يوميات الفاشل ادخل ورد عليا

بسم الله الرحمن الرحيم
نقدم لكم حياه شاب فاشل
من صغره
اولا فى سن الخامسه من عمره
فى الصباح الباكر اول يوم يذهب صاحبنا الى الحضانه تصحيه امه من النوم وهو متضايق من الحضانه والتعليم اصلا ومخنوق عشان صحا من النوم بدرى الساعه السابعه صباحا
تقوم امه بتحضير الفطار لصاحبنا المهم يفطر وياخد سندوتشات معاه ومصروفه طبعا اللى عمل عليه دوشه على الصبح مع ابوه
المهم ذهب صاحبنا الى الحضانه ودخلها بعد صريخ وعياط عشان هيسيب امه ويبقى لوحده المهم دخلت المدرسه عليه وبدات تتعرف بواحد واحد منهم وبدات تعلمهم حرف ( أ )
وبدات تعلمهم ازاى يكتبوه وصاحبنا مش معاهم خالص وبيضرب فى دا وغيره المهم المدرسه بتاعته قالتله عيب ياحبيبى اللى انت بتعمله انت المفروض تركز معايا وهو رد عليها وقالها حاضر
المهم صاحبنا مش مع المدرسه بتاعته خالص وفى الفسحه اللى بياكلوا فيها الشندوتشات يضرب زمايله ويقطعوا هدوم بعض ..........
المهم صاحبنا يروح لامه وامه تشوف منظره ومنظر هدومه
تقوله مين ابن ........اللى عمل فيك كدا وتاخد صاحبنا وتروح لام اللى كان بيتخانق معاه
وتفاجىء الام بان ابن......... هو اللى متبهدل ابنها بوظله وشه وكسرله سنانه
المهم الام تقول احنا اسفين والله معلش دا انا كنت جايه عشان اضربه قدامكم ....................
وتاخد ابنها بعد ماتضربه قلمين كدا على الماشى ويعيط صاحبنا .................
المهم تغيرله امه هدومه وتجبله ياكل وبعد ما ياكل تقوله امه اكتب بقى الواجب
يقوم وهو مش عارف حاجه اصلا ولا عارف هو ايه معنى الواجب ولو كان عارف المعنى ومش عارف هو الواجب ايه اصلا ولا ازاى هيكتبه المهم تقعد امه تفهم الواجب وازاى يكتب ..............
يخلص الواجب اللى اصلا خطه فيه ذى الزفت ويروح يقول لابوه انا هنزل العب كوره مع العيال يرد ابوه عليه روح ياحبيبى ماهو دا اللى انت فالح فيه ينزل صاحبنا ويلعب مع زماياه ونفس اللى بيحصل فى الحضانه بيحصل فى الشار بس الزياده ان الهدوم بتبقى كلها طين وزى الزفت
ويطلع لامه اخر النهار على المغرب بالمنظر اللى يقرف الكلب الجعان
المهم تغيره امه وتنضفه من الى هو فيه وبعد شويه الام تجيب الاكل عشان يتعشوا المهم دا يقعد يتعشا وبعد مايخلص اكل يتفرج شويه على التيليفزيون وينام وهكذااااااااااااااا
انتظروا العدد القادم مع دخوله المدرسه
الشوااااااااااااااااالى