى ماكرم غيرك قبل كده

حنفى : طب خلص عشان أنا اتخنقت منك

بتاع الفول : امال انا أعمل ايه , ممكن أسالك سؤال ياسى حنفى ؟

حنفى : اتنيل اسأل

بتاع الفول : هو انت ناوى كل يوم تيجى عندى ان شاء الله يعنى

حنفى : مضطر يااخويا , أصلك أقرب واحد للشغل , وهو لو كان فى حد غيرك كنت
فكرت

أقرب منك أصلا و وهو انت الاكل اللى بتعمله ده يبقى أكل بنى آدمين ده أكل
بهايم يابنى

بس هنعمل ايه بقى , أدينا صابرين

بتاع الفول : لا , على فكرة يا سى حنفى فى مطعم فتح جديد على أول الشارع ,
يعنى

قريب أوى أوى من هنا والاكل اللى بيبيعه أكل بنى آدمين فياريت تجربه ,
ويارب تبقى

زبون دايم عنده , وربنا يرحمه بقى

حنفى : ماشى يازبالة , هات الاكل اللى هاطفحه عشان أمشى

بتاع الفول : اتفضل أهو يا حنفى بيه شرفتنا ونورتنا و هتوحشنا والله انت
ورخامتك

حنفى : نور لما يكهربك , ووحش لما ياكلك , يابعيد

بتاع الفول : ده من ذوقك ياحنفى بيه , ومش بعيد عليك الكلام

اللى انت بتقوله ده , و أهو الحاجة اللى مخليانى ماردش عليك , انك ماعدتش
هاتيجى التانى

حنفى : ترد عليا , الهى ترد المية فى زورك ياشيخ , يلا فى ستين داهية أنا
خافى يابتاع أكل البهايم

( ومشى حنفى بعد ماحرق دم الراجل اللى ساب شغلانته وباع
عربية الفول بتاعته واشتغل لميع جزم , واهو كله من تحت راس حنفى )

*******************

يلا بقا انطلقواااااااااااااااااا

هتنزل المره دى

[/center][/b]

المدير العام

انا حبيت السرقة على ايديك

اية الحلاوة دى يا بوووووووووووووودا

الهوى الاصلى للمنتدى

توبتنى وبقيت حرامى يا معلم

تسلم

مراقب عام

mohamed_tiger كتب:: انا حبيت السرقة على ايديك

اية الحلاوة دى يا بوووووووووووووودا

الهوى الاصلى للمنتدى

توبتنى وبقيت حرامى يا معلم

تسلم

هههههههههههههههههههه

لا والنبى قولهم ان انا حرااااااامى

ساميه قولى للامك انى حرااااااااااااااامى

يا ام نيازى صحى نيااااااااازى وقوليله

عبووووووووووووووووووووده حراااااااااااااااااااااامى

ابقى تعالالى على 10..... 10.30 كدا ماشى

تعالا كل يوم يا واد يا تايجر

احسن من بسنت والدياسطى اهوه

صح

مشرف

يا رخم

يا حنفى

اصلى يا عبوووووووووووودة

توبتنى وبقيت حرامى يا معلم

مراقب عام

برنس

سكر اداب طنطا

وربناااااا حبيبى وواحشنى

ابقى تعالا كل يوم بقى

احسن

من

لعبه الحياااه يا

صيااااااااااااااااد

كما يومين

هعمل

يوميات

طه اخو ترباااااااااااااااااااااس

ترباااااااااااس وتايجر بس اللى هيضحكوا على الكلمه دى

ابنكوااااااااااااااااااااااااا مااااااااااااااااااااااااااااااااااااااااااااات

ههههههههههههههههههههههههههههههههههههه

» ممنوع دخول الزملكوية ... نكت علي الزمالك..... كله حصرى مع عبوده الاصلى
» الان(اكيد في مصر يا معلم) ,.......... الجزء التالت كله حصرى مع عبوده الاصلى
» ღღ شـ،ـارك بـ،ـصـ،ـورة كـ،ـومـ،ـيـ،ـديـ،ـة °°ღღ ارجو التثبيت كله حصرى مع عبوده الاصلى
» اللالبوووم الكامل" لحفل زفاف حماده هلال" حصرى من عبوده الاصلى
» شوية صور تمام هتضحك يعنى هتضحك