منهج الفرقه الاولى

جغرافى فعال

تذكير بمساهمة فاتح الموضوع :

ياجماعه انا عامله الموضوع ده علشان كلنا نتفاعل مع بعض ونفيد بعض وهنا كلنا
هنكتب تحديد المنهج فى المواد كلها اللى عندنا فى الفرقه الاولى اللى يعرف تحديد اى ماده يكتبها واى سوال حد محتاجه يكتبه هنا
واى ملاحظات مهمه هنكتبها لبعض
علشان مفيش وقت وعايزينها سنه سعيده علينا كلنا ان شاء الله
ارجوووووووو التفاعل وبالنوفيق لينا كلنا ان شاء الله

جغرافى نشيط

بصي يا همس القمر انا عن نفسي كتبت بحث الوطن العربي عن دوله ليبيا من كتاب جغرافيا أفريقيا من ص 320 ل ص 340 فشوفي كده و حاولي تعمليه

و يا رب أكون أفدتك

جغرافى نشيط

اية يا عمدا ده لا تستحق العمودية فعلا بس يا كبير ياريت تعمل حاجة ف عملية وخرايط عشااااااان انا مضيع فيها

مشرف

من عنيا الجوز بس اخلصا وانا هظبطكم
قول يا رب

جغرافى نشيط

أصلي يا كبيييييييير

منتظرين مفاجأتك و أبداعاتك

أستمرررررررررررررررررررررر

جغرافى فعال

جماعه هولازم اجابتنا فى سوال البحث بتاع الوطن العربى
يكون زى البحث اللى مقدمينه يعنى انا عملت دوله الامارات فى البحث
ينفع فى الامتحان اكتب عن دوله ليبيا؟

مراقب عام

الدوله اللى انتى متاكده انك هتكتبى فيهااااااااا كل حاجه عنهااااااااااا

واكيد كله هيكتب اللى عمله فى البحث

بس لو دوله تانيه مفيش مشكله

المهم انك تكتبى كل حاجه عنهااااااااااا

وبالتوفيق للجميع

جغرافى نشيط

يا عمدا واللنبى انا عايز
ملخص اسئله النظرى
فى العمليه والخرائط
اوعى تنسانى

العب معااااااااااكى

والغراب لسه واقف على كوز الذره

مشرف

وانا اقدر انساك يا حبيب قلبي
اول ما الملخص ينزل هقلك واديهولك
ماشي يا معلم

مشرف

وانا اقدر انساك يا حبيب قلبي
اول ما الملخص ينزل هقلك واديهولك
ماشي يا معلم

جغرافى نشيط

أصلي يا رجاااااااااااااااله

بالتوفيق ان شاء الله

دائما في تقدم

استمرررررررررررو

جغرافى فعال

لوسمحتم ياجماعه عايزه اعرف تحديد ماده العمليه والخرايط
او نزاكر فيها ايه بالظبط من كتاب ولا ملخص ونزاكر ايه ونحفظ خرايط ايه ولو مرسمناش خرايط عادى ولا ايه لانى مستصعباها
اوى ومش عارفه ازاكر فيها ايه بالظبط

مشرف

والله يا جماعه ماده العمليه والخرائط ماده حلوه وخفيفه
بس للي ركز فيها
بصي يا همس
انا باقي للاعاده
ومن واقع الخبره المؤلمه دي اقدر اقلك ركزي علي
خرائط الكنتور ومقياس الرسم في الجزء العملي
وده مش معناه ان الباقي مش مهم لا
وعندك سؤال مضمون في الامتحان وهو خرائط الكنتور وده عليه لوحدو 8 درجات

جغرافى فعال

شكرا ليك اوى ياعمدا وتعوضها السنه دى ان شاء الله
افدتنى كتير بس مفيش رسومات مهمه نحفظها او رسومات هتترسم فى الامتحان
وخطوط الكنتور هنكتب اللى فى الملخص من غير رسومات ولا ايه
والرسومات عليها كام درجه فى الامتحان

مشرف

مفيش رسومات في العمليه
هو انتي بيجيلك خريطه كنتور زي الي في الملزمه مثلا
وبيديكي مطلوبات توضحيها علي خريطه الكنتور
بس يعني مفيش خرائط بترسميها في امتحان العمليه

مشرف

يا عمده
يا عمده

مشرف

منور التوبيك يا ميزو
شد حيلك

مشرف

بالنسبه لهمس
ممكن سؤال ؟
هو بايخ شويه

مشرف

اشمعني دوله الامارات
مع ان في دول تنيا اسهل بكتير
وعلي كل حال دي حريه شخصيه

جغرافى فعال

عندك حق واللهى ياعمده انا عملت البحث وكنت مخنوقه من الدوله دى
علشان كده سالت ينفع اكتب دوله تانيه فى الامتحان بس ان شاء الله هكتب ليبيا اسهل شويه لوتعرف حاجه اسهل من ليبيا ياريت تقول وشكرا على الاهتمام

مشرف

لبيا حلوه عشان جاهزه في كتاب افريقيا
بس لو في وقت كنت قلتلك اكتبي عن تونس او مصر
اتكلي علي الله

جغرافى فعال

ياجماعه اللى عنده امتحانات السنين اللى فاتت لعمليه وخرايط ياريت ينزلها

مراقب عام

هتنزل قريب باذن الله يا قمر
اوك

جغرافى فعال

اوك
وشكرا ليك وانا فى انتظارها

مشرف

عبووووده طول عمرو خدوم
ربنا يخليك للغلابه

جغرافى فعال

فين الاسئله ماده العمليه والخرايط بتاع السنين اللى فاتت
انا مرعوبه من الماده دى

» امتحان الجغرافيا الطبيعيه الفرقه الاولى
» ابحاث الفرقه الاولى
» نتيجه الفرقه الاولى وباقى الفرق
» نتيجه الفرقه الاولى كليه اداب
» اعلان نتيجه الفرقه الاولى جغرافيا