الاهلى والزمالك

مشرف

الاهلى والزمالك

او

الزمالك والاهلى

[ندعوك للتسجيل في المنتدى أو التعريف بنفسك لمعاينة هذه الصورة]
مباراة فى غايو الصعوبة غدا الاربعاء الموافق

26\\5\\2010

فالزمالك يدخل المباراة ويتغيب عنة حازم امام وعمرو زكى

اما الاهلى يغيب عنة عماد متعب واسامة حسنى

والمباراه فى بطولة كاس مصر 2010

وتعتبر نهائى مبكر للبطولة

حيث حصل الاهلى على 35 بطولة للكاس

اما الزمالك فحصل على21 مرة

منهم مرتين مشتركين مع الاهلى
[ندعوك للتسجيل في المنتدى أو التعريف بنفسك لمعاينة هذه الصورة]

ونتمنى التوفيق للفريقين ويقدمو ماتش يليق بالكرة المصرى

والازمالكاوية والاهلاوية

والفوز للفريق الاحسن فى المباراة

ويكون فى روح رياضية بين الجماهير

مشرف

دى اهداف اجما ماتش بين الفريقين

مشرف

زمالك مين ياعم
هو لسه في فريق اسمو الزمالك
كل سنه وانت طيب
والكاس انشاء الله للاهلي
وده العادي
عم قول يارب

جغرافى نشيط

زمالك ايه اللى انت جى تقول عليه

انت عارف قبله معنى الفن والحرفنه ايه

دا الاهلى هو الحرفنه وابوتريكه هو الفن

ومتعب فى كل ماتش بيظبط الصفتى

وبيلم فتح الله ويجيب الجول

بركات يا مولعها محدش يقولك لالا

وجمعه محدش يقوله هعدى حتى لوكان شيكا

_________________________

على فكرة حتى لو الاهلى خسر مع ان ده مستبعد انشاء الله

ولا تفرق معانا احنا بقلنا 6سنين بنكسب الزمالك وناخد منهم بطولات

مرة بقى من نفسهم

مشرف

يستضيف استاد القاهرة مساء الأربعاء القمة 140 بين الزمالك والأهلي في دور الستة عشر لبطولة كأس مصر لتكون ثالث مواجهات الفريقين هذا الموسم بعد لقائي الدوري وهو ما يعد نهائي مبكر للكأس.
وتنتظر ملايين الأنصار من عشاق الأحمر والأبيض هذا اللقاء كل موسم لما يحمله الفريقان من أسماء ونجوم لها ثقلها في الكرة المصرية ولتتواصل المتعة والإثارة مع ختام الموسم، خاصة إن آخر لقاء بين الفريقين في بطولة الكأس كان في نهائي 2006-2007 وانتهي بفوز الأهلي 3-4 بعد مباراة مشتعلة غاية في الروعة والمتعة.
وتختلف طموحات الفريقين في هذا الكلاسيكو بالذات، حيث يأمل الزمالك في الخروج ببطولة هذا الموسم حيث تعد الأخيرة له قبل الوصول لمحطته الأخيرة، بينما يحلم جمهور الأهلي بتحقيق الثنائية ومواصلة المشوار علي حاسب الزمالك بعد الفوز بلقب الدوري.
ويتفوق الأهلي علي الزمالك في السنوات الأخيرة بشكل كبير، إلا إن هذا الموسم استطاع أن يفرز منافسة حقيقية بين الفريقين بعد استقرار الأحوال داخل القلعة البيضاء علي يد مدربه حسام حسن ولقاء الدور الثاني في الدوري ما زال عالق في الأذهان.
لذا ستكون المباراة مواصلة لما شاهده الجميع في مباراة الدوري الثانية والتي شهدت ستة أهداف في أجمل لقاءات الدوري، فتلك المباراة أثبتت الشراسة الهجومية لكل فريق علي الرغم من العودة الأهلاوية ثلاث مرات وحرم الزمالك من الفوز في الدقائق الأخيرة.
منافسة حسن وثنائية البدري
وتحول حسام حسن في هذا العام إلي ما يشبه الأسطورة الزمالكوية بعد أن عاد بالفريق إلي رشده، وحقق معه نتائج جيدة وأصبح منافسا حقيقيا علي جميع البطولات واستطاع تأهيل اللاعبين نفسيا وأعطي لهم جرعة التركيز داخل الملعب فقط.
ولا يختلف الحال كثيرا بالنسبة لمدرب الأهلي حسام البدري الذي يبحث عن الثنائية بعد أن استطاع تحقيق لقب الدوري وهو يعد أول ألقابه الشخصية مع فريق بحجم الأهلي، وهو انجاز يحسب له بالنظر أيضا للظروف التي واجهته طوال الموسم من غيابات وتذبذب مستوي نجوم الفريق.
أوراق الفريقين
وبالعودة لمباراة الكأس، فان حسام حسن يملك العديد من الأوراق التي قام بتثبيت إمكانها مثل قطع الشطرنج، فأصبح التشكيل ثابت إلي حد كبير ولا يحدث به أي تعديلات سوي في أضيق الحدود حسب متطلبات كل مباراة.

