الحب منذ الصغر

بدات حكايتى وانا فى تالته ابتدائى



كنت بشوف اعلان واحد بيطلع فيه ويقول كول وافلام التسعينيات ديه اعد افكر فى الكلامه وفى الاخر قررت ابقى كوووووول



صحيت الساعه السابعه والنصف كالعاده وسمعت اغنية عايزنها تبقى خضر الارضى الى فى الصحراء وشربت لبن وبطنى وجعتنى كالعاده مش من اللبن من الاغنيه



ورحت المدرسه وانا ماشى عمال افكر ازاى ابقى كول



المهم كان عندى واحد صحبى اسمه احمد كان بيحط زيت امله على شعره وبنطلونه مرفوع لحد صدره اظهار انه كان بيدفى صدره بيه ورابط القميص لحد ماهيشنق نفسه بيه



قولت ده الواد الكول الى فى صحابى كلهم



فقررت اروح اسئله ازاى ابقى كول زيك فرد عليه



احمد: كول سرح شعرك وامسك منديل فولار اوعى تجيب فاينفودز احسن والبس ساعه وحس انك كول وانت ماشى



خلص اليوم وروحت وكان عليه درس باليل فقررت انى افاجئ الناس كلها وابقى اجمد كووووول فى مصر



لبست بنطلون ورفعته لحد صدرى كنت حاسس ان هيغمى عليه من البنطلون وتنيته من تحت لحد مابقيت شبه بتوع المطافى



وحبيت اخرج عن كلام صحبى واحط جيل فى اول واضخم حدث هو الاول من نوعه وهو انى هبقى كول



رحت بتاعه الصابون وجبت بربع جنيه جيل وحط بقى ياكول على شعرك واستحميت بالجل حطيت كمية جيل محدش حطها ابدا



ولبست قميص كول كده كنت حاسس ان رايح جنينة الحيوانات من كتر الحيوانات الى عليه ولبست ساعه كتينه موديل 1919 من ايام عمك سعد ومشيت فى الشارع وانا حاسس انى كول واجمد كووول فى التاريخ البشرى رحت الدرس وكنت اتاخرت طبعا عشان بظبط الكول بتاعى



ودخلت ووقعت عنيه على ندى وبجد ندى والحب والجيل والكول كوكتيل حقير حقيقى انما الحب بقى وهى ذات الشعر القصير الوجه الذى لا يفرق عن وجه الولاد فهى فى ذلك الوقت لا تملك اى شىء يدل عن انها بنت او اى داليل عن انوثتها فهى فتات احلامى وبجد ندى والحب والكول كوكتيل سافل

المهم



اعد ابصلها طول الحصه وشعرى غرقان جيل وبمنظرى العجيب ده وبعد مخلص الدرس قولت لاحمد انا بحبها اوى قالى



احمد: هو انت شوفتها غير مرتين خلاص هظبطك معها



طبعا احمد ولا ظبطنى ولا حاجه كل تظبيطه اننا مشينا جمبها طول الطريق كنت حاسس سعاتها انى فى الصم والبكم



وفى الاخر قررت اكلمها واصرحلها على كووول الى فى القلبى قصدى الحب يعنى



فكانت ماشيه هى واحده صحبتها وانا واحمد لقتها بتقولى انت بتحب ياعبدالله يااااااااه مش عارف اوصفلكم اللحظه ديه حاسيت ان الكول عمل حاجه رديت عليها قولتلها انا اها اها بحب



ندى : مين ياعبدالله



انا: وبكل ثقه انتى بحبك انتى



لقتها مره واحده راحت قالبه وشه ولسانها بيقول انا احب الكول ده ازاى يعنى
طبعا مش كده بالظبط

بس المهم



لقتها راحت قالتلى احنا لسه صغيرين على الكلام ده



طبعا انا فى اللحظه ديه كل الكول عندى وقع حسيت ان البنطلون نزل من على صدرى وكيلو الجيل الى كنت حاطه على شعرى بيسيح وبنطلون المطافى بدا ينزل من تحت



المهم كالعاده عم عليه السكوت وفضلنا ماشين حوالى 50متر كده وفجائه احنا الاربعه ماشين فى خط واحد راحت واخده يمين هى وصحبتها من غير سلام او بيس يامان ولا اى حاجه كوووووول



كان منظرى انا واحمد مش كول ولا طعميه كمان



ودي كانت البدايه بس طبعا قصص الحب مخلصتش




بس دى من واقع احلامى الباطنيه وملهاش علاقه بالواقع
الشوااااااااااااااااااااااااااااااااااالى

مشكوووووووووووووووووووور
يكووووول
على كلامك المعقوووول

يا كول انت يا كوووووووووووول






انت مكانك مش هنا
انت مكانك كوووووووووووووولية الفنون الجميلة


انت فنان يا خيري


كوووووووووول سنة وانت طيب

بيس يا عويس