حظك الوحش ممكن ينفعك

جغرافي خبير

ضرب البلطجى باب المقهى برجلة فوقف جميع رواد المقهى خوفا من البلطجى إلا شاب كان يجلس وهو شارد الذهن ينظر الى كوب الشاى الذى امامه
فاتجه اليه البلطجى واخذ كوب الشاى من امام الشاب وشربه مرة واحدة ثم القى الكوب فارغا وقال للشاب ادفع انت بقة ثمن الشاى
بكى الشاب بكاء مريرا
البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل
اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : ياة دا انت فاشل خالص
الشاب امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه
فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
حتى الانتحار فشلت فيه

البلطجى ازاى؟

الشاب : رحت للبقال واشتريت منه اقوى سم قاتل وجيت القهوة وحطيت السم فى الشاى عشان

اشربه اموت واخلص من حياتى فجيت انته وشربت الشاى بتاعى اللى فية السم

مراقب عام

ههههههههههههههههههههههههههههههههههههههههههههه

بالهنا والشفتشى

ده حظة جااااااااامد اوى

تسلم ايدك

جغرافي خبير

تسلم على المرور
مغزي التوبيك حظك الوحش ممكن ينفعك ودا يجعلنا منبكيش علي حظنا لان كل شئ بايد ربنا كاتبها لينا لازم نشوفها والخير كله بيده قال تعالي " وعسي ان تكرهوا شئ وهو خير لكم " صدق الله العظيم

مشرف

شكرا على الموضوع
بالمناسبه مفيش حاجه اسمها حظ
هو اسمه نصيب وكل واحد نصيبه مكتبله من قبل ميتولد ومهما الواحد عمل او حاول يعمل مش هياخد غير نصيبه
فاتمنى كلنا نكون عارفين كدة كويس ونعيش على كدة
تقبلى مرورى

جغرافي خبير

تسلم على المرور
اتعلمنا اننا نرضي بقضاء الله وقدرة
وان ربنا دايما رايدلنا الخير ومش لازم نعاند ربنا ابدااااااااااا

مشرف

الله ينور عليكى ودة قصدى تقريبا

جغرافي خبير

لو الواحد مرضيش بقضاء ربنا
عمرة مهيقدر يعيش فى الدنيا دى
لانه هيكون بكده مش راضى على حياته
كلها وده هيسببله ياس من الحياة
والحمد لله ربنا يعينا ويعين جميع
المسلمين على الرضا بقضائه

المدير العام

نايس

اشرب واسكت وارضى ياقلبى بمر الكاس ماهيا هتفضل تسرق منا اعز الناس

نصيبك هيصيبك
بس

جغرافي خبير

تسلم على المرور
المفرود اننا نرضى بالى ربنا كتبهلنا لان ده قدره ومش هنغيرة لو مرضناش بيه
مهما كان خير او شر لازم نرضى

المدير العام

قل لن يصيبنا الا ما كتب الله لنا
والشئ الى بنعتقدة شر هو فى الحقيقة خير لنا
وربنا الى مقدرة لنا

جغرافي خبير

عندك حق عشان كده
لازم الانسان يرضى بقدرة
تسلم على المرور

» ممكن طلب بعد ازنكم (ممكن منهج مادة اعمال السنة)
» ممكن تشارك
» ممكن طلب
» ممكن حد يساعدني ضرورررررررررررررررررررررررررررررررررررررررررري
» ممكن اصــرخ ..... :::::