في الصفوف البيضاء نجد صانع الألعاب ومحرك الفريق شيكابالا ويدعمه حسين ياسر المحمدي بجانب تحركات حسن مصطفي وإبراهيم صلاح احد اكتشافات الزمالك هذا الموسم بالإضافة إلي محمد عبدالشافي وصمام الأمان محمود فتح الله وهؤلاء هم ميزان الفريق وأساس قائمته التي لا تهتز.
وقد يفاجئ حسام الجميع بوجود المهاجم العائد عمرو زكي إذا ما انتهت أزمته منذ العودة من انجلترا، حيث يتدرب مع الفريق وحضر المران بانتظام ولكن بطاقته الدولية لم تكن حاضره وهو ما قد يمنعه.

ويختلف الحال في الأهلي، فالبدري سيفتقد لواحد من أهم عناصره الأساسية، فالمهاجم عماد متعب وصاحب هدفين في آخر لقاء للفريقين هو ابرز الغائبين، كما لم يتضح موقف احمد فتحي الذي انضم للقائمة التي اختارها البدري.
ولكن الأهلي يملك الأوراق البديلة التي تدعم صفوفه سواء من أهل الخبرة أو الشباب، فمحمد أبوتريكة ومحمد بركات واحمد حسن ووائل جمعة وسيد معوض وجيلبرتو ومحمد فضل القادم بقوة سيكونون في الميعاد، أما الشباب فيمثلهم المدفعجي الجديد شهاب الدين احمد واحمد شكري وسعد سمير.
ولن تكون هناك كروتا مخفية في الفريقين، فالمشاهد العادي يمكنه وضع التشكيل الذي سيخوض به كل مدير فني المباراة لكن يبقي توزيع الأدوار والتنفيذ علي ارض الملعب بين أقدام اللاعبين.
كيف تأهلا
وتأهل الزمالك إلي دور الـ16 بعد فوزه علي فريق الفيوم بهدف لمهاجمه احمد جعفر، بينما صعد الأهلي للدور ذاته بعد أن تخطي فريق نبروه بثلاثية لفضل (هدفين) وشكري.
تاريخ الكلاسيكو بالأرقام
وفاز الأهلي بالكأس 35 مرة كان آخرها موسم 2006-2007، فيما حقق الزمالك اللقب 21 مرة كان آخرها موسم 2007-2008.
كما حقق الأهلي الفوز علي الزمالك في 56 لقاء من لقاءات القمة، وفاز الزمالك في 36 مباراة وكان التعادل سيد الموقف في 47 مباراة.

مشرف

لوسمحتى بلاش العصبيه فى الكوره يعنى انت تشجع ناديك حقك بس متغلطشى فى نادى تانى لو سمحتى بجد

زمالك
فورررررررررررررر
ايفر
والاهلى مبكرهوش بالعكس بنحترمه ونقدره ولما بيلعب كوره حلوة بنشجعوه هو ده الاحترام الكروووووووووووووووى

جغرافى نشيط

ماشى يا عم معتز

بس بردك الاهلى فوق الجميع

الاهلى حديد

مشرف

بس انهارده يوم الزمالك
ساعتين بالضبط وافكرك

مشرف

متفكرو
ده لحد دلوقتي
2/1
للاهلي
ولسه وما خفي كان اعظم

مشرف

الصله علي النبي
التالت يا معلم
معلم يا ابو تريكه
والله
اصلي

مشرف

الف مبرووووووووووووووووووووووووووووووووووووووووووووووووووووووووووووك للاهلى

مشرف

هو حد قال للاهلى انه بيلعب الجزائر
على العموم الف مليون مبروك للاهلويه وحظ سعيد مره قادمه للفارس الابيض

