ما بيفهمـــــــــــــــــــــوش --:::::::::☺☻::::::::::::::::::◄

مراقب عام

اللى اختشوا يابا ماتوا
وإنتو ما بتختشوش
قلعتو برقع حياكو
وقلتو ما نلبسوش

جوا جحوركم تمللي
للظلم ما تدفعوش
لو يوم تشد الشدايد
م الجحر ما تخرجوش
تشوفوا إيه اللي يحصل
ومغطيين الوشوش
زي النعام لما يدفن
ف راسه ولا تفهموش
إن اللى يجرى لجيرانكم
ها تشوفه كل الجحوش
إللي عقولها ف ديولها
متنقرشه بالرتوش

كفاحكو كله هجايص
ونضالكو كله فاشوش
دم الشهايد خِلِصْ
وفايدة ما منكوش
ولما يدعيكوا داعى
الإخّوة ما بتسمعوش

أكبر ما فيكم: عناكب
واجرأ ما فيكم:هاموش
الشجب ويا الإدانة
تواجهوا بيها الوحوش
كل سلاحكم قصايد
وكلامكو هوا الجيوش

نسيتوا آيات كتابكم
ومشيتوا ورا ابن بوش
دلوقتى جالكم قضاكم
يا مربيين ف الكروش

دا إللي بيحمى الكراسي
والهيلمان والعروش
أعلنها واضحة صريحة
إنتم عوالة وفاشوش

أصل انتو دايما يا أمه
للنخوة ما تعرفوش

كنتم زمان يد واحدة
دلوقتى ليه ما تلاقوش
حاجة تجمع ما بينكم
غير لحس جِزَمْ ابن بوش

الدور هاييجى عليكم
وما حد يقدر يحوش

بترول بلادكو اتشفط
ولسه ما حسيتوش

دا اللى اختشوا يابا ماتوا
ياللي انتو ما بتفهموش
-----
وغضبي

مشرف

الدور هاييجى عليكم
وما حد يقدر يحوش

بترول بلادكو اتشفط
ولسه ما حسيتوش

دا اللى اختشوا يابا ماتوا
ياللي انتو ما بتفهموش

تسلم يا شيتوس

اصلى

مراقب عام

تسلملى عيونك يا صياد

انتا فينك يا ابنى وحشنى

الظاهر العربية الجديدة غيرتك ولا ايه

جغرافي اصيل

الله دى حلوة اوي يسلمو يا شيتوس علي الكلمات الامورة هاى

مراقب عام

هههههههههههههه

منورة التوبيك

وميرسى لمرورك الغالى

جغرافى فعال

يسلمو يا شيتوس طول عمرك اصلى

مراقب عام

تسلملى عيونك يا حبوب

منور التوبيك يا كبير