مشرف

اصل الواحد بيحلم بالمستحيل اللى يزعلك الزمالك بيقا كسبان واحد واتنين وتلاته بس مش عارف فى الشوط التانى الاهلى بيجبلوا حاجات غريبه الكلام ده من ايام 4/3 لو تفتكر نفسى اعرف مش بيحفظوا على الجون ليه؟؟؟؟؟؟؟؟؟؟؟؟؟؟؟؟؟؟؟؟؟

جغرافى نشيط

الله يبارك فيك يا وزة

وهارد لك للزمالك

____________

بس انا قلتلك الاهلى حديد

_______________

بصراحه جول عبد الفضيل شبه اجوال كريستيانو رنالدو مع مانشستر

جول عااااااااااااااااااااااااالمى

جغرافى نشيط

يا عم معتز مع احترامى ليك هو الزمالك مسك كورة فى الشوط الاول ولا التانى وحتى لوكان فيه تالت

دا بصرااحه الاهلى كسب 3 مع الرأفه

____________________________

على فكرة دى حقيقه ومن غير تعصب

الاهلى كسب 3 مع الرأفه

جغرافى نشيط

الاهلى خطف الزمالك بثلاثيه ولا اروع

مشرف

هو مستحيل بعقل يا ميزو

مشرف

فارس ابيض ايه وملون ايه

مشرف

ياعم فكك
اصلا النتيجه معروفه من قبل ما المطش يبدا
بس كانو بيلعبو عشان ميقلوش اتئهلو كوسه
ههههههههههههههههههههه
وهارد لك للزمالك اصحاب القلعه البيضاء

المدير العام

مبورك للاهلي والاهلاوية

والزمالكوية متعودة ومايهمهاش خسارة

مشرف

هو الف مبروك وكل حاجة للاهلى

بس انا ليا تعليق بسيط على الموضوع

المفروض التوبيك يبقى اسمة الاهلى والاهلى
او
الاهلى والاهلى

مشرف

تصدق فعلا
محشش خد بالو من الموضوع ده
ههههههههههههههههههههههههههههههههههههههههههههههه

جغرافى نشيط

زمالك والعيشه مره غلابه يا بتوع ميت عقبه

حدش شاف التوأم ولا تاهوا فى الزحمه

كل واحد يعرف حجمه

مشرف

عارفين الغريب ايه انى اهلاوى متعصب جداااااااااااااااااااااااااااااااااااااااااااااااااااااااااااااااااااا
من زمان اوى يعنى نقول من 1998 ولو انتم بقوا كنتم متبعين بس انا نفسى الدورى والكاس يبقى على الكبيرين عشان بجد نستمتع بكره بجد مش كل شويه اهلى
ايه يعنى لما الاهلى يأخد افريقيا والدورى والزمالك يأخد السوبر المصرى والكاس
بجد تبقى فيه منافسه كبيره
انا فعلا بقالى 3 ماتشات فى الدربى القاهرى بشجع الزمالك
عشان بجد اكتر فريق اتظلم جدا
وخلاص مبروك الكاس علينا لما نشجع بقى وربنا يستر فى افريقيا
وبرضه لازم نشج الاسمياعيلى
يـــــــــــــــــــــــــــــــــــــــارب الاهلى يوصل الامارات

جغرافي خبير

كـــــــــــــــــــــــــــدا كـــــــــــــــــــــــــــدا
مفيش مشاكل
وهرد لك للذمالكويه

ونقول مبروك لينا

احنا الاهلى
فوق الهرم

وبنبص للكل

كان نفسى
بجـــــد الزمالك
تغلب
عشان الكاس يبقا فيه تنافس ومتعه

بس مش مشكله الجيات اكتر

يلا يعتبر شئ مستحيل

خليها فى الخطيه الالفيه الجايه

» فوز الاهلى بالتلاته
» اخبار الاهلى
» رونالدينهو فى الاهلى المصرى
» تى شيرت الاهلى 2011
» فوتو كوميدى للنادى الاهلى